Aydheea 36:7 - Wëël Jwøk

⁷ ?'Ba ni näk mo u köö jïra nou ŋäätha Wuuö Jwøk, Jwøk maru, aŋø, paa eni na kwör lam moe mo wø läm jiyi yïthge bäät thuuri, ki gïï wø cïp olämme bäätge moe, raany Edhekaya, na kööm uuni, u na jø Juuda ki jø Jerucalem, ni lämu nyïm gïn wø cïp olämme bääte mana en Jerucalem keere?› »

Aydheea 36:7 Iomraidhean Croise

2 Nyeye 18:22

?'Ba ni näk mo u köö jïra nou ŋäätha Wuuö Jwøk, Jwøk maru, aŋø, paa eni na kwör lam moe mo wø läm jiyi yïthge bäät thuuri, ki gïï wø cïp olämme bäätge moe, raany Edhekaya, na kööm uuni, u na jø Juuda ki jø Jerucalem, ni lämu nyïm gïn wø cïp olämme bääte mana en Jerucalem keere?› »

1 Luup Nyeye 5:20

'Ba kanya këëtge ki jø Agara, gena køny Jwøki ri leny kiper mana jwöŋge dëër Jwøk ni ŋääthge gø, ni ö Jwøki ni køny geni ki leny, ni cïp jø Agri ceŋge ki jøøa en løøge.

2 Luup Nyeye 30:14

Kanyøgø gena ö maal ni daakge gïï wø cïp olämme bäätge mo juuga reyø, ki gïï wø waaŋ gïï wø jïcge ŋwääi ni met bäätge bëët moa en yi Jerucalem, ni putge ge leeŋ yi waŋ Naam Kidaran.

2 Luup Nyeye 31:1

'Ba kanya thum wøør ajwöma bäre, jø Icriel bëët moa nut kaagø gena ci wøk yïth päänye mo Juuda, ni tøcge kïte moa no ocwöth piny na gïï lam, ni ŋøtge jenni piny moa no ocaa ri jwø wø cwøl na Acara, ni raanyge kwör lam moa en bäät thuuri mo wø lam juuga reyø yïthge, ki gïï wø cïp olämme moge bäätge. Gïïögø tïïcge yïth mïëc jø tuuŋ Juuda bëët ki jø tuuŋ Benjamen, ki yïth mïëc jø tuuŋ Ipariem ki jø tuuŋ Maneeca, këël mana thöörge japøgø bëët ki raanynyø. Køøre ge na jø Icriel bëët, gena duu yïth päänye moge, ni ö ŋati man nø ni døø yïth ŋøøpe.

2 Luup Nyeye 32:12

?Patha Edhekaya manøgø na raany kwör lam mo Wuuö Jwøk moa en bäät thuuri, ki gïï wø cïp olämme bäätge, ni kööe jï jø Juuda ki jø Jerucalem, ni «Wøørru Wuuö Jwøk nyïm gïn wø cïp olämme bääte ma aciel, ni wääŋu bääte ki gïï wø jïcge ŋwääi ni met.»?

Aydheea 36:8

Ni cäŋ kwääy lwaa leny köö, ni «Ennø, beerra man gääbu dhøgu ki nyeya mara ma nyeny Aciria, naa cïpa jïïu ko okwëënyi ma kume ariiø ni näk mo løny jïïu ki man cïpu ki jiy mo cäädhi ki bäätge.

1 Körin 2:15

'Ba ŋat mo cwïnye ena køør Jwøk, tiet jammi bëët wø joode joodø, 'ba eni ki dëëre doo bäŋ ŋat mo tiir eni.