Aydheea 31:4 - Wëël Jwøk

⁴ Kiper Wuuö Jwøk aköö ki aani, ni «Kaawat man wø bëëde ni ŋuu mo teek märö bäät cam mare, ni kany wø ö jø kwaathi wø cøørge dëëtge ki man cige baŋ gø na aciel, ba lwäyi ki döötge, ni ba bwøk ki dïlweel marge, aani na Wuuö Jwøk, a na wïth jammi bëët, a öö naa këëda ki jø wø bëëdö bäät Kïn Dhayan jï kuna en bäät thuur.»

Aydheea 31:4 Iomraidhean Croise

2 Luup Nyeye 20:15

Ni kö Jadhiëlli, ni «U bëët, u na jø Juuda ki jø wø bëëdö yi Jerucalem, ki nyeya ma Jøcapat, cegu ïthu! Mana caan Wuuö Jwøki beeye en, ena köö jïïu, ni ‹Käru lwäyö ni ba bwøk cwïnynyu kiper lwaak man ni päl en; kiper patha u noo këëdi, 'ba beeye Jwøk noo këëdi kiperu.

Bwøth Wøk 14:14

Wuuö Jwøk okëëdi kiperu, 'ba uuni u doo bëëdö mëëth jaak.»

Bwøth Wøk 14:25

Ni ö Wuuö Jwøki ni twöc tiet jïëthe moge mo wø tut okwëënyi, ni tïïc ge ni ba cäädhi ni beyø. Køøre jø Ijep aköö, ni «Beerra man daaø røgø buut jø Icriel, kiper Wuuö Jwøk cwaga geni ni këëdö ki øøni.»

Aydheea 10:16

Kiper manøgønø, Kwäärö Wuuö Jwøk, eni na wïth jammi bëët, ojäägi ki täw mo leth dï jø leny moa no olør mo nyeny Aciria, ni ö ajiemmi mar nyeny Aciria ni nyebi ki maac mo liel døc.

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 30:30

Wuuö Jwøk dwøre na teek tïïe tïïö nee wïnye, ni wëëk teek bade ööny piny ni nëënö jï jiy, ki yi maac mo liel man wø thöör jammi bëët, ki yi køth ma ruuga, ki yïth pey.

Aydheea 30:32

'Ba kanyo ö Wuuö Jwøki noo pwöt jø Aciria ka athøra ni jääla geni, noo wëëk teek bade ööny piny noo tïïc leny bäät Aciria, otïmö ni wïnynya dööt anëët ki dööt thøme mo meeŋ ki baŋ jø Icriel.

Aydheea 42:13

Wuuö Jwøk dønynya wøk kaamar oteen leny, eni këëyö mare nyoodhe nyoodhø kaamar ŋat leny; eni twäätö ri leny, twäätö møn ni dwøre ena maal. Eni ööa maal bäät nyïïmän moe ni bööt geni.

Jeremaya 50:44

«Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Babiløn. Ki nyi kany mo thiinh, jø Babiløn 'riema wøk ki køør gïno tïïc jøøgø, ni jëëta ki ŋato manynya jaak, ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Odheea 11:10

'Ba uuno cäädhi køøra, a na Wuuö Jwøk, ni mära kaamar ŋuu. 'Ba kanyo mära, jiya oput öö ni dëëtge kwanynyi ki kur pänh-cäŋ.

Amøc 3:8

'Ba ennø, ŋuu anø määr; ?A ŋata ŋa ni ba lwäyi? Wuuö Jwøk mare anø caane; ?Aŋa no män ree ki man køp luummögø?

Dhekaraya 12:8

'Ba dïcäŋöca, Wuuö Jwøk jø Jerucalem ogwøe, ni ö jøøa jägö dïge ni tïmge ni teek dïcäŋöca kaamar Deebit, ni ö jø dhi øt Deebit ni bwøthge jiy kaamar Jwøk, ni ge caala nyïïatwiel maal mar Wuuö Jwøk mo bwödhö nyïmge.

Dhekaraya 14:3

'Ba Wuuö Jwøk eno døny wøk kuna këëde ki wïth juurre moøgø kaawat man wø këëde dïcäŋ leny.

Dhekaraya 2:5

'Ba aani ki dëëra, a na Wuuö Jwøk, aano tïmö kaamar kiir jïre mo bëëdö ni caala maac deŋŋe, ni tïma ni aana ajiem mano en yie.›

Dhekaraya 9:15

Wuuö Jwøk, eni na wïth jammi bëët, jiye ocwaae, ni ö jiye ni dïïrge wïth nyïïmän moge, ni put tïmö ni ge nyøra kïte moa thööc geni ki ge ri leny. Geno twäädö bäät nyïïmän moge kede geno meer ki køøŋø. Dëëtge opäŋ ki rem jiy moa 'näkge, ni tïmge kaamar athaanh olämme mo päŋ ki remø man wø ker teegi mo gïn wø cïp olämme bääte.

Dhekaraya 9:8

'Ba aani ŋöömö mara ogwøa, nee bäŋe jø leny mo ŋutö ki yie wala mo duuö ki yie. Bäŋ jø dïïm mo ö kuna caarge jiya këët, kiper ennø a nut naa kurö.

Mana Nyooth 10:3

Ni cwöte ki dwøl mo päl mo caala dwør ŋuu mo määr. 'Ba na cwöte, køth amäär kwöre abïriiø.

Mana Nyooth 5:5

Kanyøgø dhaanhø aciel røk jaae aköö jïra, ni «Kärï jwöŋö. Ŋuur tuuŋ Juuda na løth ri Deebit, nyïïmänne adïïme. Løny jïre ki man jap wëëlö ki möönne karge bïriet.»