Aydheea 31:2 - Wëël Jwøk

² 'Ba Wuuö Jwøk thuwø, wïïe leer; eni ba døø ŋääe ki luumme mo ee caanø. Eno känni ki gïï mo leth. Eni ööa maal ni tïïc gïn mo raac dëët jø wø tïïö ki gïï mo reyø ki dëët jø wø køny geni.

Aydheea 31:2 Iomraidhean Croise

Jööp 12:13

«'Ba leec wïc ki teek beege mo Jwøk; ni luup pwöc ki kwany tiet luup käla baŋe.

Jööp 12:16

Eni, teek ki leec wïc beege moe, ni ö ŋat wø cøøgi, ki ŋat wø cwöö, ni näkge moe bëët.

Jööp 5:13

Eni jø wø ŋääth leec wïc marge keerge wø wëëge mak ka abïëp riek waŋ marge, ni ö japa tuutge ni laar tïmö ni bäŋ tietge.

Aydheea 1:4

Wui, u na wï jur ma jø raay en, u na jiy mo raay löör ŋäthu kaamar tëër en, ni bee u nyïïkwaac jiy mo wø tïïö ki gïï mo reyø, ni uuno obwöre mo temma raay møn! Wuuö Jwøk, eni na Jwø Icriel na en kur keere, aweyu, ni taagu gø, ni løøu ŋäthu wøk ki eni.

Aydheea 14:20

Ïïni, ï ba koony kaamar nyeye møga, kiper paac marï araanynyï, ni 'nägï jiy moï. Beerra man ö nyïïkwaac jiy mo wø tïïö ki gïï mo reyø ni rwääny nyeŋge na bäre bäre ni ba cwøl.

Aydheea 21:17

ni ö kwään cwøw mo wø këëdi ka athëëre moo bøth ri leny dëët jø Këdar moa teek ni tïmge ni nøk.» Manøgø caana Wuuö Jwøki, eni na Jwø Icriel.

Aydheea 22:14

'Ba Wuuö Jwøk, eni na wïth jammi bëët, ree anyoodhe jïra ni kööe, ni «Ka adïëri møn, raay moa tïïyu, u ba wëënni ki geni këël mano thøwu.» Manøgø beeye dwør Kwäärö Wuuö Jwøk, eni na wïth jammi bëët.

Aydheea 28:21

Kiper Wuuö Jwøk ööa maal bäätu kaawat mana tïïe bäät Kïn Peradhim; eni wëër kaawat mana tïïe yi goor Gibien; ni ööe ni tïïe ki gïn mo kär dïëdö, ni beeye gïn mo nyään mo kär kwøŋ tïïc.

Aydheea 28:29

'Ba gïïögø bëët käla baŋ Wuuö Jwøk, eni na wïth jammi bëët, ŋata näk acaara mare rëëma ec, ni leec wïc mare dwøŋ.

Aydheea 30:3

Kiper manøgønø, køny mar Peerø otïmö na lään wïc bäätge, ni ö gööki mana di Ijepi tïmö na tïpö bäätge ni tïme ni beeye ränynyö marge.

Aydheea 30:7

kiper køny mar Ijep bäŋ tiere. Kiper manøgønø, ena cwøla ni «Reeyap na näk bäŋ gïn mo løny ki tïïc jïre.»

Aydheea 31:3

Kiper jø Ijep gena jiy, ni ge paa Jwøk, no okwëënyi moge beege lääy jaak, ni teek marge ba bëëdö na bäre bäre. 'Ba Wuuö Jwøk cere orwiee, ni ö ŋata cïp køny ni cwaany tiere, ni ö ŋata køny ni pädhe, ni ö geni bëët ni putge ränynyö na aciel.

Aydheea 32:6

Kiper ŋat mo wïïe ba leer cara luup mo oballe jaak, ni rääö man wø en cwïnye okadhø, ni bëëdö ni temma raay, ni Jwøk ee kwierø, ni cara gïï mo reyø dëër Wuuö Jwøk; ni tïïya dhaanhø mo onäk käci nee ba jääŋe, ni judha pïï wøk dhi dhaanhø mo onäk riewi.

Aydheea 45:7

Bee a na tïïc tar na tïïc muudhö, ni bee a ni wø känni ki bëëtö mo beer, ni wø wëëk bëëtö mo raac tägö, bee aani na Wuuö Jwøk ni wø tïïc gïïögø bëët.

Aydheea 9:17

Kiper manøgønø, Kwäärö Wuuö Jwøk yie ba mïnni ki wøpe moge, ni cwïnye ba pädhi ki gïr kïïe moge ki määr thuunhnhi moge, kiper mana tïmge bëët ni Jwøk ege kwierø ni ge temma raay, ni dhøkge bëëdö ni cara luup mo reyø. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Jeremaya 10:12

'Ba beeye Wuuö Jwøk na cwääc piny ki teek mare, ni tïïc gø ni teek ki køør leec wïc mare, ni peer maal ki køør acaara mare.

Jeremaya 10:7

?Wui, ï na nyeny wïth juurre bëët, aŋa ni ba lwäyi ki ïïni? Ka adïëri møn, ïïno rømø ki man lwäär ïïni! Kiper ki røk jiy bëët moa wïthge leer dï wïth juurre, këël ki moa en dï mïëri moge bëët moa døøŋŋø, bäŋ dhaanhø aciel mo caal ïïni.

Jeremaya 36:32

Køøre Jeremaya akädö ki warakata mør, ni mëëk gø Baruk o Neriya ŋat wø göör luup piny. Ni ö Baruki ni göör luup piny yie dhi Jeremaya, ni beege luup bëët moa en yi wëëlö mana waaŋ Jeyöakëmmi nyeny Juuda. Ni ö luupi mo thööth mo röömi ki moa dïkwøŋ ni meedi bäätge.

Edhikiel 29:6

Køøre jiy bëët mo wø bëëdö yi Ijep oputge ŋäc ni bee aani na Wuuö Jwøk. Kiper ï na Ijep, ïïna bëëdö kaamar athøny abaarø man wø ö jø Icrielli wø piemge dëëtge ki gø.

Amøc 3:6

?A ni näk tuuŋ okoodhø dï paac kiper leny, dëët jiy bëët ba kwanynyi? ?Aŋø, ni näk gïn mo raac ööa bäät paac, paa Wuuö Jwøk møn na tïïc gø?

Jepaniya 3:8

Kiper manøgønø, Wuuö Jwøk aköö, ni «Koorru aani, kiper dïcäŋo cuŋŋa naa cäänna uuni. Aani, anø ŋøla ki man cooŋa wïth juurre ge ki buc nyeye bëët, nee wëër mara bäre ni wø liel kaamar maac nee kønynya bäätge. 'Ba jø bäät piny bäre geno put maaci thöör mar këëny cwïny mara.

Dhekaraya 1:6

?Aŋø, luup 'moa ki ciik 'moa na köömma geni ki ge ki dhøk jiya ma nyïïkuk Jwøk kärge kwierø ni jïtge ka ajäla? 'Ba køøre raacge akøpge ni köge, ni ‹Wuuö Jwøk, eni na wïth jammi bëët, gïn atïïe dëëtø ki køør uutjïëthe 'moø ki japa reyø na tïïø, ni beeye tiere ni put gø tïïc møn kaawat mana cooŋ gø.› »

Kwään Jiy 10:35

'Ba kany wø näk ma acanduk tïŋŋö, Modhe wø köö, «Wui Wuuö Jwøk, ö maal, ni wëëgï nyïïmännï keethø, ni tïïyï jø wø män ki ïïni nee bwøkge nyïmï.»

Kwään Jiy 23:19

Jwøk ba caal dhaanhø ni wø cäänö ki tööt; ni eni ba caal o dhaanhø ni wø laar acaaye wiil. ?Gïna näk ee caanø, a ba dee gø tïïö nidïï? ?Ni gïn mo ee buuö, a ba dee gø tïïö nee thur kare nidïï?

Mathiew 24:35

Maal ki piny opöödhi, 'ba luupa ba dak.

Wëëlö Mana Göör Pøølli Baŋ Jø Röm 16:27

Ajiem en jï Jwøk na wïïe leer keere na bäre bäre ki køør Jecu Krictø. Enøgønø.

Jøcua 23:15

'Ba kaawat mana ö Wuuö Jwøki na näk Jwøu na wëëk luup bëët thur karge moa beyø na caane kiperu, eni na Wuuö Jwøk thuwø gïï mo leth di kälö bäätu ni näk uuno bääyö, këël mano dïïr wïthu yi ŋöömmi ni beer en, ni beeye ŋöömma cïbe jïïu, eni na Wuuö Jwøk na näk Jwøu.

Juut 1:25

'Ba ajiem, ki rööny, ki teek, ki cuum, opoot en jïre, eni na Jwøa näk aciel enø, na näk Pïëmi marø, ki ri Jecu Krictø na näk Kwääyø, ki mana täge cøøn, këël ennø, këël na bäre bäre. Enøgønø.

1 Camiel 2:3

'Ba u na jiy, kär cäänö maau ree këët nou ŋwöö; kär dee gïn ma gïr ŋwøe mo cura dhøgu; kiper Wuuö Jwøk beeye Jwøk mo jammi bëët ŋäya eni, ni beeye eni wø neet bëëtö mar jiy.