Aydheea 37:21 - Wëël Jwøk

²¹ Kanyøgønø, Aydheea wär Amöth ajäägö ki dwøl baŋ Edhekaya, ni caan gø ni «Man beeye dwør Wuuö Jwøk, Jwø Icriel, ena köö: Kiper mana lämï kiper Cenakerëp nyeny Aciria,

Aydheea 37:21 Iomraidhean Croise

2 Camiel 15:31

'Ba acaan dhaanhe mørri jï Deebit ni kööe, na «Akithöpël, ena dhaanhø aciel røk jøøa tuut dhøkge bäätï na no odwätö ka Abëcëlöm.» Kanyøgønø, Deebit aput lämö jï Jwøk ni kööe, «Wui, Wuuö Jwøk, akwaya ïïni, tïïc acaara mar Akithöpël ni bäŋ tiere.»

2 Camiel 17:23

'Ba kanya jooti ya Akithöpëlli ni køør acaara mare kär caadhø, arëën mare ajiiŋŋe ni tïŋŋe ni ci paare na en pääny poge, ni jiiŋ jap paare na karge, ni put ree lïër ni thøøe. Køøre ena kïth yi bwörö mar wänni.

2 Nyeye 18:13

'Ba kanya tïm cwiic Edhekaya na apaar kurŋween bäät nyec, Cenakerëp nyeny Aciria acøø ni tuk päänye mo Juuda bëët moa näk kiiri moge ogeerø ni teek, ni mak geni.

Jööp 22:27

'Ba ïïno lämö jïre, ni ö eni ni wïny lam marï, ni ö japa kööŋï kiperge ni cïpï ge jïre.

Aydheea 37:2

Køøre Edhekaya, Eliekim ŋata en paan dwøŋŋi cere, ki Cëpna ŋat wø göör luup akwöma piny, ki jø døøŋŋø moa näk dïlämme, mo dëëtge ege döönnö ki keece ki pänh cwïny, ajääŋŋe baŋ nyikuŋ Jwøk ma Aydheea wär Amöth.

Aydheea 58:9

Køøre noo cwøllu aani, a na Wuuö Jwøk, aani döötu wïnynya wïnynyö, ni kany wø jwöŋu kiper køny, løøa løø, ni ‹Aani en.› Ni näk mo tëëra peek ni wø caal jaath man wø rïï ŋut dhieŋ ri puur you käl wøk göök jiy; ni weyu jiy ki nyøthø ki lweetu nou jøøŋŋa ge;

Aydheea 65:24

'Ba kany wø pootge ni ge poot kär pëëö, løøa løø jïge, ni kany wø pootge ni ge poot cäänö, döötge puta ka wïnynyö.

Moa Tïïc Nyïïatwieli 4:31

'Ba kanyøgøøni na lønyge ki lam, kanya näk dëëtge ege cooŋ yie ree ajäŋe, ni pääŋ cwïnyge bëët ki Jwïëc Jwøk na en kur keere. Ni køpge luum Jwøk ni cwïnyge da cer.