Aydheea 30:8 - Wëël Jwøk

⁸ 'Ba Wuuö Jwøk aköö jïra, ni «Ciï ni göörï luummögø piny nyïm jø Icriel bäät opäm ni nëënö jïge, ni göörï gø piny yi wëëlö thuwø, nee bëëde ni nut yïth nïne moo ööi, nee tïme na lïŋi na bäre bäre.

Aydheea 30:8 Iomraidhean Croise

Aydheea 2:2

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte; eno tïŋ maal ni kaala thuuri, ni ö wïth juurre bëët ni rwäthge bääte.

Aydheea 34:16

Wëël Wuuö Jwøk japï ni kwaanï luup moa no ogöörö yie. Bäŋ gïrpiny aciel dëët gïïögø mo rwäänyi, ni bäŋ aciel mo bëëdö keere ni bäŋ watge. Kiper beeye Wuuö Jwøk na kööm ge, ni beeye Jwïëye na cooŋ ge.

Aydheea 8:1

Køøre Wuuö Jwøk aköö jïra, ni «Lwötï ko opäm mo dwøŋ ni göörï luummi yie ni nyeŋge døøŋŋø, ni ‹Kar mak jiy ki tøŋ acäännö; kar twëër jammi arwänhnhö.›

Jeremaya 23:20

Wuuö Jwøk ba døø ŋääe ki wëër mare këël mano tïïc mana en cwïnye ni wëëk gø thur kare. 'Ba kanyo täk gïïögø ya aŋuun nïne, tiere ojootu na kare.

Jeremaya 30:2

ni «Luup moa caana jïrï bëët göör piny yi wëëlö;

Jeremaya 36:2

ni «Lwötï ki warakata ni göörï luup yie bëët moa caana jïrï kiper jø Icriel ki jø Juuda, ki wïth juurre bëët, ki mana täge ki dïcäŋa kwøŋa cäänö ki ïïni, kanya bëët Jöcaya na nyeya, këël dïcäŋi en.

Jeremaya 36:4

Kanyøgø Jeremaya Baruk o Neriya acwøle, ni ö Baruki ni göör luup piny bëët yi warakata dhi Jeremaya, ni beege luup moa caan Wuuö Jwøki jï Jeremaya.

Jeremaya 48:47

«'Ba kanyo tïme na aŋuun nïne, bëët jø Möap ocäŋa dwøk kare.» Luummögø caana Wuuö Jwøki. Ajäla manøgø beeye mana ŋøl bäät Möap.

Jeremaya 51:60

'Ba dwøl manøgø beeye luum gïïo leth bëët noo tägi dëër Babiløn na näk ogöör Jeremaya piny yi wëëlö, ni beege luupa gööre bëët kiper Babiløn.

Edhikiel 38:16

Niï ööï kaamar pöölö mo uuma piny, nee jiya ma jø Icriel tugï. Wui, Göök, noo tïme na yïth nïne moo ööi, ïïno tïïa nee ŋöömö mara tugï, kiper naa ŋäc wïth juurre kanyo nyoodha bëëtö mara na en kur keere nyïmge ki riï.›

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Abakuk 2:2

'Ba aløk Wuuö Jwøki jïra ni kööe, ni «Gïno nyoodha jïrï en göör piny bäät opäm, ni iï tïïö no onieŋ, ni løny ki man kwaani ŋat mo rïïŋö.

Kwään Jiy 24:14

'Ba ennø, a døøa baŋ jø powa. Ööï, nee gïno tïïc jøøi dëët jiy moï ki yïth nïne moo ööi caana jïrï.»

Tiet Ciik 31:19

«'Ba ennø, ïïni ki Jøcua, gööru duut man piny, ni pwönynyu jø Icriel ki gø nee kwanyge, kiper nee tïme na duut mo nyootha luumma en yïthakicwa ki jø Icriel kanyo jääla geni.

Tiet Ciik 31:22

Kanyøgøøni Modhe duut manøgø aput göör piny dïcäŋögø, ni put jø Icriel pwönynyö ki gø.

Tiet Ciik 31:29

Kiper ŋääa ni kanyo tïme na køør thøø mara, u tïïö ki gïï mo reyø, ni weyu luupa köömma uuni ki geni. 'Ba yi nyïme gïï mo reyø opäth bäätu, kiper gïïo tïïu beege gïï mo reyø nyïm Wuuö Jwøk. Wuuö Jwøk yie cwaatu cwaadø këël mano wëëre ki køør gïïo reyø noo tïïyu ki ceŋŋu.»

Tiet Ciik 4:30

'Ba yi nyïme, kanyo tïme ni gïïögø bëët opïï bäätu, nou ena yïth gïï mo leth, uuno døø baŋ Wuuö Jwøk na näk Jwøu, ni leŋŋu dwøre.

1 Timöthi 4:1

'Ba kawaane, ocaan Jwïëc Jwøki møn ni noo tïm kar aŋuun piny ni cään, jø møøk ŋäädhe marge owecge ki køør mano cekge ïthge jï juuk atade ki pwöc anäge,

2 Piter 3:3

'Ba beerra man kwøŋu gïn ŋäc, ni kanyo tïme na aŋuun nïne, jø abuua oööi ni ge buuö, ni ge caatha køør gïïa reyø ni wø many cwïnyge,

Juut 1:18

Acaange jïïu, ni köge, ni «Noo tïme na aŋuun nïne da jø abuua mo öö, jøw ocaath køør gïïa reyø ni wø ba en jöör Jwøk ni wø nieŋ cwïnyge køørge.»