Aydheea 32:14 - Wëël Jwøk

¹⁴ Kiper paan dwøŋ dööŋ keere, ni ö paana näk jiy thööth yie ni tïme ni bäŋ jiy yie. Thuuri ki uut koor tïmö na kwör bëëte jï lääc paap na bäre bäre, ni tïme na kar kwääk jï arëëni mo paap, ni bëëde na kar kwaath mar dïëk;

Aydheea 32:14 Iomraidhean Croise

2 Nyeye 25:9

Ni waaŋ Øt Wuuö Jwøk, ki paan dwøŋ mar nyeya, ki uudi moa en Jerucalem bëët; këël uudi moa døøŋŋø bëët awaaŋe thuwø.

2 Luup Nyeye 33:14

'Ba na tïme na køør gïïögø, eni kiir mana en wøk ŋää Pääny Deebit na en jï kun wø päth cäŋŋi yie buut jøøro man wø cwøl ni Giyön na en ya agäm-kïdi ageere ni ena maal døc, këël mana këët Dhi Kiir Rec, ni ee wïrö ki deŋ thuur Öpël. Ni cïp yïth päänye bëët mo Juuda moa no ogeerø ni teek ki kwääri mo jø leny.

Neemiya 3:26

Ni ö jø wø tïïö yi Øt Jwøk ni wø bëëdö bäät thuur Öpël, ni tïïcge tïïc marge këël mana këët buut dhi kiir man wø cwøl ni Dhi Kiir Pïï, ni ge cäätha jï kur tuul-cäŋ ki jï kanya näk okëël ri øt koor.

Aydheea 22:2

Wui, ï na pääny mo yie päŋ ki dïlweel, ni kwöŋŋö ki met ec dwøŋ yie en! Jiy moï moa thøw, ba thøw ni ge näk ko opëëllö, ni ge ba thøwa ri leny.

Aydheea 24:10

Päänya no oränynyö otoor piny, ni ö jøøa dööŋ yie ni dëëtge uudi bäätge kiper jiy mo dønynya baŋge.

Aydheea 24:12

Päänyögø oränynyi ni dööŋe keere, ni ö dhøk odhuule mo kiir mare ni bëëtge no otøyø piny jaak.

Aydheea 25:2

Päänye araanynyï ni tïïyï ge na wïthur, ni wëëgï päänye moa no ogeerø ni teek ränynyö; ni ö mïëc juurre moa no ogeerø ni beyø ni tïmge ni bäŋgø, ni ge ba cäŋ geerrø këët na bäre bäre.

Aydheea 27:10

Kiper pääny mana no ogeerø ni teek adööŋ keere ni ba beet, ni wïl wïci ki gø, ni tïme kaamar dï paap, ni ö nyïïrøøe ni bëëtge ni ge cämö ki luum yie kaace, ni butge piny yie, ni camge bäät jenni moa en yie.

Aydheea 3:26

Dhøk kiir mo Dhayan ge göö ko oduuru ni kïmge, ni ö Dhayan ni pï piny yïth ŋøøm jaak ni eno dööŋ keere.

Aydheea 5:9

Wuuö Jwøk, eni na wïth jammi bëët, akööŋ ni wïnyö jïra ni kööe, ni «Ka adïëri møn, uudi mo thööth odööŋ keerge, këël uudi moa døøŋŋø na mïërö, odööŋ ni bäŋ jiy yïthge.

Aydheea 6:11

Køøre aana köö, «Wui, Kwäärö Wuuö Jwøk, a këël kany mo nyïëdi noo bëëtge na ennø nø?» Ni løk gø, ni «Këël kanyo raany päänye noo dööŋge ni bäŋ jiy mo bëëdö yïthge, ni bëëdö uudi keerge ni bäŋ jiy, ni dööŋŋa ŋöömö keere;

Aydheea 7:23

'Ba noo tïme na dïcäŋeca, kany ma kar jer omøki ma kuma, mo duunnö ki gwet-bïrö ma kuma, odööŋ ni tuya otwel ki koodhi yie.

Jeremaya 14:6

Na arëëni mo paap cuŋŋö jaak bäät thuuri moa leer, ni ge jwëëyö ni lëëpge onøbøønhnha kaamar guu; ni nyeŋge otal jaak kiper na bäŋe luum.»

Jeremaya 33:4

Kiper a na Wuuö Jwøk, Jwø Icriel, aana cäänö kiper luum uudi mo pääny Jerucalem man, ki luum uudi mo nyec Juuda moa nyaa piny nee kiir thør ki geni kiper leny mano këël ki jø Babiløn, nee ba ïnhge yi kiir ki bäät ŋøøm moa thørge deŋ kiir.

Jeremaya 52:27

Køøre nyeny Babiløn jøøgø anääe Ribala, päänya en yi ŋööm Amath. Manøgø beeye jöö mana ö jø Juuda ni käl ge yi ŋöömö marge ni ge mak ki tøŋ.

Jeremaya 6:5

'Ba ennø, öö maal ni tuuø paanøgø ki wäär, ni raanynyø kwör leny moe moa no ogeerø ni teek.› »

Odheea 2:3

'Ba ni näk mo ba tïïe, eni wëëga wääth ki dëëre, ni put tïmö ni bëëdö ka dëëre ni caala dïcäŋa lwaarø ki gø. Eni tïïa tïïö ni caala paap mo otal, ni tïïa gø ni caala ŋöömö ma tëën, ni puta eni 'näk ki riew.

Mikiya 3:12

Kiper manøgønø, Dhayan na näk Jerucalem oränynyi ni neeruuth, ni puuri na pwöth jaak ki køøru, ni ö thuurri mana näk Øt Jwøk ogeer bääte ni tuue ka abuŋŋe.

Jepaniya 2:15

Manøgø beeye gïno tägi dëër pääny mo ogwøø ni teek, mo töödö ni cäänö ki cwïnye, ni «Bee aani keera, ni bäŋ pääny mo kaal aani këët.» Raŋŋu ränynyö mano ränynye ki gø mø, Tïmö na kar rïïö jï lääy! Jiy bëët moo pöödhi ki deŋŋe, obuuge, ni ŋeethge bäät gø, ni gwaŋge gø.

Jepaniya 2:7

Ni put ŋöömmögø tïmö na mar jø dhi øt Juuda moa no odööŋ ni kwøw, ni tïme ni dïëk moge kwaacge yie. 'Ba wø tïme na abøøya, geno wäro ci yïth uut jø Ackelön kuna butge yïthge; kiper geno gwøk Wuuö Jwøki, Jwøk marge; ni ö eni na Wuuö Jwøk ni cäŋ bëëtö marge dwøk kare.

Luk 21:20

«'Ba kanyo jootu Jerucalem no ociel jø tøŋŋi, kanyøgønø, wär ŋäyu ni kar ränynye ocäännö.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.