Aydheea 35:10 - Wëël Jwøk

¹⁰ 'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Aydheea 35:10 Iomraidhean Croise

Aydheea 1:27

Dhayan di piemø, ki jiye moo køp raacge, ki køør adïëri mar Jwøk ki bëënynyö mare.

Aydheea 25:8

Kwäärö Wuuö Jwøk thøø raanynye raanynyø na bäre, ni pooc pï nyeŋ jiy bëët, ni ö eni ni käl lään wïc wøk bäät jiye moa en bäät piny bäre; kiper luummögø caana Wuuö Jwøki.

Aydheea 30:19

Wui, u na jø Dhayan, ni wø bëëdö yi Jerucalem, u ba jwöŋi këët. Kiper ka adïëri møn, eni na Wuuö Jwøk mëër mare nyoodhe nyoodhø jïïu kany wø jwöŋu nyïme kiper køny; ni kany wø wïny oduuru maru jaak, pïëc maru pute ka løk.

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 41:16

Geno kwørï ni køøli ya jamø, ni puti ya apwøyaweerø keethø. 'Ba ïïni, iï omïnni ki aani, a na Wuuö Jwøk, ni jiemï aani, a na Jwø Icriel na en kur keere.

Aydheea 60:20

Cäŋ obëëdö ni ba pädhi bäätï, ni bëët dwääyi ni ba ci muudhö; kiper a na Wuuö Jwøk, a tïmö na tar marï mano bëëdö na bäre bäre, ni ö nïr kïmmö moï ni thumge.

Aydheea 61:7

Geno jïti ki kurge mo opöödhö ri jap kwärö na kar lään wïc marge, ni jïtge ki met ec bäät japøge na kar pänh cwïny marge; ge jïtö ki kurge mo opöödhö ri jap kwärö yi ŋöömö marge, ni ö met eci marge ni bëëde na bäre bäre.

Aydheea 65:18

'Ba ennø, yïthu mïnge ni kanynyu na bäre bäre ki gïno cwääa, kiper Jerucalem cwääa cwääö na pääny met ec, ni tïm jiye na mo met ec.

Aydheea 65:19

Aani yia omïnni ki Jerucalem, ni tïm yia ni met ki jiy 'moa; ni tïm jwøk thøø ko oduuru ni ba wïnynyi yie këët na bäre bäre.

Aydheea 9:3

Wui, Wuuö Jwøk, wï jur marï otïïyï nee nyaacge ni tïmge ni thööth, ni tïïyï met ec marge ni dwøŋ, ni mïn yïthge nyïmï, kaamar man wø mïn yïth jiy ri kac ki beel, wala man wø mïn yïth jiy mo ge pääŋŋa jap twëër.

Jeremaya 30:19

Ni ö dudi mo dwøk met ec ki dwør meeŋ ni wïny ge yïthge. Ni meeda geni ni thööth, ni kwäänge ba døø piny; ni wëëga geni wøør, ni ba bëëtge na jiy mo bäŋ karge.

Jeremaya 33:11

ni beeye dïlweel mar met ec ki dwør met ec, ki kanynyø mar nywöm, ki dööt jø wø cïpi ko olämme mo dwøk met ec yi Øt Wuuö Jwøk, ni ge köö, « ‹ni «Dwøgu met ec jï Wuuö Jwøk, eni na wïth jammi bëët, kiper Wuuö Jwøk beer, ni mëër mare ni wø ba jøøl bëëdö na bäre bäre.» Kiper aani, paac 'dwøga kare ni caala mana dïkwøŋ.› Luummögø caana Wuuö Jwøki.

Mathiew 20:28

kaawat man bëët Wär Dhaanhø en ni kär öö nee tïnynyi, 'ba eni ööi kaper nee jø møøk tïnynye, ni cïpa jwïëye na wïïdi kiper jiy mo thööth.»

Jøøn 16:22

'Ba ennø, beeye kar pänh cwïny maru, 'ba uuno cäŋa neennø, ni ö cwïnynyu ni mïnge, ni bäŋ dhaanhø mo raany met ec maru këët.

1 Timöthi 2:6

ŋata wïïr ree nyeŋ kwöc jiy bëët, ni gïre ocaanø ki kanya näk kare.

Juut 1:21

Ni bëënnu mëëc Jwøk, nou koora køny mar Kwääyø ma Jecu Krictø mano cööp ri kwøw mana näk adïëri mo bäŋ cuŋŋe.

Mana Nyooth 18:20

'Ba ï na maal, yiï mïnne nø ki gïre, ki u na jø Jwøk, ki nyïïatwieli, ki nyïïkuk Jwøk, kiper kwöri mou acool Jwøki dëër paanøgø.

Mana Nyooth 21:4

ni pooc pï nyeŋge bëët, ni ö thøøe ni bäŋe gø këët. Ni bäŋ kïmmö, wala oduuru mo di gøø, wala rääm këët. Kiper japa dïkwøŋ oaay.»