Aydheea 33:20 - Wëël Jwøk

²⁰ Neennu Dhayan, pääny man wø wøørwa ajwöm mowa yie; Jerucalem ojootu ki nyeŋŋu na kar bëëtö mo päŋ ki bëët-mëër, ni tïme kaamar oduŋkaara mo bäŋ ŋat daak gø, wala ŋat mo pudha teegi moe wøk, wala ŋat mo cööta thøøli moe.

Aydheea 33:20 Iomraidhean Croise

Aydheea 32:18

Køøre nø, jiya obëëdö kany mo nuta bëët-mëër yie, ni beeye kany mo jiy bëëdö no ogwøø yie, mo jiy jïtö ki jwöm yie ni bäŋ okiera.

Aydheea 33:6

Eno tïmö ni beeye tier bëëtö maru ki yïth nïne mou, ni bee eni na tier kwärö man wø joot køny ki leec wïc ki kwänynyö baŋe. 'Ba ki man lwäär Wuuö Jwøk beeye kwärö eni.

Aydheea 37:33

'Ba man beeye dwør Wuuö Jwøk na caane kiper nyeny Aciria, ena köö, ni «Eni ba duny yi pääny man, ni bäŋ atheerø mo thöör yi gø kany; këël eni ba nyänh deŋ gø ni käädö ki kwöt leny, ni bäŋ ŋøøm mo di thørø deŋ kiir ki man ethge bäät kiir ki gø.

Aydheea 4:5

Køøre Wuuö Jwøk pöölö mo näga jïrö wëëge nirwöc ki dïcäŋ bäät Kïn Dhayan bäre ki jiy moa näk rege ege cooŋ bääte, ni ö tarri mar leep maac ni wëëk gø rieny bäät gø ki wäär; ni ö ajiem mana en bäät Dhayan bäre ni bëëde no ouumö ki gïn mo caala rëëbi.

Aydheea 54:2

Tïïc kar oduŋkaara marï ni laac, ni ö abïïe moa näk gëëŋŋe mo kwör bëëte moï ni twöï ge piny ni yïthge iï peerø ni døøŋŋø, ni ba lwagï ge; ni tïïyï thøøth oduŋkaara marï ni bäyö, ni cwödhï teegi moe piny ni teek.

Aydheea 66:14

'Ba kanyo jootu gïnögø, cwïnynyu omïnni, ni tïm dëëtu ni pulli kaamar luum mo oløth. Ni ö teek bat Wuuö Jwøki ni puti ya jiye ŋäc; 'ba wëër mare onyoodhe jï nyïïmän moe.

Edhikiel 48:35

«'Ba kiir pääny manøgø noo rømi ki deŋŋe bäre ni di wïrö, tïmö na gööye ma kume apaar ka abära. «'Ba nyeŋ pääny manøgø ki mano täge ki dïcäŋöca, ocwøl ni WUUÖ JWØK ENA YIE.»

Edhikiel 48:8

«'Ba ŋöömö mana kïïö ki ŋööm jø tuuŋ Juuda, ki mano täge ki jï løø kur tuul-cäŋ këël mano këët jï løø kur pänh-cäŋ, beeye ŋöömö mano cïbu kur keere na mar Jwøk. 'Ba dööŋ yie wär tïme na gööye ma kume ma pïërariiø ka abïïc, ni bär mare ki mano täge ki jï løø kur tuul-cäŋ këël mano këët jï løø kur pänh-cäŋ dïët ki ŋöömö mano cïp jï jø wï tuuŋ man nø. 'Ba Øt Lam mana en kur keere wär tïme ni ena dïëre.

Mathiew 16:18

'Ba a caana gø jïrï, ni nyeŋŋï beeye Piter, ni bäät kïdi man en acooŋ Jwøk mara otïïa bääte. Ni ba løny jï teek kar bëët jwïëc jøøa näk othøw ki man bööt gø.

Tiet Ciik 12:5

'Ba u doo cøøa kuna wøørru Wuuö Jwøk na näk Jwøu kanyo jiere noo caa ri nyeŋŋe nee tïme na kar bëëtö mare røk kwöro bëët wïth tuŋi mou yïthge.

Tiet Ciik 16:16

«'Ba kwöre adäk ki yi cwiir, cwøw bëët doo ööa nyïm Wuuö Jwøk na näk Jwøu kanyo näk ee jierø, ni beeye kany wø tïme na kar Ajwöm Møga Näk Ree Bäŋ Thømmø, ki kany wø tïme na kar Ajwöm Caammi Moo Kwøŋ Ciek, ki kany wø tïme na kar Ajwöma Man Wø Wøør Ni Jø Bëëdö Yïth Abïle. 'Ba ge ba doo ööa nyïm Wuuö Jwøk ki ceŋge jaak.

Mana Nyooth 3:12

'Ba ŋato böödö, eno tïïa na werø yi Øt Jwøk Mana Dwøŋ mar Jwøa. Ni ba ö wøk yi gø bäre bäre. 'Ba nyeŋ Jwøa ogööra dëëre, ki nyeŋ pääny Jwøa, ni beeye Jerucalem mana nyään noo ööi ki maal ki baŋ Jwøa, ni gööra nyeŋŋa mo nyään dëëre.