Aydheea 34:13 - Wëël Jwøk

¹³ 'Ba koodhi otuy yïth uut koor moge moa no ogeerø ni ena maal, ni ö otwelli ko odhäŋŋe ni tucge yïth päänye moge moa no ogeerø ni teek; ni put tïmö na kar bëëtö jï othööe, na kany noor tule yie.

Aydheea 34:13 Iomraidhean Croise

Aydheea 25:2

Päänye araanynyï ni tïïyï ge na wïthur, ni wëëgï päänye moa no ogeerø ni teek ränynyö; ni ö mïëc juurre moa no ogeerø ni beyø ni tïmge ni bäŋgø, ni ge ba cäŋ geerrø këët na bäre bäre.

Aydheea 35:7

ŋöömma bëëdö no owaaŋ otïmö na puul, ni ö ŋöömma no otal ni neethar ki pï jøør. Kanya bëëdö na kar rïc mar othööe, otuy ko obøw ka athära.

Jeremaya 10:22

Wïnynyu dwøri na pïï en; ennø, tiet dëëci wïnyö ni dïmmi ni öö ki wï-piny, nee päänye mo Juuda raanyge ni tïmge na kwör bëëte jï othööe.

Jeremaya 49:33

Adhör otïmö na kar bëëtö mar othööe, ni bëëde noo ränynyö na bäre bäre, ni bäŋ ŋat mo bëëdö yie, ni bäŋ ŋat mo joot kaace.»

Jeremaya 51:37

Babiløn oränynyi ni needwöt, ni tïme na kar bëëtö mar othööe, na gïr abuua, ni tïm cwïny jiy ni böö ki gïno tägi dëëre, ni bäŋ jiy mo bëëdö yie.

Jeremaya 51:43

Päänye moe otïmö ni cwïny jiy böö ki gïno tägi dëëtge, ni tïm ŋöömö mare na paap ma tëën, na ŋöömö mo bäŋ ŋat mo bëëdö yie, na kany mo bäŋ dhaanhø mo cør yie.

Jeremaya 9:11

Ni kö Wuuö Jwøki, ni «Jerucalem otïïa nee neeruuth, ni tïme na kar bëëtö mar othööe; ni tïïa päänye mo Juuda nee ränyge, nee bäŋe jiy mo bëëdö yïthge.»

Wëël Kïmmö 4:3

Këël othööe na näk lääc paap thurge cïpge cïbö jï nyïïge, ni dhwøthge nyïïge; 'ba jø powa gena tïmö ni ge reyø døc kaamar uudö mano en paap.

Odheea 9:6

Uuni, u këël doo päär wøk nou ŋwieya ränynyö, u mak jø Ijepi maa ni gwaarge uuni, ni ö jø Mempici ni putge uuni 'näk ni koonyge uuni. Japa perge leth moa näk tïïc ka gwel-bïrö, bäätge tuy ko oŋöön; ni ö yïth oduŋkaare mou ni tucge ki koodhi.

Jepaniya 2:9

Kiper manøgønø, Wuuö Jwøk, Jwø Icriel, eni na wïth jammi bëët, aköö, ni «Ka adïëri møn, kaa man bëëda naa kwøw en, jø Möap, poge tïmö kaamar Cødam, ni ö jø Amönni ni tïm poge kaamar Gømöra; ni ö luummi mo raac ni put tuuö yïth ŋøøpge, ni tïm ŋøømmi moge na buri mo acäbö, ni put ŋöömö ränynyö na bäre bäre. Jiy 'moa moa dööŋ ni kwøw, jap jøøgø otwierge, ni putge bëëtö yi ŋöömö mar jøøgø ni tïme na marge.»

Milkiya 1:3

ni männa ki Icøø, ni raanynya poge na en bäät kïte, ni wëëga wï poge dööŋŋö jï othööe na näk lääc paap.»

Mana Nyooth 18:2

Ni kööe ki dwøl mo päl døc, ni «Babiløn na dwøŋ apädhö ki pädhö mo ba thiinh, ni tïme na kar bëëtö jï anäge, na kar bëët teeŋ juuga reyø bëët, ki teeŋ weny moa reyø bëët na mänö ki geni.