Aydheea 35:9 - Wëël Jwøk

⁹ ŋuu tïmö ni bäŋgø yie, ni bäŋ cwieny mo di joodø ni cäädhö yie. Lääy moøgø tïmö ni bäŋgø kaace, 'ba beege jøøa no owïïl wøk keerge noo cäädhi ki yie.

Aydheea 35:9 Iomraidhean Croise

Bwøth Wøk 15:13

«'Ba jiyï moa wïïlï wøk ki køør mëëyï ni wø ba jøøl obwøthï; ni kïthï geni kar bëëtö marï na en kur keere ki teek marï.

Aydheea 1:27

Dhayan di piemø, ki jiye moo køp raacge, ki køør adïëri mar Jwøk ki bëënynyö mare.

Aydheea 30:21

Kanyo wäru cäädhu nou gaa bäät cwïïc wala bäät caam, dwøl wïnynyu wïnynyö ŋäthu mo köö, ni «Jöö en, cäädhu ki yie.»

Aydheea 30:6

'Ba luumma nyooth Wuuö Jwøki kiper 'lääy mo wø en kanya cwøl ni Nëgëp bee en: Jøøa jääŋŋi gena aay ni ge cøra yi ŋöömma raac ni wø jwør gïï mo leth yie, kanya näk yie da ŋuuwe, ki thwöre mo reyø, ki teeŋ thwöre møøk mo määdö; ni ge aay ni jap kwärö moge käärge ka bäät arëëni, ni japa näk ege kaannø na perge leth käärge ka bäät athïrööle, ni ge cøøa baŋ jiy mo bäŋ køny mo tïïcge,

Aydheea 43:19

Ka adïëri møn, aani, da gïn mo tïïa tïïö mo nyään, gïneca tägö ennø. ?Aŋø, 'ba nëëni jïïu? Aani da jöö mo tïïa tïïö mo cøra paaba näk tëën, ni tïïa ki näm mo cøra paaba no otal.

Aydheea 5:29

Ni ge löörö kaamar ŋuu ma maath, ni löörö marge thuwø caala dööt cïgïïc ŋuuwe, kany wø ŋärge bäät caammi moge ni ge jwaa ge wøk, ni bäŋ ŋat käl gø wøk ceŋge.

Aydheea 51:10

?Aŋø, patha ïïni na taal naama dwøŋ, kuda näk päŋ døc, na tïïö ki jöö yi naamøgø, kiper nee jøøa wïïlï wøk nee ŋutge løøga ki yie?

Aydheea 62:10

U na jø Jerucalem, cou dønynyu wøk ki dhøk kiir, ni tïïyu øtjöö ni leer kiper jiy; thørru jöö nee tïme na øtjöö mo dwøŋ, ni daagu kïte yie, ni mooyu gø ki ŋïï nee ŋäc jiyi bëët.

Aydheea 62:12

Køøre jøøgø, ge di cwølø ni gena jiy mo ena kur keerge, ni beege jøøa wïïl Wuuö Jwøki wøk, ni cwøl Jerucalem ni Pääny Mana Manynyi, na Pääny Mo Kär Wiiø.

Aydheea 63:4

Kiper cäŋ mara mar cuut kwör nut cwïnya, ni cwiino wïïla jiya wøk yie anø öö.

Aydheea 65:25

Orudö ki nyi røømmø geno cämö na aciel, ni ö ŋuuwi ni cäme ki luum kaamar dhieŋ, ni tïm tørri na cam mar thwöl. Ni put tïmö ni bäŋ gïn mo raac wala mo räänyö bäät kïnna na en kur keere.» Luummögø caana Wuuö Jwøki.

Jeremaya 30:10

« ‹Wui, jø Icriel, u na nyïïkwaac dhaanhnha ma Jeekap, « ‹käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Edhikiel 34:25

« ‹Aani, a tudö ki luum bëët mëër ki jø Icriel, ni ö lääc paapi moa no owär ni riema ge wøk yi ŋöömö, ni öge, ge na dïëk 'moa, ni wëëga geni bëëtö dï paap ni buutge yi lul jaak ni bäŋ gïn lääŋge.

Edhikiel 34:27

Jenni mo pwöth geno ŋweel ki nyïëdi, ni ö ŋöömö ni wëëk caammi ciek ni thööth, ni ö geni, ge na jiya, ni putge bëëtö ni geno gwøø yi ŋöömö marge. Kanyøgø nø, ŋäcge ŋääö ni beeye aani na Wuuö Jwøk, kanyo käla tëëra peek wøk bäätge na caal jaath puur man wø rïï ŋut dhieŋ, noo piema geni ceŋ jøøa tïïc geni na laaŋe.

Odheea 2:18

Dïcäŋöca a tudö ki luubö ki lääc paap, ki weny mo maal, ki gïï wø muuli ki yïth ŋøøm. Aani, atheerø, ko opëëllö, ki leny, raanynya raanynyø yi ŋöömö, ni wëëga jiya niine jaak ni bäŋ gïn lääŋge.

Ciik Kiper Dïlämme 26:6

« ‹Aani thuwø bëët mëër tïïa tïïö ni dagø yi ŋöömö, nou bëëdu ni rou you nyaaŋ piny ni bäŋ ŋat mo wëëk u lwär. Aani thuwø, lääc paap moa reyø tïïa tïïö ni bäŋgø yi ŋöömö maru, ni bäŋe tøŋ mo tïŋ mo ööa baŋu yi ŋöömö maru.

Galeecia 3:13

'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

1 Piter 1:18

Kiper ŋäyu ni uuna wïïl wøk ki yïth uutjïëthe mou ni wø bäŋ gïn duuge jïïu na kwanynyu baŋ kwäyu, nou ba wiil ka teeŋ jap wø ränynyi, teeŋ ka gwel-bïrö wala warkey.

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.