Aydheea 35:7 - Wëël Jwøk

⁷ ŋöömma bëëdö no owaaŋ otïmö na puul, ni ö ŋöömma no otal ni neethar ki pï jøør. Kanya bëëdö na kar rïc mar othööe, otuy ko obøw ka athära.

Aydheea 35:7 Iomraidhean Croise

Aydheea 13:22

Odïï obëëdö ni jwöŋö kwör koor moe moa no ogeerø ni teek, ni ö orude ni jwöŋge yïth uudi moe moa døøŋŋø na mïërö. 'Ba caa mare kare cään, ni bäŋ nïne jïre këët.»

Aydheea 19:6

Näm moa koony jiyi oŋwääi no okwäk, ni ö nyeŋ näm mo Ijep ni decge ni talge; ni ö otöök ki lumme moa en deŋge ni kwäkge.

Aydheea 29:17

Ki nyi kany mo thiinh, paap mar Libaanø otïmö na pwödhö mo ŋøøm moe beyø; 'ba pwödhö mo ŋøøpe beyø kadhø ni tïme kaamar lul mo oløth.

Aydheea 30:25

'Ba noo tïme na ri cäŋ man tïïc 'näk mana dwøŋ yie, kanyo päth uut koorri moa no ogeerø ni ena maal, wïth kïte moa bäyö bëët ki wïth thuuri moa bäyö bëët ocööt ki nyeŋ näm mo muulö ki pïï.

Aydheea 34:13

'Ba koodhi otuy yïth uut koor moge moa no ogeerø ni ena maal, ni ö otwelli ko odhäŋŋe ni tucge yïth päänye moge moa no ogeerø ni teek; ni put tïmö na kar bëëtö jï othööe, na kany noor tule yie.

Aydheea 41:18

Aani näm wëëga kwödö ki bäät thuuri moa leer, ni wëëga pïï kwön wøk ki yïth gøli. Dïtëën tïïa tïïö na puul mo päŋ ki pïï, ni ö ŋöömma no otal ni wëëga gø cöödö ki jøør.

Aydheea 43:20

'Ba lääc paap aano jiemge, ni beege orude ki ude, kiper pïï moa cïba paaba näk tëën, ki näm moa tïïa paaba no otal, naa mooya jiya moa näk yaa jierø ki gïn maathge.

Aydheea 48:21

Geni, ge kär näk riewi kanya bwøth geni ki dï paap. Eni pïï atïïe nee kwönge wøk ki ri kïdi kiper nee maathge. Eni, kïdi akaae, ni put pïïyï ö wøk ni kwödö.

Aydheea 49:10

Geni, ge ba näk käci ki riew, ni ge ba gut lïëth pinynyi ki kwaac cäŋ. Kiper a na Wuuö Jwøk ni wø cwïnye pädhi ki gïrge bee aani noo bwøth geni, noo nyooth geni baŋ pï jøør.

Edhikiel 47:8

Køøre ena köö jïra, ni «Naam man kwöta jï løø kur tuul-cäŋ ni kwöta yi goor Naam Jördan ni wø cwøl na Araaba, këël mano päth yi Naam Acäbö. 'Ba kanyo päth yi Naam Acäbö kunece, pï Naam Acäbö døøa karge ni met.

Mathiew 21:43

Kiper manøgø nø, a cäänna uuni, ni buc Jwøk okäl wøk ceŋŋu ni wëëgi jø paac mør mo bëëdö ka bëëtö mo orømø ki bëët buc Jwøk.»

Luk 13:29

'Ba jiy oööi ki jï løø kur tuul-cäŋ, ki jï løø kur pänh-cäŋ, ki wï-piny, ki tier-piny, ni pïge piny kar cam yi buc Jwøk.

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Jøøn 7:38

Ŋato jïëy ni ŋääth aani, cwïnye ojïti ki näm mo kwödö ki pï kwøw, kaa mana caani ya wëël Jwøki.»

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

Mana Nyooth 18:2

Ni kööe ki dwøl mo päl døc, ni «Babiløn na dwøŋ apädhö ki pädhö mo ba thiinh, ni tïme na kar bëëtö jï anäge, na kar bëët teeŋ juuga reyø bëët, ki teeŋ weny moa reyø bëët na mänö ki geni.

Pïëmme 6:38

'Ba kanya pääe ka amöölla cøøn, gïnögø aput joot no otägö møn. 'Ba kanya biic jïëc røømmø, thööy moa ö wøk ki røk jïër moøgø atïmö na pïï mo päŋ yi gïn mo caala keenø.