Aydheea 33:9 - Wëël Jwøk

⁹ Ŋöömö jwöŋö ni kïmme; ni ö lur Libaanø ni lää wïïe ni tale; goor Carön tïmö kaamar paap ma tëën; ni ö jenni mo ŋööm Baacan ki mo Kïn Karmël ni øc bøøge moge piny.

Aydheea 33:9 Iomraidhean Croise

Jööp 15:33

Eni tïmö kaamar jaath omøk mo nyïïe opäth piny ni kar ciek marge poodi; ni tïme thuwø kaamar jaath mo obøøc mo kär thiiw.

Obeec Dudi 2:1

'Ba aani a caala jaath jaak mo oŋøøk ni mïërö yi ŋööm Carön, naa caala apiitø mar gool.

Aydheea 10:34

Wuuö Jwøk, lul mana no odhïŋ døc oŋøt piny ki ley, ni ö eni na teek ni gøø lur Libaanø piny, ni pädhe.

Aydheea 14:8

Këël jenni moa bäyö ki moa perge leth mo lur Libaanø, yïthge mïnnö bäätï, ï na nyeny Babiløn, ni köge, ni ‹Ennø, kiper mana dwøk wïïï piny, bäŋ dïŋut jenni këët mo ööa baŋwa nee wa ŋøt piny.›

Aydheea 2:13

ni ö ajäla mare bäät jenni bëët mo lur Libaanø moa bäyö na näk wïthge opööth maal, ki bäät jera teek mo Baacan,

Aydheea 24:1

Raŋŋu, Wuuö Jwøk piny jale jalø ni raany gø; ni wëëk gø niruuth, ni keeth jiy mo wø bëëdö yie.

Aydheea 29:2

'Ba ï na Ariël, ï wëëga jwør gïï mo leth, ni wëëga ïïni kïmmö ko oduuru, ni tïmï kaamar gïn wø cïp olämme bääte mo ogääbö ki remø.

Aydheea 3:26

Dhøk kiir mo Dhayan ge göö ko oduuru ni kïmge, ni ö Dhayan ni pï piny yïth ŋøøm jaak ni eno dööŋ keere.

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Aydheea 37:24

Ïïna ŋwöö bääta, a na Kwäärö Wuuö Jwøk, ki dhøk jiy moa jääŋŋï, ni kööï, ni «Aana ci wïth kïte maal ki jïëth leny 'moa mo thööth mo wø tut okwëënyi, ni cøøa yi lur Libaanø kuya; ni ŋøda jen moe piny moa bäyö na perge leth, ni dønynya yi lul mana cøl kuya.

Aydheea 65:10

'Ba kiperge, ge na jiya moo bëëdö ni manynya aani, Goor Carön otïmö na kar kwaath mar pïïth dïëk moge, ni ö Goor Akör ni tïme na kar rïc jï pïïth dhäk moge.

Jeremaya 50:19

'Ba aani, jø Icriel oduua yi ŋöömö marge, ni bëëtge ni ge cama cam mano ciek bäät Kïn Karmël ki bäät Kïn Baacan, ki caammi moo ciek yi ŋööm Ipariem ki Gelät, mïëya en bäät thuuri.

Odheea 4:3

Kiper manøgønø, ŋöömö atal ni kïmme, ni ö jiyi moa bëëdö yie bëët ni öölge, ni rwöbe ka lääc paap ki wec maal bëët, ni ö reci moa en yi naama dwøŋ ni putge rwäänyö.

Amøc 1:2

Ena köö, ni «Wuuö Jwøk märö yi Dhayan, ni køp dwøre yi Jerucalem; ni ö kwör wø kwaac dïëk yïthge ni talge, ni ö luummi mana en bäät Kïn Karmël ni bäbe.»

Mikiya 7:14

Wui Wuuö Jwøk, kwaac jiyï na alaŋkaanynyï ena cerï, man wø koorï geni ki gø, ni beege na thöögï na caal pïïth dïëk moï, geni ni wø bëëdö kur keerge kany mo yie da jenni, mo ŋöömö mana en deŋŋe ciek ki caammi. Beerra man kïthï geni Baacan ki Gelät, nee ge bëëtge ni ge cama caammi mo wø ciek kwöröke, kaawat mana bëëde yïth nïra cääŋŋe cøøn.

Neeyam 1:4

Eni naama dwøŋ di jooø ni taal gø, ni taal näm bëët. Ni ö luumme mo pwöle mo Baacan ki jer Kïn Karmël ni talge, ni ö jer Lur Libaanø moa no oŋøøk ni talge.

Moa Tïïc Nyïïatwieli 9:35

Ni ö jø Lida bëët ki jø Caran ni jootge Aneea, ni løøge rege baŋ Wuuö.

Tiet Ciik 3:4

'Ba kar kaace päänye moe bëët aputø mac, ni beege päänye ma pïërabïciel moa en kanya cwøl ni Argöp bäre, ni bäŋe pääny mo odööŋ mo kärø lwørø ceŋge, ni beeye ŋöömma en cer Ög nyeny Baacan.