Aydheea 37:2 - Wëël Jwøk

² Køøre Edhekaya, Eliekim ŋata en paan dwøŋŋi cere, ki Cëpna ŋat wø göör luup akwöma piny, ki jø døøŋŋø moa näk dïlämme, mo dëëtge ege döönnö ki keece ki pänh cwïny, ajääŋŋe baŋ nyikuŋ Jwøk ma Aydheea wär Amöth.

Aydheea 37:2 Iomraidhean Croise

2 Nyeye 18:18

'Ba kanya ö jøøgø na cwølge nyeya ma Edhekaya, Eliekim wär Kilkiya na en paan dwøŋŋi cere, ki Cëpna ŋat wø göör luup akwöma piny, ki Jöa wär Acaap ŋat wø par wïc ki luup, gena ö wøk baŋ jøøgø.

2 Nyeye 19:2

Køøre Edhekaya, Eliekim ŋata en paan dwøŋŋi cere, ki Cëpna ŋat wø göör luup akwöma piny, ki jø døøŋŋø moa näk dïlämme, mo dëëtge ege döönnö ki keece ki pänh cwïny, ajääŋŋe baŋ nyikuŋ Jwøk ma Aydheea wär Amöth.

2 Luup Nyeye 20:20

Køøre kanya tïme na amöölla døc jø Juuda apäny maal ni cige paap Tëköa. 'Ba kanya cige wøk, Jøcapat acuŋŋö nyïmge ni kööe, «Wui, u na jø Juuda ki jø wø bëëdö yi Jerucalem, cegu ïthu baŋa. Ŋääthu Wuuö Jwøk na adïëri, eni na Jwøk maru, nee tietu këëtge piny ni teek. Ni ŋääthu nyïïkuk moe, nou käädhu.»

Acther 4:1

'Ba Mördekay kanya wïny japa tïïc bëët, abïïge ajeeye ki pänh cwïny, ni runy dëëre ka abïïn keeca, ni jøøp bur wïïe, ni wïr dï pääny bäre ni jwöŋi ni guyö ki dwøl mo päl ni cwïnye opädhö døc,

Aydheea 1:1

Moi beege luup mo wø nyooth ki yi wïc na nyooth Jwøki jï Aydheea wär Amöth kiper jø Juuda ki jø Jerucalem yïth nïr Udhaya, ki Jötham, ki Eeyeth, ki Edhekaya, kanya bëëtge ni gena nyeye mo Juuda.

Aydheea 20:2

kar kaaca Wuuö Jwøk onø cäänö ki Aydheea wär Amöth ni kööe, ni «Pät keeca wøk mana näk iï dwøl dëërï ni kälï war wøk moa en tietï.» Ni ö Aydheea ni put gïnögø tïïc, ni cäädhe ki dëëre, ni bäŋ war tiete.

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Aydheea 22:15

Man beeye dwør Kwäärö Wuuö Jwøk, eni na wïth jammi bëët, ena köö, ni «Ö maal ni ciï baŋ Cebna manøgø na no orøønyø na kare dwøŋ bäät paan dwøŋ, ni kööï jïre,

Aydheea 22:20

« ‹'Ba dïcäŋeca, dhaanhnha ma Eliekim o Kilkiya ocwøla,

Aydheea 36:3

Køøre Eliekim wär Kilkiya na en paan dwøŋŋi cere, ki Cëpna ŋat wø göör luup akwöma piny, ki Jöa wär Acaap ŋat wø par wïc ki luup, gena ö wøk baŋ jøøgø.

Aydheea 37:14

Kanyøgønø Edhekaya wëëlö alwøre ceŋ jiy moa jääŋŋi, ni kwaan gø. Ni ö eni ni ci yi Øt Wuuö Jwøk ni peer gø nyïm Wuuö Jwøk.

Aydheea 37:21

Kanyøgønø, Aydheea wär Amöth ajäägö ki dwøl baŋ Edhekaya, ni caan gø ni «Man beeye dwør Wuuö Jwøk, Jwø Icriel, ena köö: Kiper mana lämï kiper Cenakerëp nyeny Aciria,

Aydheea 38:1

'Ba ki yïth nïrögøøni, Edhekaya atïmö ni tuu ni ena um thøø. Køøre nyikuŋ Jwøk ma Aydheea wär Amöth aö baŋe ni kööe jïgø, ni «Man bee dwør Wuuö Jwøk, ena köö, ni ‹Caan dwørï, kiper ï thøw; ï ba kwøw.› »

Jool 1:13

Wui, u na dïlämme, røøu keece dëëtu na abïïe, ni kïmmu; wui, u ni tïïc maru beeye cïp olämme bäät gïn wø cïp olämme bääte, gööu ko oduuru; wui, u ni wø tïny Jwøk mara, ööu ni thöörru wäär bäre ni keece ena dëëtu; kiper muuce mo beel, ki muuce mo kwøŋ bäŋgø mo kïtha yi Øt Jwøk maru këët.