Aydheea 35:6 - Wëël Jwøk

⁶ Kar kaagø, ŋööte geno päri kaamar aŋeri, ni ö dhøk jøøa näk ba cäänö ni japge rege ni kwöŋge ki met ec. Kiper dïtëën otuc ki pïï, ni ö paaba näk tëën ni cööde ki nyeŋ näm.

Aydheea 35:6 Iomraidhean Croise

Neemiya 9:15

Ïïni, ïïna cïpö ki cam jïge mo ööi ki maal kiper käc marge, ni wëëgï pïï kwön wøk ki yi kïdi jïge kiper riew marge. Ïïni, acaanï jïge nee dønyge yi ŋöömö nee lwørge na marge, ni beeye ŋöömma kööŋï kipere ni cïpï cïbö jïge.

Bwøth Wøk 17:6

'Ba aani, aano cuŋŋi nyïmï bäät kïdi kaace buut Kïn Körëp; ni gøøyï kïdi manøgø, ni ö pïïyi ni kwönge wøk ki yie, nee jiy mäthge ki pïï.» Ni ö Modhe ni tïïc gïnögø ni nëënö jï jø døøk Icriel.

Aydheea 30:25

'Ba noo tïme na ri cäŋ man tïïc 'näk mana dwøŋ yie, kanyo päth uut koorri moa no ogeerø ni ena maal, wïth kïte moa bäyö bëët ki wïth thuuri moa bäyö bëët ocööt ki nyeŋ näm mo muulö ki pïï.

Aydheea 32:2

ŋati man nø rege otïmö ni caala gëëŋi kiper jamø, ni caala kar gwøk røk kiper apwøyaweerø, ni caala pï jøøro mo ena dïtëën, ni caala tïm kïdi mo ena yi ŋöömö ma pwöla.

Aydheea 32:4

Jiy moa näk wïthge ba cädö, adïëri otïmö ni ŋäcge, ni ö jiyi mo wø cäänö ni lëëpge ba tiir ni tïmge ni ge cäänö ni lëëpge tiir.

Aydheea 33:23

Thøøli mo wø tïïc jääy nee cäädhe, nilwak, ni ö abïïna no otwöö wï ogeella ni ba peer ree. Køøre, japa thööth na näk jap twëër opääŋŋi, ni këël ŋwøl jïtö rege.

Aydheea 35:1

'Ba paaba näk tëën ki ŋöömma näk otal yïthge omïnni; paaba näk tëën oløth ni tïme ni lanhnhi kaamar wï jaath mo oŋøøk.

Aydheea 42:11

Beerra man ö paana näk dïtëën ki päänye moa en yie ni tïŋge döötge maal ni ge pwøya Wuuö Jwøk; beerra man ö atude mo wø bëët jø Këdar yïthge ni mïn yïthge. Beerra man ö jø wø bëëdö Cela ni wärge ni döötge ena maal; beerra man kwöŋge ki met ec ni ge ena wïth kïte.

Aydheea 44:3

Kiper aani pïï otïïa nee kwötge ki yi ŋöömma no onäk riewi, ni tïïa nyeŋ näm ni kwödö ki yi ŋöömma no otal. Jwïëy 'moa ojääŋŋa bäät jø okäl dëërï, ni bëët gwïëthi mara ni ena bäät nyïïkwaayï;

Aydheea 48:21

Geni, ge kär näk riewi kanya bwøth geni ki dï paap. Eni pïï atïïe nee kwönge wøk ki ri kïdi kiper nee maathge. Eni, kïdi akaae, ni put pïïyï ö wøk ni kwödö.

Aydheea 51:3

Ka adïëri møn, Wuuö Jwøk cwïny jø Dhayan di cømø; eni ränynyö mar Dhayan di neenø ni cøm cwïny jiy moa en yie. Eni kwöra näk otal di tïïö ni caala ajïniina mar Ëden, ni tïïc kwöra näk dïtëën ni caala ajïniina mar Wuuö Jwøk, ni ö Dhayan ni jït yie ki met ec ki kanynyø, ki dwøk pwøc ki wär dudi.

Jool 3:18

«'Ba kanyo tïme na dïcäŋece, kïte tïmö ni lwanynyi ki køøŋ nyïïomøki mo ŋweeth, ni tïm thuuri ni caak kwönna wøk ki bäätge, ni tïm nyeŋ nämmi moa en Juuda ni kwödö ki pïï. Ni tïm pï jøøro ni kwönna wøk ki yi Øt Wuuö Jwøk, ni jwøc goor Cëthim.

Dhekaraya 14:8

'Ba dïcäŋöca pï kwøw okwön wøk ki yi Jerucalem, ni ö thääŋö mar pïïögø ni jööt yi naama dwøŋ jï løø kur tuul-cäŋ, ni ö thääŋŋe maya ni jööt yi naama dwøŋ na en jï løø kur pänh-cäŋ; ni manøgø tägi ka yi cwiir ki öörö bäre.

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Kwään Jiy 20:11

Køøre Modhe cere arwiee, ni gøøc kïdi ka athøra kwöre ariiø, ni put pïïyi mo thööth kwön wøk, ni ö lwaaki ki lääc paac moge ni mäthge.

Mathiew 11:5

ni cööye nyeŋge adøø karge, ni ö ŋööte ni cääthge, ni ö jøøa näk dëëtge da dhøøbø ni døø dëëtge karge, ni ö meŋŋe ni wïnyge luup, ni ö jøøa näk othøw ni tïŋ ge maal ki yi thøø, ni ö jøøa canni ni køp luumma nyään na met jïge.

Mathiew 12:22

Kanyøgø ŋat ma cwør mo ba cäänö, mo dëëre da anägö, akäl baŋ Jecu. Ni ö Jecu ni køny ŋatøgø, ni tïm ŋatøgø ni ba cäänö enø, ni cäänö ni nëënö.

Mathiew 21:14

Ni ö cööye ki ŋööte baŋe Øt Jwøk Mana Dwøŋ. Ni køny geni.

Luk 1:64

'Ba kanyøgø dhee ree aput jap, ni pät leebe, ni cäänne ni pwøya Jwøk.

Luk 11:14

'Ba kanyøgø Jecu rëëmma wøk ka anägö mo dhaanhø ee tïïö ni ba cäänö. 'Ba kanya ö anäŋŋögø wøk, ŋata näk ba cäänö atïmö ni cäänö, ni thäŋ yïth jiyi.

Moa Tïïc Nyïïatwieli 3:2

'Ba kanyøgø da dhaanhø mo onywöli na puuth mo obiel kaace, ŋat mo wø kïthge dhi kal cooth mana cwøl ni Mïërö mar Øt Jwøk Mana Dwøŋ kiper nee kwääe ki jap cane baŋ jø wø ci yi Øt Jwøk.

Moa Tïïc Nyïïatwieli 8:7

Kiper juuga reyø aö wøk dëët jiy mo thööth moa näk dëëtge dagø, ni öge wøk ni ge rëëdö ki dwøl mo päl. Ni ö jøøa näk obäpi mo thööth ki ŋööte ni døø dëëtge kwörge.

Köløcia 3:16

Wëëgu luum Krictø bëëtö cwïnynyu na adïëri, kaawat man wø pwönynyu røgu, nou jøga røgu ki køør acaare bëët mo leec wïc, kaawat man wø wärru Dut Pwøc ki dut Jwøk, nou dwøga met ec jï Jwøk.

Mana Nyooth 22:1

Kanyøgøøni naam pï kwøw anyoodhe jïra, mo tøŋ døc keda wïlli, ni kwönni ka ri wäl Jwøk ge ki Nyidiel,

Mana Nyooth 22:17

'Ba Jwïëc Jwøk ki Dhaagø thiinh ge cäänö, ni «Ööï.» Ni ŋat wø wïny gø wär kööe, ni «Ööï.» Ni ŋato dëëre da riew wär ööe, ni ŋato many man lwöte ri pï kwøw wär lwöte jaak ni bäŋ ŋïëw.