Aydheea 35:5 - Wëël Jwøk

⁵ Kanyøgø cööye nyeŋge ojap, ni ö meŋŋe ni wïnyge luup.

Aydheea 35:5 Iomraidhean Croise

Jööp 33:16

ni jap ïthge ki man wïnyge dwøre, ni wëëk geni bwøk ki köömmö mare,

Bwøth Wøk 4:11

Ni kö Wuuö Jwøki jïgø, na «?Aŋa na cwääc dhi dhaanhø? ?Wala aŋa ni wø tïïc dhaanhø ni ba cäänö, wala na miiŋ, wala ni nyeŋŋe nëënö wala na cwør? ?Aŋø, paa aani, a na Wuuö Jwøk?

Pwöc Leec Wïc 20:12

Ïth mo wïnyö ki waŋ mo räŋö ge tïïya Wuuö Jwøki karge riet.

Aydheea 29:18

'Ba dïcäŋece, miiŋŋe luup moa no ogöörö yi wëëlö wïnyge wïnynyö, ni ö jøøa en yi muudhö, na näk nyeŋge onijïïm ki cöörö, ni nëënge.

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Aydheea 42:18

Wuuö Jwøk aköö, ni «Wïnynyu, u na meŋŋe ii! Raŋŋu, u na cööye ii, nee jootu.

Aydheea 43:8

Käl jiy wøk moa näk nyeŋge dagø, 'ba gena cööye; ni kälï jiy wøk moa näk da ïdhi jïge, 'ba gena meŋŋe.

Aydheea 48:8

'Ba gïïögø käru wïnynyö, ni tietge kuyu. Ki kany mo bäär cøøn, ïthu poot kär jäpö, kiper ŋääa møn nou doo tïïö ki riek waŋ mo raac døc. Uuni, u ŋäc ki man näk mo uuna jø ageem ki mana nywöl uuni.

Aydheea 50:4

Kwäärö Wuuö Jwøk aana mooe ki leep mo tiir ma mar pwöc, nee tïme ni løny jïra ki man wëëga dhaanhø mo oööl tëënnö ki køør luup mo wø caana. Eni, a jiee jieø cooth ka amöölla, ni jap ïtha nee ïtha ciia kaamar dhaanhø mo opwönynyö.

Aydheea 50:5

Kwäärö Wuuö Jwøk ïtha ajabe, ni kära kweer ki man wïnynya luumme, naa kär døø ŋääa.

Jeremaya 6:10

'Ba aana köö, na «?Aŋa noo luumma noo köömma, nee luumma wïnynye? Ka adïëri møn, ïthge ege cïëgö, ni ba løny jïge ki man cekge ïthge. Ennø, luum Wuuö Jwøk atïmö ni jääla geni, ni tïm yïthge ni ba met ki gøøni.

Mathiew 12:22

Kanyøgø ŋat ma cwør mo ba cäänö, mo dëëre da anägö, akäl baŋ Jecu. Ni ö Jecu ni køny ŋatøgø, ni tïm ŋatøgø ni ba cäänö enø, ni cäänö ni nëënö.

Mathiew 21:14

Ni ö cööye ki ŋööte baŋe Øt Jwøk Mana Dwøŋ. Ni køny geni.

Luk 4:18

ni «Jwïëc Wuuö Jwøk ena bääta, kiper aana jiere nee luumma nyään na met caana jï jøøa can. Ni jääŋ aani nee pät mar jøøa näk otwöö køba jïge, ki døøn nyeŋ karge jï cööye, ni päda jøøa näk odïïmö,

Jøøn 11:37

'Ba møøk dïge aköö, na «?Aŋø, eni na jap nyeŋ ŋata näk cwør, ŋatøgø ba dee mänö ki thøø?»

Jøøn 9:39

Ni kö Jecu, ni «Aani, a ö piny kaper nee luup jiy ŋøla, nee jøøa bäŋ nyeŋ, nee nëënge, ni tïm jøøa da nyeŋ na cööye.»

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

Epeca 5:14

Ni beeye na købi, «Ni päyï nø, ï no obutö, ni ööï maal ki yi thøø. 'Ba Krictø ïïno mooe ki tar.»