Aydheea 35:1 - Wëël Jwøk

¹ 'Ba paaba näk tëën ki ŋöömma näk otal yïthge omïnni; paaba näk tëën oløth ni tïme ni lanhnhi kaamar wï jaath mo oŋøøk.

Aydheea 35:1 Iomraidhean Croise

Obeec Dudi 2:1

'Ba aani a caala jaath jaak mo oŋøøk ni mïërö yi ŋööm Carön, naa caala apiitø mar gool.

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 27:10

Kiper pääny mana no ogeerø ni teek adööŋ keere ni ba beet, ni wïl wïci ki gø, ni tïme kaamar dï paap, ni ö nyïïrøøe ni bëëtge ni ge cämö ki luum yie kaace, ni butge piny yie, ni camge bäät jenni moa en yie.

Aydheea 27:6

'Ba noo tïme na yïth nïrögø, Jeekap tiere okëët piny kaamar jaath mo lweete okëët piny, ni ö eni na Icriel ni lødhe, ni ŋøøe, ni ŋweele, ni pääŋ bäät piny bäre ki nyïëdi.

Aydheea 29:17

Ki nyi kany mo thiinh, paap mar Libaanø otïmö na pwödhö mo ŋøøm moe beyø; 'ba pwödhö mo ŋøøpe beyø kadhø ni tïme kaamar lul mo oløth.

Aydheea 35:6

Kar kaagø, ŋööte geno päri kaamar aŋeri, ni ö dhøk jøøa näk ba cäänö ni japge rege ni kwöŋge ki met ec. Kiper dïtëën otuc ki pïï, ni ö paaba näk tëën ni cööde ki nyeŋ näm.

Aydheea 4:2

'Ba dïcäŋeca, lwinh Wuuö Jwøk onëëni ni mïërö ni ree da ajiem, ni ö nyeyi mano joot yi ŋöömö ni tïme na gïr ajiem na gïr atöör jï jø Icriel moo dööŋ ni kwøw.

Aydheea 40:3

Da dwøl mo wïnyö mo cwödö, ni «Jiiŋŋu jöör Wuuö Jwøk dï paap, tïïu ki øtjöö dïtëën mo thïïŋ mo dwøŋ kiper Jwøk marø.

Aydheea 42:11

Beerra man ö paana näk dïtëën ki päänye moa en yie ni tïŋge döötge maal ni ge pwøya Wuuö Jwøk; beerra man ö atude mo wø bëët jø Këdar yïthge ni mïn yïthge. Beerra man ö jø wø bëëdö Cela ni wärge ni döötge ena maal; beerra man kwöŋge ki met ec ni ge ena wïth kïte.

Aydheea 43:19

Ka adïëri møn, aani, da gïn mo tïïa tïïö mo nyään, gïneca tägö ennø. ?Aŋø, 'ba nëëni jïïu? Aani da jöö mo tïïa tïïö mo cøra paaba näk tëën, ni tïïa ki näm mo cøra paaba no otal.

Aydheea 51:3

Ka adïëri møn, Wuuö Jwøk cwïny jø Dhayan di cømø; eni ränynyö mar Dhayan di neenø ni cøm cwïny jiy moa en yie. Eni kwöra näk otal di tïïö ni caala ajïniina mar Ëden, ni tïïc kwöra näk dïtëën ni caala ajïniina mar Wuuö Jwøk, ni ö Dhayan ni jït yie ki met ec ki kanynyø, ki dwøk pwøc ki wär dudi.

Aydheea 6:11

Køøre aana köö, «Wui, Kwäärö Wuuö Jwøk, a këël kany mo nyïëdi noo bëëtge na ennø nø?» Ni løk gø, ni «Këël kanyo raany päänye noo dööŋge ni bäŋ jiy mo bëëdö yïthge, ni bëëdö uudi keerge ni bäŋ jiy, ni dööŋŋa ŋöömö keere;

Aydheea 7:21

'Ba noo tïme na dïcäŋeca, otïmö ni dööŋŋa dhieŋ aciel ki dïëk ariiø jï dhaanhø;

Edhikiel 36:35

Køøre nø, jiy ge köö, «Ni pwöth moi na bëëdö no odööŋ keerge anø tïmö kaamar ajïniina mar Ëden; ni ö päänye moa no oniruuth piny no oränynyö ni cäŋi geerrø ni teek ni døø jiyi yïthge.»