Aydheea 35:8 - Wëël Jwøk

⁸ 'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Aydheea 35:8 Iomraidhean Croise

Pwöc Leec Wïc 16:17

Jöör jøøa marge thïïŋ wø ŋäätö ki buut gïïa reyø, ni ŋat wø koor jööre gwøga jwïëye.

Pwöc Leec Wïc 4:18

'Ba jöör bëët jøøa beyø caala man wø ö tiet øwi, ni wø rïënyi ni tar mare cäänhnha maal këël mano pïïe ya aŋuun tar mar dïcäŋ.

Pwöc Leec Wïc 8:20

Aani na leec wïc, a wø cäädha øtjöör bëënynyö, naa ena dï jöör adïëri,

Pwöc Leec Wïc 9:4

ni «Ŋat ma acaara mare thiinh, beerra man gää kany.» Ni kööe thuwø jï ŋata näk ba cädö,

Aydheea 11:16

Kanyøgø otïmö ni da jöö mo dwøŋ man ŋun jiyi moe ki yie moa no odööŋ ni kwøw ya Aciria, kaawat mana tïïe kiper jø Icriel kanya öge wøk ki Ijep.

Aydheea 19:23

'Ba dïcäŋeca, otïmö ni da waŋjöö mo dwøŋ yïthakic Ijep ka Aciria, ni tïm jø Aciria ni ge cøøa Ijep, ni ö jø Ijepi thuwø ni cige ya Aciria, ni tïm jø Ijepi ni ge lämö na aciel ki jø Aciria.

Aydheea 30:21

Kanyo wäru cäädhu nou gaa bäät cwïïc wala bäät caam, dwøl wïnynyu wïnynyö ŋäthu mo köö, ni «Jöö en, cäädhu ki yie.»

Aydheea 33:8

Uutjïëthe moa døøŋŋø adööŋ ni ŋaam, ni bäŋ ŋat mo cäädhi ki yïthge. Ni ö luumma no otuudö ni raanynyi, ni ö päänye ni nigepäät, ni bäŋ ŋat cädö kiper jiy.

Aydheea 4:3

'Ba jiy moo dööŋ yi Dhayan noo bëëdö Jerucalem, ge di cwølø na jiy mo ena kur keerge na mo Jwøk mo nyeŋge ogöör piny kiper kwøw yi Jerucalem.

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Aydheea 43:19

Ka adïëri møn, aani, da gïn mo tïïa tïïö mo nyään, gïneca tägö ennø. ?Aŋø, 'ba nëëni jïïu? Aani da jöö mo tïïa tïïö mo cøra paaba näk tëën, ni tïïa ki näm mo cøra paaba no otal.

Aydheea 51:10

?Aŋø, patha ïïni na taal naama dwøŋ, kuda näk päŋ døc, na tïïö ki jöö yi naamøgø, kiper nee jøøa wïïlï wøk nee ŋutge løøga ki yie?

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 52:11

'Ba u ni wø käär jap Wuuö Jwøk na en kur keerge, aayu, aayu, daagu rou kaagø! Kär dee gïn mo gutu mo ba waany! Dønynyu wøk ki yi paanøgø, ni døøyu dëëtu mo waany.

Aydheea 57:14

'Ba Wuuö Jwøk oköö, ni «Thørru jöö, thørru, ni jiiŋŋu gø, daagu jammi bëët mo wø cwany tiel øtjöör jiya.»

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 62:10

U na jø Jerucalem, cou dønynyu wøk ki dhøk kiir, ni tïïyu øtjöö ni leer kiper jiy; thørru jöö nee tïme na øtjöö mo dwøŋ, ni daagu kïte yie, ni mooyu gø ki ŋïï nee ŋäc jiyi bëët.

Aydheea 62:12

Køøre jøøgø, ge di cwølø ni gena jiy mo ena kur keerge, ni beege jøøa wïïl Wuuö Jwøki wøk, ni cwøl Jerucalem ni Pääny Mana Manynyi, na Pääny Mo Kär Wiiø.

Jeremaya 31:21

«Wui Icriel, ï na caal nyakøø mo dëër dïcwøø poot kuue, Määny øtjöö marï ki nyuuthe; cööth piny ki jenni mo nyootha jöö; ni cïbï acaayï øtjööra kwøŋï cør yie. ööï ni duuï yïth päänye moï.

Edhikiel 43:12

Man beeye ciik kiper Øt Jwøk: Ŋøøm moa en deŋ øtø bäre bäät kïdi, wär bëëde ni beeye kanya en kur keere døc na pere leth. Manøgø beeye ciik kiper Øt Jwøk.

Edhikiel 44:9

« ‹'Ba a na Kwäärö Wuuö Jwøk, luum caana jïïu bee en: Jøøa path, na näk kär daŋø ki yïth cwïnyge ki dëëtge, kär dee gø mo døny yi øtø mara na en kur keere, ni beege jøøa path bëët mo wø bëëdö dï jø Icriel.

Jool 3:17

«Køøre nø oŋäyu møn ni beeye aani na Wuuö Jwøk, Jwøk maru, naa bëëdö Dhayan bäät kïnna na en kur keere. Jerucalem tïmö ni ena kur keere, ni bäŋ dhaanhø mo path mo ŋøla dïëre këët.

Ciik Kiper Dïlämme 26:6

« ‹Aani thuwø bëët mëër tïïa tïïö ni dagø yi ŋöömö, nou bëëdu ni rou you nyaaŋ piny ni bäŋ ŋat mo wëëk u lwär. Aani thuwø, lääc paap moa reyø tïïa tïïö ni bäŋgø yi ŋöömö maru, ni bäŋe tøŋ mo tïŋ mo ööa baŋu yi ŋöömö maru.

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 7:17

Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera.

Epeca 2:10

Kiper øøna gïïa tïïe, ni cwääc ka ri Krictø Jecu kiper tïïe moa beyø, moa näk ojiiŋ Jwøki cøøn, nee ø bëëdø ni ø tïïya geni.

1 Thecalönika 4:7

Kiper Jwøk ø käre cwølø nøø tïmø ni ø reyø, 'ba nøø tïmø ni ø ena kur keerø.

2 Timöthi 1:9

eni na piem øøni, na cwøl øøni ki cwönna en kur keere, ni paa kiper tïïe 'moø moa tïïø, 'ba beeye ki køør met ec mare ki mana manynye e keere, ni beeye met yie mana cïbe jïïø cøøn ki ri Krictø Jecu ni piny poot käre cwääö,

Ibaru 12:14

Manynyu ki man bëëdu ki bëët-mëër ki jiy bëët, ni manynyu man tïmu nou ena kur keeru na mo Jwøk, kiper bäŋ ŋat mo Wuuö dee neenø ni näk ba en kur keere.

1 Piter 1:16

Kiper ogöörö, ni «Bëëdu nou ena kur keeru, kiper a ena kur keera.»

2 Piter 3:13

'Ba ø koora maal mana nyään ki piny mana nyään keda mana buuk gø, kanya näk kar bëët bëënynyö.

1 Jøøn 2:20

'Ba uuni, uuna jør ŋata en kur keere na näk mar Jwøk ki maaw, ni jammi bëët ŋäyu.

1 Jøøn 2:27

'Ba uuni, jør maaw mana jootu baŋe ena cwïnynyu, ni bäŋe ŋat mo manynyu nou pwönynye, kiper jør maaw mare beeye wø pwöny uuni ki jammi bëët, ni beeye adïëri, ni patha tööt. 'Ba bëëdu ri Krictø, keda mana pwöny uuni.

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.