Aydheea 37:26 - Wëël Jwøk

²⁶ « ‹?Aŋø, kärï wïnynyö cøøn? Gïnögø yaa nø caar ki kany mo bäär, a na Wuuö Jwøk, ni caara ka ya acääŋŋe cøøn. 'Ba ennø, a wëëga gø thur kare, nee päänye moa no ogeerø ni teek nee wëëgï niruuth.

Aydheea 37:26 Iomraidhean Croise

Wïlöölö 50:20

Ki jïïu mana caarru ki cwïnynyu beeye ki man tïïu ki gïn mo raac dëëra, 'ba ki køør mana en cwïny Jwøk, gïnögø atïïe na gïn mo beer, kiper nee jiy mo thööth kwøwge kaawat man bëëde dïcäŋi en.

Aydheea 10:15

?Aŋø, ley ŋwöö kiper dëëre bäät ŋat wø ŋudö ki gø? ?A gïr ŋøl ko opämi, dëëre wø jieme jiemø bäät ŋat wø ŋudö ki gø? Manøgø patha gïn mo tägö; tïmö ni caala man ö athøra ni kwany dhaanhø ni wø kwany gø, wala caala man ö athøra ni tïŋ dhaanhø maal na näk patha jaath.

Aydheea 17:1

'Ba luumma nyooth Wuuö Jwøki kiper Damacka bee en: «Neennu, Damacka kare aløny ni cään ki man tïme ni paa pääny, eno pädhi ni neeruuth.

Aydheea 22:11

'Ba uuna tïïö ki kany cooŋ pïï yie yïthakic kiir mana näk ogeerø na ariiø kiper pï puul mana no oruuö. 'Ba uuni u kär göök ri Jwøk na tïïc gø, ni käru göök ree, eni na caar gø dïkwøŋ kany mo bäär.

Aydheea 40:21

?Aŋø, gïn kuyu? ?Käru wïnynyö? ?Kär caanø jïïu dïkwøŋ ya acääŋŋe? ?Aŋø, tiere poot käru kwanyø en ki mana cak piny ya acääŋŋe?

Aydheea 40:28

?Aŋø, gïn kuyu? ?Käru wïnynyö? Wuuö Jwøk beeye Jwøk man wø bëëdö na bäre bäre, ni bee eni na cwääc piny bäre; eni dëëre ba øc piny ni eni ba ööl. Ena Jwøk mo tier leec wïc mare ba løny ki kwany.

Aydheea 45:7

Bee a na tïïc tar na tïïc muudhö, ni bee a ni wø känni ki bëëtö mo beer, ni wø wëëk bëëtö mo raac tägö, bee aani na Wuuö Jwøk ni wø tïïc gïïögø bëët.

Amøc 3:6

?A ni näk tuuŋ okoodhø dï paac kiper leny, dëët jiy bëët ba kwanynyi? ?Aŋø, ni näk gïn mo raac ööa bäät paac, paa Wuuö Jwøk møn na tïïc gø?

Moa Tïïc Nyïïatwieli 2:23

Jecu manøgø acïp ceŋŋu keda mana kwøŋi ya Jwøki cooŋ ki cwïnye ni ŋääe cøøn, 'ba acïbu ceŋ jøøa kuc ciik Jwøk, ni guru gø bäät jaadha no odëëdö, ni 'nägu gø.

1 Piter 2:8

na «Kïdi mano cwany tiet jiy, na kïnno wëëk ge päänhnhö.» Ni tietge cwanyge kaper na dhalge luubö, kaawat mana kwøŋ geni mëëŋ gø.

Juut 1:4

Kiper da jø møøk mo odunynyö ki jöö mør ki piny, jøøa näk omiiø cøøn kiper ajäl Jwøk, jøøa ba wøør Jwøk na wiil luum met yi Jwøk marø ni døøcge gø jöö man tïïcge gïï mo patha karge, ni kwierge Kwääyø ma aciel na näk Kwäärö ma Jecu Krictø.