Aydheea 32:3 - Wëël Jwøk

³ Kar kaace nyeŋ jiy moa näk nëënö ba nijïïm këët, ni ö jiyi moa näk ïthge wïnyö ni putge ïthge cek.

Aydheea 32:3 Iomraidhean Croise

Aydheea 29:18

'Ba dïcäŋece, miiŋŋe luup moa no ogöörö yi wëëlö wïnyge wïnynyö, ni ö jøøa en yi muudhö, na näk nyeŋge onijïïm ki cöörö, ni nëënge.

Aydheea 29:24

'Ba jøøa näk wïthge rege cwödhö, tiet luup okwanyge, ni ö jøøa bëëdö ni ŋurö ni jïëcge pwöc.»

Aydheea 30:26

Kanyøgø tar mar dwääy otïmö ni caala tar mar cäŋ, ni ö tarri mar cäŋ ni rienye døc no omëëtö ki kwöre abïriiø, ki tar mo röömi ki tar mar nïne abïriiø. 'Ba yi cäŋ manøgø beeye cäŋ mano ö Wuuö Jwøki noo 'käl gïïa leth wøk bäät jiye, ni beeye kanyo wëëk atwøt caŋŋø yie moa kïth dëët jiye.

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Aydheea 54:13

Wäätï bëët geno kwänynyi baŋ Wuuö Jwøk; ni jït obwöre moï ki bëët-mëër mo dwøŋ.

Jeremaya 31:34

Ni këël doo bëëdö ni bäŋ ŋat pwöny watge ki coki, ni ‹Bëëdï niï ŋäya Wuuö Jwøk,› geno bëëdö naa ŋäcge bëët, ni tägi ka jiy moa kwörge therø këël jiy moa kwörge døøŋŋø; kiper gïïa bacge wiia wiiø, ni ba para wïïa ki raay moge këët.» Luummögø caana Wuuö Jwøki.

Mathiew 13:11

Ni dwøk gø jïge, ni «Beeye uuni na wëëk ŋäc tiet luup moa näk tietge okwøŋ kan kiper buya käl maal. 'Ba jø møga, tier gïnögø kär cïbö jïge nee ŋäcge.

Maak 7:37

Ni rëëm yïth jiyi døc, ni köge, ni «Eni jammi bëët atïïe na wøpe. Këël meŋŋe adøøc mo wïnyö, ni ö jøøa lëëpge teek ki man cäänge ni cäänge.»

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

2 Körin 4:6

Kiper beeye Jwøk na köö, ni «Tar rienye yi muudhö,» na wëëk tar rieny yïth cwïnynyø, nee tay ajiem Jwøk ni en täärnyïm Krictø wëëk ŋäc.