Aydheea 34:4 - Wëël Jwøk

⁴ 'Ba gïïa en maal bëët oraanynyi, ni ö maalø ni bani kaamar warakata; ni ö jap maalli bëët thuwø ni øcge piny kaaman wø øc bøøk jer omøki piny, wala man wø øc bøøk olaammi piny.

Aydheea 34:4 Iomraidhean Croise

Aydheea 13:10

'Ba ceer mo maal ki moa näk dëëtge ege cøŋŋø otïmö ni ba cïpi ki tar. Cäŋ otïmö ni cøl kanyo tuule, ni ö dwääyi ni ba cïp tar mare.

Aydheea 13:13

Kiper manøgønø, maal bäre tïïa tïïö ni jäŋŋi, ni ö pinynyi ni tïme ni kwanynyi, kanyo ö wëërri mara, a na Wuuö Jwøk na näk wïth jammi bëët, ni beeye dïcäŋo ö wëërri mara noo liele kaamar maac.

Aydheea 14:12

«Wui, ï na cëëc øw, ni wø nëëni ki bäc øw, kee ïïna nø pänhnhö ki maal! Ï na tïïc wïth juurre ni jägö, kee ïïna nø leeŋ piny!

Aydheea 51:6

Tïŋŋu wïthu ni raŋŋu maal, ni raŋŋu piny thuwø; kiper maal rwäänyö kaamar jïrö ni wø maayi, ni räny pinynyi kaamar man wø räny abïï, ni ö jø wø bëëdö yie ni thøwge kaamar twöŋi. 'Ba køny mara bëëdö na bäre bäre, ni ö bëënynyö mara ni bëëde na bäre ni ba ränynyi.

Jool 2:10

Kanyo poode dïkwøŋ, piny ree di jäŋö nyïmge, ni ö maalli ni tïme ni kwanynyi, ni ö cäŋŋi ki dwääy ni tïmge ni cøl, ni ö ceerri ni ba rienyge këët.

Jool 3:15

Cäŋ ki dwääy tïmö ni cøl, ni ö ceerri ni ba rienyge këët.

Mathiew 24:29

«'Ba køør gïïo leth moo tägi yïth nïrögøøni, « ‹cäŋ oput tïïc ni cøl, ni ö dwääyi ni ba cïp taye, ni päänh ceerri ki maal, ni ö gïïa näk jïge da teek maal ni jäŋi.›

Mathiew 24:35

Maal ki piny opöödhi, 'ba luupa ba dak.

Ibaru 12:27

'Ba luummi na kööe, ni «Poot da aciel mør,» caana gø ni gïï wø jäŋŋi, daae daa, ni beege jammi moa no ocwääö, nee gïï wø ba maar jäŋ, nee dööŋge.

Mana Nyooth 20:11

Kanyøgø wälu mo tar mo dwøŋ døc ajooda ki ŋata en bääte. Ni ö maalli ki piny ni reŋge ki eni, ni bäŋe kany mo ojoodø kiperge.

Mana Nyooth 6:12

'Ba na ö Nyidiel na jap bïcier möönne, aana nëënnö, ni jooda dïjäŋ piny mo dwøŋ døc. Ni ö cäŋŋi ni tïme ni cøl døc, ni ö dwääyi kare bäre ni tïme ni caala remø.

Mana Nyooth 8:12

Ni ö ŋweer nyïïatwiet maalli ni kooth tuuŋ mare. Ni ö dää thääŋö mar cäŋ, ki dää thääŋö mar dwääy, ki dää thääŋö mar ceer ni gøøi, ni tïm dää thääŋö mar tar moge na muudhö. Ni ö dää thääŋö mar dïcäŋöca ni mäni ki man tïme ni leer, ni ö dää thääŋö mar wäär thuwø ni tïïi na enøgønø.