Aydheea 32:19 - Wëël Jwøk

¹⁹ 'Ba pey opänhnhi, ni ö lulli ni gøøi piny, ni put pääny dwøk piny na bäre.

Aydheea 32:19 Iomraidhean Croise

Aydheea 10:18

Ajiem lul mar Aciria ka ajiem pwöth moe mo wø ciek ki caammi døc raany Wuuö Jwøki raanynyø, ni rwöbe ka jwïëy ki dëël bëët, kaawat man wø ö dëër dhaanhø wø dwade ki täw mo leth.

Aydheea 10:19

'Ba kwään jenni moo dööŋ yi lure manøgø otïmö ni nøk, ni løny jï nyilaal jaak ki man kwaan geni.

Aydheea 10:33

Ka adïëri møn, Kwäärö Wuuö Jwøk, eni na wïth jammi bëët, bäät jenni oŋøt piny ki teek mo dwøŋ døc mo di lwäärö, ni ö jenni moa døøŋŋø dïge ni bami piny, ni ö mo wø bëëdö ni bäyö ni dwøgi piny.

Aydheea 24:10

Päänya no oränynyö otoor piny, ni ö jøøa dööŋ yie ni dëëtge uudi bäätge kiper jiy mo dønynya baŋge.

Aydheea 24:12

Päänyögø oränynyi ni dööŋe keere, ni ö dhøk odhuule mo kiir mare ni bëëtge no otøyø piny jaak.

Aydheea 25:2

Päänye araanynyï ni tïïyï ge na wïthur, ni wëëgï päänye moa no ogeerø ni teek ränynyö; ni ö mïëc juurre moa no ogeerø ni beyø ni tïmge ni bäŋgø, ni ge ba cäŋ geerrø këët na bäre bäre.

Aydheea 25:4

Kiper ïïna ŋat wø gwøk jiy moa näk bäŋ jø køny ge, ki jøøa can ni wø bëëdö ki bëëtö mo leth, ni bee ï ŋat wø gwøk dhaanhø ki gïï mo caala atuunna, ni ïïna tïpö kiper lïëth piny; kiper jam dhøk mar jøøa no ogäy caala atuunna man wø kwöt dëër kiir,

Aydheea 26:5

Kiper eni jø wø bëëdö ni rege ege tïŋ maal dwøge piny, ni raany pääny marge na näk ogeerø ni teek. Pääny marge raanynye raanynyø møn, ni put tïmö na tør,

Aydheea 27:10

Kiper pääny mana no ogeerø ni teek adööŋ keere ni ba beet, ni wïl wïci ki gø, ni tïme kaamar dï paap, ni ö nyïïrøøe ni bëëtge ni ge cämö ki luum yie kaace, ni butge piny yie, ni camge bäät jenni moa en yie.

Aydheea 28:17

'Ba ŋøl mana na adïëri otïïa ni caala thøøl man wø røm tiir mar øtø ki gø, ni tïïa bëënynyö ni caala thøøl man wø røm tiir mar dëër øtø ki gø. Køøre pey opänhnhi ni raany tööt mana gwøk uuni, ni kwön jwïïe ni raany kwöra kanu dëëtu yïthge.

Aydheea 28:2

Raŋŋu, Kwäärö Wuuö Jwøk jïre da ŋat mo dwøŋ mo teek, mo caala køth mo ree da pey ka atuunna man wø räänyö, mo caala athaga mo teek mar naam mo pänhnhö; eni wï pääny Cameria thiele piny ki cere yïth ŋøøm.

Aydheea 29:4

Ïïni, ï dwøga piny, ni tïm cäänö marï ni ö wøk ka yïth ŋøøm; dwørï ööa wøk ki yi tør, ni tïm dwørï ni ö wøk ka yïth ŋøøm kaamar dwør jwïëc dhaanhø mo othøw, ni ö cäänö marï ni tïme ni wïnyi ni muuŋö ki yi tør.

Aydheea 30:30

Wuuö Jwøk dwøre na teek tïïe tïïö nee wïnye, ni wëëk teek bade ööny piny ni nëënö jï jiy, ki yi maac mo liel man wø thöör jammi bëët, ki yi køth ma ruuga, ki yïth pey.

Aydheea 37:24

Ïïna ŋwöö bääta, a na Kwäärö Wuuö Jwøk, ki dhøk jiy moa jääŋŋï, ni kööï, ni «Aana ci wïth kïte maal ki jïëth leny 'moa mo thööth mo wø tut okwëënyi, ni cøøa yi lur Libaanø kuya; ni ŋøda jen moe piny moa bäyö na perge leth, ni dønynya yi lul mana cøl kuya.

Neeyam 1:1

Man beeye wëëlö mar gïna nyooth jï Neeyam nyï Elköc, ni beeye dwøl mana caal tëër na cäänö kiper pääny Nineba.

Neeyam 1:8

'Ba eni jø Nineba baabe baabø kaamar jwïïö, ni dïïr wïthge, ni riem geni na nyïïmän moe yi muudhö mo cøl kar thøø.

Dhekaraya 11:2

Wui, jenni moa beyø, gööu ko oduuru, kiper jenni moa perge leth apädhö, ni ö jenni moa mïërö ni raanynyi. Wui, jenni mo Baacan na døøŋŋø na teek, gööu ko oduuru, kiper lul mana no odhïŋ aŋøt piny.

Mathiew 7:25

Ni päth køthi, ni ö jwïïe, ni cööt jame ni kwöt dëër ødøgø, ni käre pädhö, kiper mana tïme no ogeer bäät kïdi.

Mana Nyooth 18:21

Kanyøgø nyïïatwiel maal mør mo teek døc, akwänynyö ki kïdi mo caala kïn guur mo dwøŋ døc, ni leeŋ gø yi naama dwøŋ, ni kööe, ni «Paana dwøŋ na näk Babiløn ogøø piny ni raac døc na enønø, ni ba joodi këët.

Mana Nyooth 8:7

Ni ö nyïïatwiel maal mana dïkwøŋ ni kooth tuuŋ mare, ni put piiø ki maac mo orwöbö ki remø öö, ni pänh bäät piny. Ni ö dää thääŋö mar piny ni waaŋe, ni waaŋ dää thääŋö mo jen, ni ö luummi mana marr ni waaŋe ki kare bäre.