Aydheea 35:4 - Wëël Jwøk

⁴ Caannu jï jøø ni cwïnyge olwäyö yøø, ni kööu, ni «Magu cwïnynyu ni ba lwäyu. Ka adïëri møn, Jwøk maru ööa baŋ ajäla, eni öö kuna cool kwöri mou, ni piem uuni.»

Aydheea 35:4 Iomraidhean Croise

1 Luup Nyeye 28:20

Køøre Deebit aköö jï wääde ma Cølöman, ni «Mak riï ni bëëdï niï teek, ni tïïyï gïïögø bëët; kärï lwäyö ni ba bwøk cwïnyï; kiper Wuuö Jwøk, eni na Jwøk mara, ena buutï. Eni ï ba wiie këël kanyo thum tïï jammi bëët mo wø tïïc Øt Wuuö Jwøk.

Aydheea 1:24

Kiper manøgønø, Kwäärö Wuuö Jwøk, eni na wïth jammi bëët, eni na teek na näk Jwø Icriel, ena köö, ni «Aani kwör japa tïïc nyïïmän 'moa dëëra, coola coolø dëëtge, naa jïta ki jwöm.

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 28:16

Kiper manøgønø, Kwäärö Wuuö Jwøk aköö, ni «Raŋŋu, aani a kïtha yi Dhayan ki kïdi, ni beeye kïdi mo onø päänynyö, kïnna pere leth na näk kïn gøøt, na näk ocwöth piny ni teek. 'Ba ŋato jïëc gøøni, wïïe ree ba kiere.

Aydheea 31:5

Kaawat man wø ö wenyø wø bëëde ni määdö maal bäät øde ni koora nyïïe, Wuuö Jwøk, eni na wïth jammi bëët, Jerucalem ogwøe. Ogwøe møn, ni piem gø, ni køny gø.

Aydheea 32:4

Jiy moa näk wïthge ba cädö, adïëri otïmö ni ŋäcge, ni ö jiyi mo wø cäänö ni lëëpge ba tiir ni tïmge ni ge cäänö ni lëëpge tiir.

Aydheea 33:22

Kiper Wuuö Jwøk bee dïŋut luup marwa, ni bee eni na cïp ciik jïwa, ni ena nyeya marwa, ni bee eni noo piem waani.

Aydheea 34:8

Kiper da cäŋ ajäla mar Wuuö Jwøk, ki cwiir man cool kwör mar jø Dhayan yie ni kønya geni.

Aydheea 37:20

'Ba ennø, wui, Wuuö Jwøk, Jwøk marwa, piem waani cer nyeny Aciria, nee ŋäc buc nyeye bëët mo bäät piny ni bee ï keerï na Wuuö Jwøk.»

Aydheea 37:6

'Ba Aydheea aköö jïge, ni «Wär caannu jï nyeya maru ni man beeye dwør Wuuö Jwøk, ena köö, ni ‹Käru lwäyö kiper luubö mana wïnynyu, na ö jic nyeny Aciria na janyge aani ki gø.

Aydheea 40:2

Cäännu jø Jerucalem ni mëër you nyoodhø jïge; caannu jïge ni rwaayu rwaaø ki man näk mo bëët laŋ na teek na en bäätge othum, ni kwör raay moge onø cool, kiper a na Wuuö Jwøk gena nø jääla ka ajäla mo orømø ki raay moge bëët.»

Aydheea 44:2

Man beeye dwør Wuuö Jwøk, eni na tïïc ïïni, na cwääc ïïni ec, eni noo køny ïïni, ena köö, ‹Wui, dhaanhnha ma Jeekap, ni bee ï Jecurun na näk yaa nø jier, kärï lwäyö.

Aydheea 47:3

Dööŋŋö marï ki dëërï otïmö ni bäŋ gïn gëëŋ gø, ni ö lään wïci marï ni bëëde ni nëënö jaak. Kwör coola coolø ni bäŋ ŋat mo wëënna.»

Aydheea 49:25

Ka adïëri møn, man beeye dwør Wuuö Jwøk, ena köö, ni «Këël jiy mo omaaø ki tøŋ di lwørø cer oteeø, ni ö jap twëër ni lwøri cer ŋat mo wïnni. 'Ba aani, a ŋäbö ki ŋat wø ŋäbö ki uuni, ni piema obwöre mou.

Aydheea 49:4

'Ba aana köö, ni «Aana ööl ki jaak, ni ö kwää dëëra ni øc piny ki gïn mo bäŋ tiere. 'Ba ka adïëri møn, luubö mara ena cer Wuuö Jwøk, ni gïno cool jïra ena baŋe, eni na Jwøk mara.»

Aydheea 59:18

Wuuö Jwøk wëër, ni cool kwör dëët jøøa gëëmö ki eni, ki nyïïmän moe ki køør gïïa tïïcge; eni kwör di coolø dëët wïth juurre mo wø bëëdö yïth mïëri moa en bäät naama dwøŋ.

Aydheea 61:2

nee cwiino ö eni noo nyooth met ec mare yie, ki cäŋ ajäla mare, eni na Jwøk marø, nee køba, nee jiy bëët moa näk kïmmö nee cwïnyge cøma,

Aydheea 63:4

Kiper cäŋ mara mar cuut kwör nut cwïnya, ni cwiino wïïla jiya wøk yie anø öö.

Aydheea 66:15

Ka adïëri møn, Wuuö Jwøk öö ki yi maac, ki jïëth okwëëc leny moe mo caala apwøyaweerø; eni wëër mare lëëŋe piny ni liel kaamar maac, ni jook jiy ki leep maac.

Aydheea 7:4

Ni caanï gø jïre, ni ‹Gwøk riï, ni cïbï cwïnyï piny, ni ba lwäyï, ni ö cwïnyï ni ba pädhe kiper wëër mar Recin ki jiye ma jø Aram, ki wëër mar o Remaliya, jøøgø na ariiø yøø ni caal dhøk ameethi ariiø mo marge duuŋ jaak.

Daniel 10:18

Kanyøgø ŋatøgø ni caal dhaanhø enø, aana cäŋ gutö, ni mooc aani ki teek.

Daniel 10:19

Ni kööe, ni «Wui dhaanhø, ï na näk owøørø døc, kärï lwäyö. Bëëdï ni dëërï jööt. Bëëdï niï teek, ni cwïnyï da cer.» 'Ba kanya nø cään aani ennø, aana put jïtö ki teek, ni kööa, ni «Kwääya, beerra man caanï gïna diï caanø, kiper ïïni, dëëra amooyï ki teek.»

Odheea 1:7

'Ba aani, yia obäädha ki dhi øt Juuda, ni piema geni ki køør teek mara, a na Wuuö Jwøk, Jwøk marge, ni pïëm mara mano piema ge ki gø paa ka atheerø, wala ko opëëllö, wala leny, wala ko okwëënyi, wala ki jø wø këëdi ki bäät okwëënyi.»

Abakuk 2:3

Kiper gïno nyooth poot koora kanya wäŋŋi kipere. 'Ba eni laara cwöp øde ni ba kääŋi. Këël doo nëënö no oruu, koor eni, kiper ka adïëri møn, eni öö, ni eni ba ruu.

Agëë 2:4

'Ba ennø, ï na Dherubabel, ki ï na Jøcua wär Jöcëdëk, ni bee ï Kwääy Lam Mana Dwøŋ, ki u na jø paac bëët, magu dëëtu ni tïïyu tïïc; 'ba a ena buutu.› Manøgø caana Wuuö Jwøki, eni na wïth jammi bëët.

Milkiya 3:1

Wuuö Jwøk, eni na wïth jammi bëët, aköö, ni «Neennu, aani nyïïatwiel mara ojääŋŋa, ni ö eni ni jiiŋ jöö nyïma; ni ö kwäärö na manynyu ni ö yi øt lam mare ni cwöba rou. 'Ba eni na nyïïatwiel mano käär luumma tuut Jwøki ki jiy oööi, ni beeye ŋata met yïthu ki gø.»

Luk 21:28

'Ba kanyo täk gïïögø, tïŋŋu wïthu ni neennu maal, kiper pïëm mano piem uuni ki gø, kare onø cäännö.»

Epeca 6:10

'Ba mana dööŋ keere nø, tëënnu ki ri Wuuö ki køør teege, eni ni wø teek.

1 Thecalönika 5:14

'Ba wa köömma uuni, nyïïmera, ki man köömmu jøø ni bëëtge ogwäyö yøø, ni cømmu cwïny jøø ni cwïnyge lwäär yøø, ni kønynyu jøøa jägö, ni ba jøømmu ki geni bëët.

2 Timöthi 2:1

Ï na wääda nø, bëëdï niï teek ki ri met ec mana en ri Krictø Jecu.

Ibaru 9:28

Kaawat manøgø thuwø Krictø na cïp yie aciel keere nee raac jiy mo thööth kääre, ocäŋ duuö, ni ba ööi kaper raay nee kääre, 'ba oööi ni piema jø wø koor eni.

Mana Nyooth 1:7

Neennu! Eni öö ki yïth pøøl, ni ö nyeŋŋi bëët ni neenge eni, ki jiy bëët moa mooc dëëre ki ŋwiili. Ni ö jø pinynyi bëët ni kïmge ki gïre. Ni beeye kare, na enønø.

Mana Nyooth 2:10

Kär niï lwäyö ki gïn ni kare cään en noo jwørï. Kiper jø møøk røk jiy moï, oleeŋ anägö øt twöc kany mo cään en, niï päänynyi. 'Ba nïne apaar obeetï niï jwøra gïï mo leth. 'Ba wärï bëëdï ni cwïnyï iï maa këël doo cööpa ri thøø, køøre ïïno mooa ka adun kwøw.

Mana Nyooth 22:20

'Ba ŋata køp gïï aköö, na «A laara öö møn.» Enøgønø. Wui Kwäärö Jecu, wärï ööï.

1 Camiel 23:17

ni kööe, ni «Kärï lwäyö, kiper cer wära ma Cøøl ba pïï dëërï. Ï tïmö na nyeya bäät Icriel, ni tïma naa ena køørï. Këël wära ma Cøøl gïnögø ŋääe thuwø.»