Aydheea 34:1 - Wëël Jwøk

¹ Wui, u na wïth juurre, ööu ni nyänhnhu kuna wïnynyu gïn; cegu ïthu, u na jiy! Beerra man ö pinynyi ki japa en yie bëët ni wïnyge gïn; beerra man ö bäät ŋøømmi ki japa en yie bëët ni cekge ïthge.

Aydheea 34:1 Iomraidhean Croise

Wïlöölö 6:13

Køøre Jwøk aköö jï Nöa, «Aani, aŋuun bëëtö mar jiy bëët anø ŋøla; kiper piny apäŋ ki gïï mo leth ki køør gïïa tïïcge. 'Ba ennø, ge raanynya raanynyø ki piny bëët na aciel.

Dut Pwøc 24:1

Dut Pwøc 50:1

Aydheea 1:2

Wuuö Jwøk aköö, ni «Wui, Maal, cek ïthï! Wui, Piny, wïnynyï! Obwöre moa piidha na døøŋŋø cera, gena ö maal bääta ni gëëmge ki aani.

Aydheea 18:3

'Ba uuni bëët, u ni en bäät piny, ni bee u ki dëëtu ni wø bëëdö yie, kanyo ö ŋïï noo tïŋi maal ki paana en bäät kïte, oneennu, kanyo ö tuuŋŋi noo koodhi, dwøre owïnynyu.

Aydheea 33:13

«Wui, u na kwöru bäyö, wïnynyu gïna tïïa; wui, u na kwöru cärö, kwanynyu tier teek mara.»

Aydheea 41:1

Wuuö Jwøk aköö, «U na wïth juurre mo wø bëëdö yïth mïëri moa en bäät naama dwøŋ, noukïïl nyïma ni cegu ïthu baŋa. Beerra man ö wïth juurre ni jïtge ki teek mo nyään, ni öge kany mo cään ni cäänge. Beerra man öge nee wa røømwa ki ge kar løøk.

Aydheea 43:9

Wïth juurre bëët dëëtge anø dwalge, ni cooŋge dëëtge kanya ciel. ?Aŋa dëëtge noo caan tier gïn en, noo køp gïïa dïkwøŋ jïïø? Beerra man känge ki jiy mo tier gïnögø ŋäcge naa adïëri marge ŋäc, nee wïny jiyi ni köge, ni «Bee kare.»

Aydheea 48:16

Ööu ni nyänhnhu buuta, ni cegu ïthu ki luubö man. Ki mana täga cøøn, a kär cäänö ki luup mo tietge okanø. Kany wø täk gïrpinynyi, aani, a nutö kaace.» 'Ba ennø, Kwäärö Wuuö Jwøk aana jääŋŋe ni Jwïëy moe ena bääta.

Aydheea 49:1

Wui, u na jø wø bëëdö yïth mïëri moa en bäät naama dwøŋ, wïnynyu mara, ni cegu ïthu, u na wïth juurre moa kwörge bäyö. Wuuö Jwøk aana cwøle kanya pooda naa ena ec, ni cak nyeŋŋa kanya pooda naa ena yi mera.

Aydheea 63:1

?Aŋø, man aŋa ni ööi ki Ëdöm, ni ööi ki yi Bödhra ni eno ruyö ka abïï mo kwaar en? ?Man aŋa no oruyö ni mïërö ni cäädhi ni dwøŋ ki teek mare en? Ni løk gø, ni «Bee aani ni wø car luup ni thïïŋ, ni wø jïre da teek ki man piem jiy.»

Jeremaya 22:29

Wui ŋöömmi en, wui ŋöömmi en, wui ŋöömmi en! Wïny dwør Wuuö Jwøk!

Jeremaya 49:7

'Ba man beeye luumma caan Wuuö Jwøki, eni na wïth jammi bëët, kiper Ëdöm, ena köö, na «?Aŋø, bäŋ jiy mo wïthge leer këët Tëman? ?Aŋø, pwöc atïmö ni bäŋgø baŋ jøøa nyeŋge reegø? ?A leec wïc marge aränynyö?

Edhikiel 38:17

«Man beeye luumma caan Kwäärö Wuuö Jwøki, ena köö, na ‹?Aŋø, paa ïïni na cääna kipere yïth nïne moa pöödhö ki dhøk nyïïkuk 'moa mo jø Icriel? Yïth nïreke gena cäänö ki cwiiri mo thööth ki man näk mo ï tïïa tïïö nee ge tugï.

Obadiya 1:1

Man beeye luumma nyooth jï Obadaya, ni beeye gïna caan Kwäärö Wuuö Jwøk kiper jø Ëdöm. Da luubö ma awïnywa ki baŋ Wuuö Jwøk, ni da dhaanhø mo ojääŋŋö baŋ wïth juurre, mo käära dwøl mo köö na ennø nø, ni «Ööu maal ni cøø baŋ leny ki jø Ëdöm!»

1 Körin 10:26

kiper «Piny bäre ki jammi bëët moa en yie beeye mo Wuuö Jwøk.»

Tiet Ciik 32:1

'Ba luup moa en yi duut na caan Modhe beege ii; ena köö, «Wui maal ki piny, beerra man cegu ïthu ki gïno caana; ni wïnynyu luup moo ö wøk ki dhaa.

Tiet Ciik 4:26

Dïcäŋi en maal ki piny otïmö ni beege gïïo ŋäc luummi en yïthakiyø ki uuni kiper gïno raac noo pïï dëëtu. Ni näk gïna caan Wuuö Jwøki ba leŋŋu, u laara thumö kany mo cään en wï ŋöömö mano cou yie nee lwørru na maru løø Naam Jördan løøga. U ba bëëdö ki kany mo bäär yi ŋöömö manøgø këët, 'ba u put ka thöör na bäre bäre.

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»

Pïëmme 5:3

Wui, u na nyeye, wïnynyu gïn! Wui, u na bëën mïëri, cegu ïthu! Aani, a wär ki duut jï Wuuö Jwøk; a wär ki duut naa pwøya Wuuö Jwøk, Jwø Icriel.

Pïëmme 5:31

«Wui Wuuö Jwøk, beerra man ö nyïïmännï ni thøwge bëët kaawat mana thøw Cicara ki jø leny moe; 'ba jøøa mëër ki ïïni, beerra man tïmge ni caala cäŋ kany wø tuule ki teek mare.» Køøre piny aput nikwöc ni bäŋ lenye ki cwiiri ma pïëraŋween.