Aydheea 32:6 - Wëël Jwøk

⁶ Kiper ŋat mo wïïe ba leer cara luup mo oballe jaak, ni rääö man wø en cwïnye okadhø, ni bëëdö ni temma raay, ni Jwøk ee kwierø, ni cara gïï mo reyø dëër Wuuö Jwøk; ni tïïya dhaanhø mo onäk käci nee ba jääŋe, ni judha pïï wøk dhi dhaanhø mo onäk riewi.

Aydheea 32:6 Iomraidhean Croise

Pwöc Leec Wïc 19:3

Kanyo ö bëët dïkät wïci noo kïth dhaanhø jöör ränynyö, dhaanhø cwïnye wø di keeyø ki Wuuö Jwøk.

Pwöc Leec Wïc 24:7

Leec wïc kare bäär døc no opöödhö ki wï ŋat mo wïïe känni, ni teeŋ ŋatøgøøni dhee bäŋ wø jaale kar acooŋa.

Aydheea 10:2

nee luup jøøa näk jïge bäŋ teek na can nee ba ŋølge na kare, ni teek bëëtö mar jiya moa can ba gwøkge; nee bëëtge ni ge møønna määr thuunhnhi, ni jap kïïe twierge twierø.

Aydheea 10:6

Aciria jääŋŋa jääŋŋö baŋ wï jur mana kwier Jwøk, ni köömma gø nee ci baŋ jiy moa tïïc aani naa wëëra ki ge, nee japge twier ni käli, ni thiel ge piny ni nyør geni kaamar odhöönh mar øtjöö.

Aydheea 26:10

Këël na bëëdï niï nyøtha mëër marï jï jøøa reyø, jöör adïëri poot ba kwanyge. Ge poot bëëdö ni ge temma gïï mo reyø po jøøa marge thïïŋ, ni bäŋ gïn caarge kiper dööŋö mar Wuuö Jwøk.

Aydheea 3:15

?Tiere ŋø cøøn ni thielu jiy 'moa piny en, ni røtu täärnyïm jiy moa can ki yïth ŋøøm?» Manøgø caana Wuuö Jwøki, eni na wïth jammi bëët.

Aydheea 31:2

'Ba Wuuö Jwøk thuwø, wïïe leer; eni ba døø ŋääe ki luumme mo ee caanø. Eno känni ki gïï mo leth. Eni ööa maal ni tïïc gïn mo raac dëët jø wø tïïö ki gïï mo reyø ki dëët jø wø køny geni.

Aydheea 59:13

ni beege tïïc gïïa reyø, ki mooŋ Wuuö Jwøk, ki løø nyïm wøk ki Jwøk marø; ka acoona mar caar jiy, ka ageem, ki car luup tööt mo wø cooŋø ki yïth cwïnynyø.

Aydheea 59:7

Tietu ŋwieya køør gïïa reyø, ni u wø lääta baŋ køny rem jøøa beyø piny. Acaare mou beege acaare mo reyø, ni uutjïëthe mo wø caathu bëët, u temma gïï mo leth ka aranya.

Aydheea 9:17

Kiper manøgønø, Kwäärö Wuuö Jwøk yie ba mïnni ki wøpe moge, ni cwïnye ba pädhi ki gïr kïïe moge ki määr thuunhnhi moge, kiper mana tïmge bëët ni Jwøk ege kwierø ni ge temma raay, ni dhøkge bëëdö ni cara luup mo reyø. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Jeremaya 13:23

?Aŋø, løny jï dhaanhø mo cøl ki man wiil kït dëëre? ?A løny jï kwac ki man wiil kït moe? Ni näk moøgø løny, løny jïïu thuwø ki man tïïyu gïn mo beer, u na no oŋïyö ki tïïc gïï mo reyø.

Edhikiel 34:18

?Aŋø, ba rømi kiperu ki man cämu jaak ki luum mo beer? ?U manynya gø thuwø nee moa dööŋ cäŋu nyørø ki tietu? ?Aŋø, u ba rømi ki man mädhu jaak ki pïï moa tøŋ? ?U manynya gø thuwø nee pïï moa dööŋ cäŋu duupö ki tietu?

Daniel 12:10

Jiy mo thööth di tïïö ni tøŋ, ni tar, ni waany. 'Ba jø raay ge bëëdö ni ge tïïya raay, ni bäŋ ŋat raay mo tiet gïïögø cøøa wïïe; 'ba jøøa wïthge leer, tiet gïïögø cøøa wïthge.

Amøc 8:6

ni dwøkwa omate mo beel pwödhö; nee ŋata näk jïre bäŋ gïrpiny ŋeewa ki gwel, ni ŋeewa ŋata can ki tier warø jaak?»

Mathiew 15:19

Kiper acaare moa reyø wø ööi ka yi cwïny, teeŋ ka 'näk, ki luk, ki käp, ki käw, ki caan gïn mo patha adïëri, ki waac nyeŋ.

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Jeemeth 1:27

'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.

1 Camiel 24:13

'Ba kaawat mana caani ya jø acääŋŋe, ni køp, ni ‹Gïn mo raac käla cwïny ŋata raac,› aani, teeŋ acaara manøgø bäŋgø cwïnya; cera ba kïtha dëërï.