Aydheea 33:18 - Wëël Jwøk

¹⁸ 'Ba kar kaaca, wïthu oparru ki gïna wara bëëdu nou lwäär ki gø, ni kööu, na «?Aŋø, age ŋata wara bëëdö ni kwaana jammi? ?Aŋø, age ŋata wara bëëdö ni røma jammi? ?Aŋø, age ŋata wara bëëdö ni kwaana uut koor moa no ogeerø ni ena maal?»

Aydheea 33:18 Iomraidhean Croise

Wïlöölö 23:16

Køøre Eeberam dwør Ëprön aleŋe; ni ö Eeberammi ni put warkey røm nyïm jø Këth kaa mana caani Ëprönni ni wïnyö jïge bëët, ni beege gwel ma dïpe aŋween, ki køør rumi man wø rum jø gathi ki gø.

2 Nyeye 15:19

'Ba Puul nyeny Aciria aöö nee këëde ki jø Icriel, ni ö Menaëmmi ni cïpe jï Puul ki gwet-bïrö mo peek mare beeye rumme ma kuma aciel mo røm ka rumi mana cwøl ni kikar kiper nee eni køny Puulli nee tier nyec mare këët piny ni teek.

2 Nyeye 18:14

Køøre Edhekaya nyeny Juuda ajääk Lakic ki dwøl baŋ nyeny Aciria ni kööe, ni «Aana bääyö; beerra man aayï paara. 'Ba gïno manynyï baŋa jaak, cïba cïbö jïrï.» Kanyøgø nyeny Aciria aput cwötö bäät Edhekaya nyeny Juuda ki gwel-bïrö ma rumme ma dïpe adäk, ki warkey ma rumme ma pïëradäk mo røm ka rumi mana cwøl ni kikar.

2 Nyeye 18:31

«Kär dwør Edhekaya wïnynyu; wïnynyu dwør nyeny Aciria na köö, ni ‹Tïïyu bëët-mëër ki aani, ni ööu wøk baŋa. Køøre uuno bëëdö ni ŋati man nø opï piny paare ni cama caammi mo pwöthe ni maatha pïï moa näk ee cooŋø,

Aydheea 17:14

Ka adïëri møn, noo tïme na wïthïënhö, jiy tïïcge tïïö nee lwäcge døc; 'ba kanyo tïme na kur øw, ge tøør këët. Manøgø otïmö na kur jiy moa twier øøni, ni beeye gïno tägi dëëtge, ge na twier japø.

Aydheea 54:14

Tierï okëët piny yi bëëtö mo tiir, ni tïm karï ni bäär ki caannø; kiper ï tïmö ni bäŋ gïn mo lwäärï, ni ö adigööŋ lwär ni daak ree buutï, ni tïme ni ba løny ki man nyänh buutï.

1 Körin 1:20

?Age ŋata wïïe leer? ?Na age ŋata näk dïpööy mar ciik Jwøk? ?Age ŋata ŋäc pïëm ki luup yi pinyi en? ?Aŋø, Jwøk leec wïc mar jø piny käre tïïö na luum bøøl?

2 Timöthi 3:11

ni caannø mara ŋäyï, ki gïïa leth na jwøra, ki gïïa pïï dëëra yi Antïëk, ki yi Ayköniem, ki yi Litara, a teeŋ caarø mo nyïëdi na maa cwïnya ki gø. 'Ba Wuuö aana pieme yïth gïïögø bëët.

1 Camiel 30:6

Kar kaagø thuwø, Deebit dëëre ajïtö ki luubö mo teek ki køør luup moa car jiyi ni eni doo këërö ki kïte, kiper jiy bëët yïthge atïmö ni reyø døc, kiper mana mak obwöre moge. 'Ba Deebit ajïtö ki teek baŋ Wuuö Jwøk, Jwøk mare.