Aydheea 31:1 - Wëël Jwøk

¹ Wui, otïmö ni leth jï jø oci Ijep kiper køny, ni beege jø wø kïth ŋäädhe marge bäät okwëënyi, ni wø ŋääth thööth mar jïëth leny mo wø tut okwëënyi, ni wø ŋääth teek mar jø leny mo wø këëdi ki bäät okwëënyi; 'ba geni, ge kär göök ri Jwø Icriel na en kur keere, ni kärge eni manynyø, eni na Wuuö Jwøk.

Aydheea 31:1 Iomraidhean Croise

Wïlöölö 47:17

Køøre geni lääc paac moge akälge baŋ Jocep, ni ö Jocepi ni mooc geni ki cam na kar okwëënyi moge, ki dïëk moge, ki dhäk moge, ka arëëni moge. Ni ö eni ni mooc geni ki cam na kar lääy moge bëët ki yi cwiinøgø.

2 Luup Nyeye 16:7

'Ba yi kar kaaca, nyikuŋ Jwøk ma Anani, ŋat wø joot jammi ki køør man wø nyooth Jwøki jïre, aö baŋ Aca nyeny Juuda ni kööe jïgø, ni «Kiper mana tïme niï ŋäätha nyeny jø Aram niï ba ŋääth Wuuö Jwøk, Jwøk marï, jø leny mo Aram apäär wøk cerï.

2 Luup Nyeye 16:9

Kiper waŋ Wuuö Jwøk wïdö bäät piny bäre ni neeta gø kiper nee cïpe ki teek jï jø wø many eni ki cwïnyge bäre. 'Ba ïïni kiper mana tïïï ki gïn mo wïïï kärï caarø ki gø, ki mano täge ennø, ï bëëdö ni da lenye yïthakiyu ki jø møøk cooth.»

Jööp 39:11

?Aŋø, løny jïrï ki man ŋääthï gø kiper teek mare na dwøŋ? ?Aŋø, tïïc marï na teek løny jïrï ki man leeŋï gø bääte?

Aydheea 10:17

Eni na näk tar mar Icriel otïmö na maac, ni ö eni na en kur keere ni tïme na leep maac. Ni ö maaøgø ni put koodhi ko otwel mo Aciria thöör ki dïcäŋ aciel keere.

Aydheea 2:7

Yi ŋöömö marge opäŋ ki warkey ki gwet-bïrö, ni jap kwärö moge ba løny ki kwaan; ni ŋöömö marge thuwø päŋ ko okwëëc leny, ki jïëth okwëëc leny mo ba løny ki kwaan.

Aydheea 20:5

Køøre jiy bëët puta lwäyö døc ni lää wïthge kanyo täk gïnögø dëët jø Kuuc na näk ege ŋäädhö, ki dëët jø Ijep na wara ŋwöge kiperge.

Aydheea 22:11

'Ba uuna tïïö ki kany cooŋ pïï yie yïthakic kiir mana näk ogeerø na ariiø kiper pï puul mana no oruuö. 'Ba uuni u kär göök ri Jwøk na tïïc gø, ni käru göök ree, eni na caar gø dïkwøŋ kany mo bäär.

Aydheea 30:16

Uuna köö, ni ‹Ba løny, wa päära wøk ko okwëëc lääy, wa päära wøk ko okwëëc lääy mo rïïŋö døc.› Wøp nø, uuno päär wøk! 'Ba jiy moo rïŋ køøru ge rïïŋö døc ni kaala uuni.

Aydheea 36:6

Ka adïëri møn, ïïni, ï ŋäätha Ijep ni wø bëëdö kaamar abaarø ni wø laar toor ni cwøp cer dhaanhø kany wø näk mo dhaanhø kwömö ki gø. 'Ba Peerø nyeny Ijep caala abaarø manøgø ki jï jø wø ŋääth gø bëët.

Aydheea 36:9

?Aŋø, këël na näk mo u ŋäätha jø Ijep kiper jïëth leny mo wø tut okwëënyi, ki jø leny mo wø këëdi ki bäät okwëënyi, olønye jïïu nidïï ki man riemmu kwääy leny aciel mana kare thiinh mar nyeya mara?

Aydheea 43:15

Bee aani na Wuuö Jwøk, Jwøk maru na en kur keere, ni bee aani na nyeya maru na cwääc Icriel.»

Aydheea 5:12

Ni ge bëëdö ni ge pöödö ki wïth thøme ma teeŋi kwör maath moge, ni ge pöödö ka anëët ni ge kudhö ko opele; 'ba ïthge ba cekge ki tïïe mo Wuuö Jwøk, ni bäŋ gïn caarge kiper japa tïïc Jwøki.

Aydheea 57:9

Uuna ci baŋ jwøa cwøl ni Mölek, ni cïpu jïre ki mädhi ki riie mo thööth; jiy mou ajääŋŋu kany mo bäär døc baŋ juu møøk, këël mana pïïcge piny kuya kar bëët jwïëc jøøa no othøw.

Aydheea 64:7

Bäŋ dhaanhø mo cwøl nyeŋŋï, wala mo ree ee cøgø ki man göök riï; kiper täärnyïmï akanï ki waani, ni tïïyï wa nee wa ränywa ki køør raay mowa.

Aydheea 9:12

ni beege jø Aram moa en jï løø kur tuul-cäŋ, ki jø Pilitin mo wø bëëdö jï løø kur pänh-cäŋ, ni thöörge jø Icriel kaamar lääy mo dhee ee ŋaammø ni mare löönyö. 'Ba këël køør japøgø bëët, wëër mar Wuuö Jwøk ree poot ba paanye; cere poot bëëdö ni ee rwieø.

Aydheea 9:13

'Ba jiy kär duu baŋ Wuuö Jwøk, ŋata jääl geni, ni kärge eni manynyø, eni na wïth jammi bëët.

Jeremaya 17:5

Man beeye luumma caan Wuuö Jwøki, ena köö, na «Acïëni ena bäät ŋat wø ŋääth dhaanhø, ni tïïc dhaanhø na teek mare, ni cwïnye ogaa wøk køør Wuuö Jwøk.

Jeremaya 2:13

Kiper jiya atïïö ki teeŋ raay ariiø; aana wecge, a na näk jøøro mar pï kwøw, ni kunyge ka aguule kiper dëëtge, na aguule mo laara cöötö ki kääk, mo bäŋ pïï mo mägi yïthge.» Luummögø caana Wuuö Jwøki.

Jeremaya 37:7

ni «Luumma caan Wuuö Jwøki, Jwø Icriel, beeye en: Wär caannu jï nyeny Juuda, ŋata jääŋ uuni baŋa naa pëënynye, ni kööu jïre, ni ‹Neenï, jø leny mo Peerø moa nø tïŋŋö, ni ge ööa kuna kønyge ïïni, ge døøa poge Ijep.

Jeremaya 42:14

ni kööu, ni ‹Jïwa bäyö, wa cøøa yi ŋööm Ijep, kany mo gïr leny ki dwør tuuŋ leny ba wïnywa yie, na kany mo wa ba 'näk käci yie; wa cøø ni bëëtwa yie,›

Edhikiel 17:15

'Ba nyeya agëëmö ki ŋata cuum gø, ni jääk Ijep ki jiye nee känge ko okwëënyi ki jø leny mo thööth. ?A ennø, gïnögø thura kare jïre? ?Ŋat wø tïïc teeŋ gïïögø bøth ka ajäla? ?A eni, løny jïre ki man raany luubö mana näk ee tuudö ni bødhe ka ajäla?

Edhikiel 29:16

Ijep ba tïmö këët na kany ŋääth jø Icrielli, 'ba jø Icriel wïthge oparge ki bääyö marge mana wara ŋääthge Ijep. Ni putge gø ŋäc ni bee aani na Kwäärö Wuuö Jwøk.› »

Daniel 9:13

Gïï ni leth bëët ii aö bäätwa ki køør mana näk ogöörö yi wëël ciik Modhe; 'ba waani met yiï, ï na Wuuö Jwøk, Jwøk marwa, kärwa manynyø, ni kärwa røkwa løø ki yïth raay mowa, ki man luuwa wïthwa baŋ adïëri marï.

Odheea 11:5

'Ba kiper mana kweerge ki man luuge nyïmge baŋa, ge døøa yi laŋ kaawat mana bëëtge yi ŋööm Ijep, ni tïmge ni ge ena tier nyeny Aciria.

Odheea 11:9

U ba jääla këët ki wëër mara ni wø liel kaamar maac. Wïthu ba dïïra këët, u na jø tuuŋ Ipariem. Kiper aana Jwøk, naa patha dhaanhø, ni bee aani na Jwøa en kur keere na en dïïu. A ba ö baŋu këët ki wëër.

Odheea 14:3

Nyeny Aciria wa ba kønye, wa ba eth bäät okwëëc leny këët; ni jammi moa tïïcwa ki ceŋwa ba cwølwa këët ni ‹Jwøk marwa,› kiper beeye ïïni ni wø nyooth bäth ec marï jï kïïe.»

Odheea 7:7

Ge bëët, ge bëëdö ni cwïnyge lïëth kaamar këënnö; dïbwöthe moge athöörge ki 'näk, ni ö nyeye moge bëët ni bëëtge ni geno päänhnhö no othøw. Bäŋgø dëëtge mo ocwøl aani.

Abakuk 1:12

Wui Wuuö Jwøk, Jwøk mara, ï na en kur keere, ?aŋø, ï ba käl ya acääŋŋe? Waani, wa ba thøw. Wui Wuuö Jwøk, jø Kaldia akwanyï ki man ŋølge luup. Wui, ï na kïnna teek, tietge akëëlï piny ki man tiirge jiy.

Abakuk 3:3

Jwøk öö ki yi Tëman, ni eni na en kur keere öö ki bäät Kïn Paran. Ajiem mare maal ee rïëbö bäre, ni piny päŋ ki pwøc mare.

Dhekaraya 10:5

'Ba geni bëët, geno tïmö kaamar jø leny mo teek mo wø nyør nyïïmän moge ri leny yïth odhöönhe mo nyeŋ jïëthe. 'Ba kiper mana näk mo Wuuö Jwøk bëëdö ka geni, geno këëdi ni böötge jø wø këëdi ki bäät okwëënyi.

Tiet Ciik 17:16

'Ba nyenynyøgø ba doo määnyö ko okwëënyi mo thööth kiper dëëre, wala eni tïïya jiy nee døøge Ijep nee cäŋ jïtö ko okwëënyi mo thööth. Kiper acaan Wuuö Jwøki jïïu, ni ‹Käru døøk ki jöö manøgø këët.›

Tiet Ciik 20:1

«'Ba kanyo aau wøk baŋ leny baŋ nyïïmännu, noo jootu okwëënyi ki jïëth leny mo wø tut okwëënyi, ni jiy thööth ni ge kaala uuni, käru lwäyö ki geni, kiper Wuuö Jwøk na näk Jwøu, na käl uuni wøk ki yi ŋööm Ijep, nut buutu.