Aydheea 36:20 - Wëël Jwøk

²⁰ ?A juuge moe røk juu bëët mo tiet mïëri moøgø mo jø wø bëëdö yïth ŋøøpge ege piemø cera, ni tïme ni Wuuö Jwøk jø Jerucalem pieme piemø cera en?› »

Aydheea 36:20 Iomraidhean Croise

1 Nyeye 20:23

'Ba jø kööre mo nyeny jø Aram aköö jï nyeya marge, ni «Juuk jø Icriel beege juuk bäät kïte; beeye tiere gø na böötge øøni en. 'Ba ennø, beerra man këëdø ki geni kany ma pwöla, nee ge böötø.

1 Nyeye 20:28

Køøre nyikuŋ Jwøk aöö ni cääne ka Akap nyeny Icriel ni kööe, ni «Wuuö Jwøk aköö, ni ‹Kiper mana kö jø Arammi ni Wuuö Jwøk beeye Jwø bäät kïte, ni eni paa Jwø gøli, aani lwaak manøgø bäre ni dwøŋ enø, cïba ceŋŋu, nee putu ŋäc ni aana Wuuö Jwøk.› »

2 Luup Nyeye 32:15

Kiper manøgønø, Edhekaya kär wëëgu man cøøk uuni wala man maaŋ wïthu ki gïnögø, ni ba ŋääthu eni, kiper ki røk juu mo wïth juurre bëët wala mo buc nyeye, bäŋ jwøk mo oløny jïre ki man piem jiye cera wala ceŋ kwäya. ?A Jwøk maru nø, olønye jïre nidïï ki man piem uuni cera?› »

2 Luup Nyeye 32:19

Gena cäänö ni Jwøk mar jø Jerucalem ege päärö ki juu mo jø bäät piny ni wø tïïc jiyi ki ceŋge.

Bwøth Wøk 5:2

'Ba Peerø aköö, na «?Aŋø, Wuuö Jwøk aŋa ni wïnynya dwøre nee jø Icriel aacge en? Aani Wuuö Jwøk kuua, këël aani thuwø jø Icriel ba wëëga wääth nee aacge.»

Aydheea 36:15

Kär nee Edhekaya tïïya uuni nee Wuuö Jwøk ŋääthu, ki køør man wø kööe, ni «Ka adïëri møn, Wuuö Jwøk ø pieme piemø; ni pääny man ba ci cer nyeny Aciria.» ›

Aydheea 37:4

'Ba kiper manøgønø, beerra man lämï jï Wuuö Jwøk, Jwøk marï, kiper jiy moa no odööŋ ni kwøw. Kanymør ni Wuuö Jwøk, Jwøk marï, luup bëët moa caan kwääy lwaa leny wïnynye wïnynyö, ni beeye ŋata jääŋ nyeny Aciria nee eni na Jwøa kwøw pääde, ni ö eni na Wuuö Jwøk ni jook luupa wïnynye na car ŋatøgø.› »

Edhikiel 35:13

Ïïna cäänö niï töödö bääta ki luup mo thööth, ni wïnynya luup moï.

Daniel 3:15

Ennø, ni näk mo rou you jiiŋŋø, kanyo wïnynyu dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, ni putu cøŋŋu këël piny ni wøørru kït gïna näk yaa tïïö ki warkey, wøp; 'ba ni näk mo ba wøørru, kawaane waane en u put ka leeŋ yi maac mo orubö ni wärri. ?'Ba a jwøa ŋø nø noo piem uuni cera?»