Aydheea 34:2 - Wëël Jwøk

² Kiper gootø mar Wuuö Jwøk ena bäät wïth juurre bëët, ni wëër mare ena bäät jø leny bëët mo wïth juurre. Eni wïth jø bäät piny dïïre dïïrö na bäre; eni jø bäät piny wëëge 'näk.

Aydheea 34:2 Iomraidhean Croise

Bwøth Wøk 8:14

Ni ö jø Ijepi ni cøŋge ogwäle na athwöe, ni put pinynyi kwääö ki geni.

Aydheea 10:5

Wui, otïmö ni leth jï Aciria, na näk yaa tïïö na athøra mar wëër mara, na athøra mano en cer Aciria beeye mano nyoodha wëër mara ki gø.

Aydheea 13:5

Lwaak manøgø käla paac mo bäär, ni käla ya aŋuun piny mana bäär døc. Wuuö Jwøk ŋöömö manøgø bäre di raanynyø ki gïr tïïc mar ajäla mare.

Aydheea 13:6

«Gööu ko oduuru, kiper cäŋ mar Wuuö Jwøk kare acäännö. Cäŋögø öö na cäŋ aranya ni käla baŋ Jwøa en teeki jïre.

Aydheea 26:20

U na jiya, dønynyu yïth uudi mou, ni cïëgu dhøk odhuule mou bäätu, ni kannu dëëtu ki kany mo thiinh, këël kanyo ö wëëc Wuuö Jwøki noo pöödhe.

Aydheea 30:25

'Ba noo tïme na ri cäŋ man tïïc 'näk mana dwøŋ yie, kanyo päth uut koorri moa no ogeerø ni ena maal, wïth kïte moa bäyö bëët ki wïth thuuri moa bäyö bëët ocööt ki nyeŋ näm mo muulö ki pïï.

Aydheea 61:2

nee cwiino ö eni noo nyooth met ec mare yie, ki cäŋ ajäla mare, eni na Jwøk marø, nee køba, nee jiy bëët moa näk kïmmö nee cwïnyge cøma,

Aydheea 63:6

Wïth juurre anyøra ki gootø mara, ni wëëga ge meerø ki køør wëër mara, ni kønynya remge piny yïth ŋøøm.»

Aydheea 65:12

aani, u wëëga thøw opëëllö, ni kuullu wïthu piny bëët kiper nou ŋalli; kiper kanya cwöta, u kär jïëy, ni kanya cääna, ïthu käru ciiø. Uuna tïïö ki gïï mo reyø, ni jierru gïïa näk yia ba met ki ge.»

Aydheea 66:14

'Ba kanyo jootu gïnögø, cwïnynyu omïnni, ni tïm dëëtu ni pulli kaamar luum mo oløth. Ni ö teek bat Wuuö Jwøki ni puti ya jiye ŋäc; 'ba wëër mare onyoodhe jï nyïïmän moe.

Aydheea 66:16

Kiper Wuuö Jwøk jiy bëët jääle jäälö ki maac ko opëëllö mare, ni ö jiyi moo nääe ni tïmge ni thööth.

Jeremaya 25:31

Dïŋaŋ okëët ya aŋuun piny bäre, kiper Wuuö Jwøk jïre da løøk ki wïth juurre bëët. eni mar jiy bëët ŋøle ŋølø, ni cïp jøøa reyø dho opëëllö. Luummögø caana Wuuö Jwøki.› »

Jeremaya 25:32

Man beeye mana caan Wuuö Jwøki, eni na wïth jammi bëët, ena köö, ni «Ennø, gïï mo leth onyaay, ni tägi ka baŋ wï jur man nø, ni pïïe baŋ wï jur man nø. Mäny mo teek oööi kaamar atuunna, ni tägi ka ya aŋuun piny.»

Jeremaya 25:33

Kar kanyøgø jiy moo 'näk ri leny ki køør wëër mar Wuuö Jwøk, rïŋ dëëtge, bäät piny opääŋge bäre, ni tägi ka ya aŋuun piny këël aŋuunne maya. Bäŋ ŋat mo jwöŋi kiperge, ni bäŋ ŋat mo cooŋ rïŋ dëëtge kanya ciel, ni bäŋ ŋat mo koony geni; 'ba rïŋ dëëtge otïmö kaamar wär mo oker piny.

Edhikiel 36:5

gïna caan Kwäärö Wuuö Jwøki jïïu bee en, ena köö: ni Aani, a cäänö ni cwïnya okëënynyö ki wïth juurre møga ki jø Ëdöm bëët. Geni, ŋöömö mara akälge kiper dëëtge ni cwïnyge päŋ ki met ec ki män, nee japa beyø na en yie twierge.›

Jepaniya 3:8

Kiper manøgønø, Wuuö Jwøk aköö, ni «Koorru aani, kiper dïcäŋo cuŋŋa naa cäänna uuni. Aani, anø ŋøla ki man cooŋa wïth juurre ge ki buc nyeye bëët, nee wëër mara bäre ni wø liel kaamar maac nee kønynya bäätge. 'Ba jø bäät piny bäre geno put maaci thöör mar këëny cwïny mara.

Dhekaraya 14:3

'Ba Wuuö Jwøk eno døny wøk kuna këëde ki wïth juurre moøgø kaawat man wø këëde dïcäŋ leny.

Wëëlö Mana Göör Pøølli Baŋ Jø Röm 1:18

Kiper wëëc Jwøk onyoodhø ni ööi ki maal dëët jø wø ba wøør Jwøk bëët ki rääö mar jiy na thiel adïëri piny ki køør rääö marge.

Jøcua 11:20

'Ba beeye Wuuö Jwøk na tïïc cwïny jøøgø ni teek, nee öge baŋ leny ki jø Icriel, nee wïthge put dïïr na bäre bäre ni bäŋ bäth ec mo onyoodhø jïge; 'ba wïthge aput dïïr, kaawat mana ö Wuuö Jwøki na kööm Modhe.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.

Mana Nyooth 20:9

Ni öge ki yi piny bäre ni rumge twïër jø Jwøk dïër, ki paana mëërö ki gø. 'Ba maac aöö ki maal, ni dïïr wïthge.