Aydheea 32:17 - Wëël Jwøk

¹⁷ 'Ba tïïc mar bëët adïëri tïmö na bëët-mëër, ni gïno duu bëët adïëri beeye bëëtö mëëth ki ŋääth røk mo bëëdö ni nut na bäre bäre.

Aydheea 32:17 Iomraidhean Croise

Acther 9:30

Ni jääŋ weeli ni caana dwør bëët-mëër ki bëët ŋäädhe jï jø Juuth bëët moa en yïth mïëri moa näk dïpa ki pïërariiø ka abïriiø mo nyeya ma Ayacewëëröc,

Pwöc Leec Wïc 1:33

'Ba ŋato wïny mara obëëdö no ogwøø, ni bëëde ni yie met ni ba lwäär ki gïï wø leth wø tägi.»

Pwöc Leec Wïc 14:26

Ŋat wø lwäär ki Wuuö Jwøk jïre da kare mo teek, no obwöre moe jïge da kar gwøk røk.

Aydheea 11:10

Dïcäŋeca lwinh Jeci ocuŋŋi na ŋïï kiper wïth juurre; ni ö wïth juurre ni kuutge ree, ni ö kar bëëtö mare ni pääŋe ka ajiem.

Aydheea 11:13

Kanyøgø bëët keec mar Ipariem orwäänyi, ni ö nyïïmänni mo Juuda ni tïmge ni bäŋgø. Ipariem otïmö ni ba këëö kiper Juuda, ni ö Juuda ni ba cwaat yi Ipariem këët.

Aydheea 26:3

Wui Wuuö Jwøk, ŋat wø bëëdö ni cwïnye ee maa dëërï, mooyï mooø ki jwöm ki yi cwïnye, kiper eni bëëdö ni ŋäätha ïïni.

Aydheea 28:12

Kiper eno kwøŋ köö jïge, ni «Jwöm en; beerra man ö jiyi moa no oööl ni jïtge ki jwöm;» ni kööe, ni «Kar jwöm bee en,» 'ba gena kweer.

Aydheea 30:15

Kiper man beeye gïna caan Kwäärö Wuuö Jwøki, Jwø Icriel na en kur keere, ena köö, ni «Ki man løgu cwïnynyu ni jïtu ki jwöm, beeye jöör pïëm man piem uuni ki gø, ni ö bëëtö man bëëdu nou lïŋö nou ŋäätha aani, ni näk beeye teek maru; 'ba gïnögø käru jïëö.

Aydheea 33:6

Eno tïmö ni beeye tier bëëtö maru ki yïth nïne mou, ni bee eni na tier kwärö man wø joot køny ki leec wïc ki kwänynyö baŋe. 'Ba ki man lwäär Wuuö Jwøk beeye kwärö eni.

Aydheea 48:18

'Ba doo na gïïa köömma uuni ki geni you gwøø, bëët-mëër maru doo tïmö kaamar naam mo kwödö ni ba cuŋ, ni ö bëënynyö maru ni dee tïmö ni päl kaamar athaŋ naama dwøŋ.

Aydheea 55:12

Kiper uuno døny wøk ki met ec, ni bwøth uuni ki bëët-mëër; kïte ki thuuri geno kwöŋŋi ki met ec nyïmmu, ni ö jenni bëët ni paŋge ceŋge.

Aydheea 57:19

ni tïïa ge naa pwøcge ki dhøkge, a na Jwøk. 'Ba bëët-mëër en jï jø wø kwörge bäyö ki jï jø wø kwörge cärö! Aani ge kønya kønyø.» Luummögø caana Wuuö Jwøki.

Aydheea 66:12

Kiper luumma caan Wuuö Jwøki bee en, ena köö, «Ka adïëri møn, bëët-mëër pääŋa pääŋö yi Jerucalem kaamar naam, ni wëëga ajiem mar wïth juurre ööny yie kaamar pï waŋ naam mo kwönnö; uuno dhøøth kööre, ni käär uuni ki tierjwöthe, ni cïp uuni kööre.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Edhikiel 37:25

Geno bëëdö yi ŋöömö mana cïba jï dhaanhnha ma Jeekap, ni beeye ŋöömma bëët kwäyu yie. Geni ko obwöre moge ki nyïïkwaacge geno bëëdö yi ŋöömö manøgø na bäre bäre, ni ö dhaanhnha ma Deebit ni put bëëte na bwödhi marge na bäre bäre.

Edhikiel 39:29

Aani täärnyïma ba kana këët ki geni, kiper jwïëya kønynya bäät jø dhi øt Icriel.› Luummögø caana Kwäärö Wuuö Jwøki.»

Wëëlö Mana Göör Pøølli Baŋ Jø Röm 14:17

Kiper buc Jwøk paa per cam ki maath, 'ba beeye bëëtö mo beer, ki bëët-mëër, ki met ec ki ri Jwïëc Jwøk na en kur keere.

2 Körin 1:12

'Ba atöör marwa beeye en, kiper ŋäcwa ki cwïnywa ni waana bëëdö pinyi en ki bëëtö mana en kur keere na käl baŋ Jwøk, ni bäŋ atade yie, ni kadha bëëtö mana beetwa nyïmmu. Ni bëëtö marwa ba käl ri riek waŋ mar pinyi en, 'ba käla ri met yi Jwøk.

Ibaru 12:11

Kiper pwöc nëëni keda gïn mo leth kawaane ennø, ni patha gïn mo beer. 'Ba køøre cään obëënynyi jï jø wø ŋïïyi ki gø, ni cïpe ki bëët-mëër ki bëënynyö jïge.

Ibaru 6:11

Ni wa manynya man ö ŋati man nø dïïu, ni put cwïnye cïp køør ŋäädhe mare mar yi nyïm ki teeŋ jöörögø, ni put gø ŋäc na adïëri ki kare bäre, këël cuŋŋe,

1 Jøøn 4:17

Ni beeye gïnögø na thur mëërri kare cwïnynyø, kiper nøø bëëdø ni cwïnynyø da ŋäädhe kiper cäŋa näk cäŋ ŋøl luup. Kiper kany bëëdø pinyi en, ø bëëdö keda manø bëëde.