Aydheea 33:5 - Wëël Jwøk

⁵ Wuuö Jwøk kare dwøŋ, ni eni bëëdö maal; eni ŋøl mana na adïëri ki bëët adïëri otïïe ni dwøŋ yi Dhayan.

Aydheea 33:5 Iomraidhean Croise

Dut Pwøc 123:1

Bwøth Wøk 15:1

Køøre Modhe ki jø Icriel duut man awärge jï Wuuö Jwøk ni köge, ni «Aani a wär jï Wuuö Jwøk, kiper ena tïmö na ajieme cäätha maal. Okweeny ki ŋata en bäät gø aleeŋ yi Naama Kwaar.

Bwøth Wøk 15:6

Wui Wuuö Jwøk, cer cwïïï teek døc; wui Wuuö Jwøk, cer cwïïï, nyïïmän wø raanynye raanynyø.

Bwøth Wøk 18:11

Kawaane ajooda møn ni Wuuö Jwøk dwøŋŋa eni ki juu bëët, kiper køny manøgø atïïe kiper atöör mana tïïc jø Ijepi bäät jø Icriel.»

Aydheea 12:4

'Ba dïcäŋeca uuno köö jï jiy, ni «Dwøgu met ec jï Wuuö Jwøk, ni pwøyu nyeŋŋe, ni caannu tïïe moe jï wïth juurre nee ŋäcge, ni parru wïthge ki nyeŋŋe ki man näk mo eni kare dwøŋ.»

Aydheea 2:11

'Ba nyøth røk ka atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 2:17

'Ba atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 26:1

'Ba dïcäŋeca duut man di wärö yi ŋööm Juuda, na ennø nø: Waani, jïwa da pääny mo teek, kiper Jwøk waana mooe ki kiir mo teek mo piema waani.

Aydheea 28:6

Eno tïmö ni ena jwïëy man wø cïp ŋøl luup ma adïëri jï jø wø en ŋøl luupi ceŋge, ni tïme ni ena teek jï jø wø dwøk jø leny wøk ki dhi kiir.

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 32:1

Neennu, nyeya mo käära jiy ki jöör adïëri oööi, ni ö kwääri ni käärge paac ki jöör ŋøl luup ma kare.

Aydheea 33:10

Køøre Wuuö Jwøk aköö, ni «Ennø, a ööa maal, ni wëëga nyeŋŋa jiem, ni tïŋa nyeŋŋa maal.

Aydheea 33:4

Wui, u na wïth juurre, jammi mou otwier jø møøki, kaamar man wø ö bäänyö wø nigerääc bäät beel, ni putge gø thöör.

Aydheea 37:20

'Ba ennø, wui, Wuuö Jwøk, Jwøk marwa, piem waani cer nyeny Aciria, nee ŋäc buc nyeye bëët mo bäät piny ni bee ï keerï na Wuuö Jwøk.»

Aydheea 5:16

'Ba Wuuö Jwøk, eni na wïth jammi bëët, nyeŋŋe obëëdö ni ena maal ki ri ŋøl mare; ni ö eni na Jwøk na en kur keere ni nyooth ree ni eni ena kur keere ki køør bëënynyö mare.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 56:1

Man beeye luumma caan Wuuö Jwøki, ena köö, ni «Tïïyu ŋøl ma kare, ni tïïyu gïn ma adïëri, kiper pïëm mara man piema jiy ki gø aløny ni öö, ni bëënynyö mara oløny ni kare cään ki man nyoodhi.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 61:11

Kaa teeŋ man wø ö pinynyi wø wëëk jammi tuuö, ni ö ajïniina ni wëëk köödhi moa piith yie tuuö, Wuuö Jwøk bëënynyö ki pwøc wëëge tuuö nyïm wïth juurre.

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Aydheea 66:1

Man beeye luumma caan Wuuö Jwøki, ena köö, ni «Maal beeye wälu mara, ni piny beeye køøm tieta. ?A øda ŋø nø, na dou geerø jïra? ?A kanya ŋø na daa jwöm raa yie?

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Jeremaya 23:6

'Ba ki yïth nïr nyec moe jø Juuda di piemø, ni ö geni na jø Icriel ni bëëtge ni geno nikwak. 'Ba man beeye nyeŋŋe mano cwøl eni ki gø, ni ‹Wuuö Jwøk beeye tier bëënynyö marø.›

Jeremaya 31:23

Man beeye luumma caan Wuuö Jwøki, Jwø Icriel, eni na wïth jammi bëët, ena köö, ni «Kanyo dwøga bëëtö mar jiya kare, luummi en ocäŋge caannø yi ŋööm Juuda ki yïth päänye moe, ni köge, «ni ‹Ï na paac man wø joot adïëri yie, paana en bäät kïnna en kur keere, ïïno gwïëth Wuuö Jwøki.›

Daniel 4:37

Kawaane a na Nabukedenecör, a pwøya nyeya mar maal, ni tïŋa nyeŋŋe maal, ni jiema eni, kiper tïïe moe bëët beege adïëri, ni jïëth tïïe moe tiir, ni eni løny jïre ki man dwøk jiy piny mo wø bëëdö ni cwïnyge da atöör.

Wëëlö Mana Göör Pøølli Baŋ Jø Röm 11:26

Kanyøgø nø jø Icriel bëët opiem. Kaawat mana gööri, ni «Pïëmi oööi ki yi Dhayan, ni käl ataa wøk cwïny jic Jeekap.

Wëëlö Mana Göör Pøølli Baŋ Jø Röm 3:26

Ni eni nyootha gø ennø ni eni ki dëëre ŋøl luup mare beeye adïëri, ni ŋat wø ŋääth Jecu wø jïëe jïëö ni mare beer nyïme.