Aydheea 33:6 - Wëël Jwøk

⁶ Eno tïmö ni beeye tier bëëtö maru ki yïth nïne mou, ni bee eni na tier kwärö man wø joot køny ki leec wïc ki kwänynyö baŋe. 'Ba ki man lwäär Wuuö Jwøk beeye kwärö eni.

Aydheea 33:6 Iomraidhean Croise

2 Nyeye 18:7

'Ba Wuuö Jwøk abëëdö ki eni, ni gïn wø tïïe cooth thura kare. Ni ö eni ni gëëme ki nyeny Aciria, ni kweere ki man tïny gø.

Jööp 4:6

?Aŋø, lwär marï ki Jwøk paa beeye cøm cwïny jïrï, ni ö bëëtö marï na tiir ni näk ŋäädhe marï?

Pwöc Leec Wïc 14:24

Jap kwärö mo jøøa wïthge leer beeye aduda jïge, 'ba bëët bøølø mar jøøa wïthge känni beeye bøøl møn.

Pwöc Leec Wïc 14:26

Ŋat wø lwäär ki Wuuö Jwøk jïre da kare mo teek, no obwöre moe jïge da kar gwøk røk.

Pwöc Leec Wïc 14:27

Ki man lwäär Wuuö Jwøk beeye jøøro mar kwøw, ni dhaanhø wø paanye paanyø ki dha abïëp thøø.

Pwöc Leec Wïc 15:16

Bëët dhaanhø mo jape nøk mo lwäära Wuuö Jwøk beerra eni ni kaala bëët ŋat mo jap kwärö moe thööth mo duunnö ki kier wïc.

Pwöc Leec Wïc 19:23

Ki man lwäär Wuuö Jwøk bwødha jiy baŋ kwøw, ni dhaanhø bëëdö ni yie met jaak, ni bäŋ gïn mo raac mo gut gø.

Pwöc Leec Wïc 2:5

ïïni, tier lwär ki Wuuö Jwøk otïmö ni ŋäyï, ni jootï leec wï Jwøk.

Pwöc Leec Wïc 28:2

Kany wø bëët paaci ki bëëtö mo raac, kwääri mo tïïö ka ageeme wø tïmö ni thööth, 'ba paac mo käära ŋat mo cädö ni wïïe leer ruu ki kany mo bäär.

Pwöc Leec Wïc 29:4

Nyeya paac wø këël piny ka køør ŋøl ma adïëri, 'ba nyeya man wø jwäk jiy ki teek wø raanynya paac.

Luup Dïpööy 7:12

Kiper leec wïc, dhaanhø di gwøø ni caala man wø ö gwelli wø gwøk dhaanhø. 'Ba gïn wø duu ŋäc jammi ki leec wïc beeye ki man gwøk jwïëc ŋat wø en jï gø.

Luup Dïpööy 7:19

Leec wïc cïpö ki teek jï ŋat mo wïïe leer ni kaala teek mar cuumme apaar mo ena yi pääny.

Aydheea 11:9

'Ba bäät kïdi bäre na en kur keere mar Wuuö Jwøk, tïmö ni bäŋ ŋat mo tïïö ki gïn mo raac yie wala mo räänyö; kiper piny opäŋ ki kwänynyö man ŋäc Wuuö Jwøk kaawat mano ö pïïyï othaar naama dwøŋ.

Aydheea 26:1

'Ba dïcäŋeca duut man di wärö yi ŋööm Juuda, na ennø nø: Waani, jïwa da pääny mo teek, kiper Jwøk waana mooe ki kiir mo teek mo piema waani.

Aydheea 32:17

'Ba tïïc mar bëët adïëri tïmö na bëët-mëër, ni gïno duu bëët adïëri beeye bëëtö mëëth ki ŋääth røk mo bëëdö ni nut na bäre bäre.

Aydheea 32:18

Køøre nø, jiya obëëdö kany mo nuta bëët-mëër yie, ni beeye kany mo jiy bëëdö no ogwøø yie, mo jiy jïtö ki jwöm yie ni bäŋ okiera.

Aydheea 33:20

Neennu Dhayan, pääny man wø wøørwa ajwöm mowa yie; Jerucalem ojootu ki nyeŋŋu na kar bëëtö mo päŋ ki bëët-mëër, ni tïme kaamar oduŋkaara mo bäŋ ŋat daak gø, wala ŋat mo pudha teegi moe wøk, wala ŋat mo cööta thøøli moe.

Aydheea 45:17

'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Aydheea 51:14

Ki kany mo cään jiy moa no omaaø ki tøŋ, ge di pädö, ni ge ba thøø kwöra näk geno twöö yïthge, ni ge ba bööli këët ki gïn camge.

Aydheea 51:6

Tïŋŋu wïthu ni raŋŋu maal, ni raŋŋu piny thuwø; kiper maal rwäänyö kaamar jïrö ni wø maayi, ni räny pinynyi kaamar man wø räny abïï, ni ö jø wø bëëdö yie ni thøwge kaamar twöŋi. 'Ba køny mara bëëdö na bäre bäre, ni ö bëënynyö mara ni bëëde na bäre ni ba ränynyi.

Jeremaya 31:34

Ni këël doo bëëdö ni bäŋ ŋat pwöny watge ki coki, ni ‹Bëëdï niï ŋäya Wuuö Jwøk,› geno bëëdö naa ŋäcge bëët, ni tägi ka jiy moa kwörge therø këël jiy moa kwörge døøŋŋø; kiper gïïa bacge wiia wiiø, ni ba para wïïa ki raay moge këët.» Luummögø caana Wuuö Jwøki.

Abakuk 2:14

Kiper piny opäŋ ki ŋäc ajiem mar Wuuö Jwøk, kaawat man wø ö pïïyi ni wø pääŋ naama dwøŋ.

Mathiew 6:33

'Ba kwøŋu buc Jwøk ki beeny Jwøk cayø. Køøre nø, gïïögø bëët owëëk uuni thuwø.

2 Körin 6:10

Ni kïmwa, 'ba yïthwa wø poot mïnnö cooth. Wa wø cännö, 'ba jiy mo thööth poot wëëkwa kwärö. Ceŋwa wø dar, ni poot jammi bëët na mowa.

1 Timöthi 4:8

Ŋääø ni pwöny røk beeye gïn mo beer, 'ba bëët jöör Jwøk beeye gïna beerra eni døc ki kare bäre, kiper beeye eni ni cïp kwøw ennø, ki kwøw mano en yi nyïm thuwø.

1 Timöthi 6:6

'Ba gïn mo dwøŋ wø di joodø møn ki køør bëët jöör Jwøk ni näk mo dhaanhø cwïnye ocïp piny ki jammi moa nut jïre.