Aydheea 30:6 - Wëël Jwøk

⁶ 'Ba luumma nyooth Wuuö Jwøki kiper 'lääy mo wø en kanya cwøl ni Nëgëp bee en: Jøøa jääŋŋi gena aay ni ge cøra yi ŋöömma raac ni wø jwør gïï mo leth yie, kanya näk yie da ŋuuwe, ki thwöre mo reyø, ki teeŋ thwöre møøk mo määdö; ni ge aay ni jap kwärö moge käärge ka bäät arëëni, ni japa näk ege kaannø na perge leth käärge ka bäät athïrööle, ni ge cøøa baŋ jiy mo bäŋ køny mo tïïcge,

Aydheea 30:6 Iomraidhean Croise

Wïlöölö 12:9

Ni ö Abrammi ni cäŋ tïŋŋö kaace, ni aae ni coonya kanya cwøl ni Nëgëp.

1 Nyeye 10:2

Køøre nyijøøgø aö yi Jerucalem ni käädö ki lwaak mo päl døc, ka athïrööle mo tïëdö ki gïï wø ŋwääi ni wø tïïc kadø ni met, ki warkey mo päl døc, ki nyeŋ kïte mo mïërö mo perge leth. 'Ba kanya pïïe baŋ Cølöman, Cølöman apëënynye ki luup bëët moa en cwïnye.

2 Luup Nyeye 16:2

'Ba Aca gwel-bïrö ki warkey moa en yi øt kän jammi mo Øt Wuuö Jwøk ki moa en øt kän jammi mar øt nyec akäl wøk ni jääŋ ge baŋ Ben-Adat nyeny jø Aram na bëëdö Damacka, ni kööe,

2 Luup Nyeye 9:1

'Ba kanya ö nyijøøa no orøønyø na nyeya mar Cïïba na wïny gïr wïny nyeŋ mar Cølöman, ena ö yi Jerucalem kuna pëëny Cølöman ki pïëc mo teek. 'Ba ena öö ni käädö ki lwaak mo päl ka athïrööle mo tïëdö ki teeŋ gïï wø ŋwääi ni wø tïïc kadø ni met, ki warkey mo päl døc, ki nyeŋ kïte mo mïërö mo perge leth. 'Ba eni kanya pïïe baŋ Cølöman, luup bëët moa en cwïnye acaane jï gø.

Jööp 39:11

?Aŋø, løny jïrï ki man ŋääthï gø kiper teek mare na dwøŋ? ?Aŋø, tïïc marï na teek løny jïrï ki man leeŋï gø bääte?

Bwøth Wøk 1:14

Ni tïïcge bëëtö mar nyïïkwaac Icriel ni teek døc ki køør tïïe moa teek na näk tïï thuube ko odhöönh man wø caam thuube ki gø, ki teeŋ tïïe møøk mo wø tïïc yïth pwöth, ni beege tïïe bëët mo wø tïïcge no oeel bäätge ni geno caannø.

Aydheea 14:29

«Wui, u na jø Pilitin u bëët, kär yïthu mïnnö kiper mana toor athøra mana pwöt uuni ki gø, kiper athøra manøgø otïmö na thwöl mo olwierø mo wïnni døc, ni ö nyi thwör olwierø manøgø ni tïme na thwöl mo määdö.

Aydheea 15:7

Kiper manøgønø, gena aay ni jammi moa en jïge na thööth na näk ege kaannø käärge käärö këël mana ŋølge waŋ Naam Erabim.

Aydheea 19:4

'Ba aani ge poot cïba cer nyeya mo raac, ni tïŋŋa maal bäätge ki nyeya mo teek mo wïnni.» Manøgø caana Kwäärö Wuuö Jwøk, eni na wïth jammi bëët.

Aydheea 35:9

ŋuu tïmö ni bäŋgø yie, ni bäŋ cwieny mo di joodø ni cäädhö yie. Lääy moøgø tïmö ni bäŋgø kaace, 'ba beege jøøa no owïïl wøk keerge noo cäädhi ki yie.

Aydheea 5:30

Dïcäŋeca ge löörö bäätge kaawat man wø lwör athaŋ naama dwøŋ. 'Ba ni näk da ŋat mo raŋa bäät ŋöömö manøgø, eni muudhö ki bëëtö mo leth pute ka joot, kiper tar ree løøe baŋ muudhö ki køør pöölö.

Aydheea 57:9

Uuna ci baŋ jwøa cwøl ni Mölek, ni cïpu jïre ki mädhi ki riie mo thööth; jiy mou ajääŋŋu kany mo bäär døc baŋ juu møøk, këël mana pïïcge piny kuya kar bëët jwïëc jøøa no othøw.

Aydheea 8:22

Køøre bäät piny oraŋge, ni tïme ni ge joota bëëtö mo leth ki muudhö ki lwøc mo di lwäärö; ni put geni køøl yi muudhö mo cøl døc.

Jeremaya 11:4

na köömma kwäyu ki gø kanya käla geni wøk ki Ijep, na caal këën thäth mo liel.› Ni kööe jïge, ni ‹Cegu ïthu ki dwøra, ni kïthu ciik moa cïba jïïu bëët bäät tïïc; 'ba uuno bëëdö ni uuna jiya, ni bëëda ni aana Jwøk maru;

Jeremaya 2:6

Geni, ge kär pëëö, ni ‹?Wuuö Jwøk en kaa, na käl øøni wøk ki yi ŋööm Ijep, na bwøth øøni ki dï paap, yïth pwöle mo otal mo ocöötö ki kääk, yi ŋöömma näk yie da meel na kany mo cøl ma kar thøø, yi ŋöömma näk bäŋ ŋat mo cør yie, na näk bäŋ ŋat mo bëëde yie?›

Edhikiel 20:46

ni «Wär dhaanhø, løø nyïmï jï løø tier-piny ni køpï luubö jï jø ŋöömma en jï løø tier-piny ni wø bëëdö na lul.

Odheea 12:1

Jø tuuŋ Ipariem ge ŋwieya køør jamø, ni ge rïïŋö cooth køør jam wø ööi ki kur tuul-cäŋ; ni tööt ki tïïc gïï mo reyø ege kaadhø. Ni geno tudö thuwø ki luubö ki jø Aciria, ni ge jwëëga Ijep ki mädhi mo wø cam.

Odheea 12:2

Wuuö Jwøk ena bäät man lööe ki jø Juuda, eni nyïïkwaac Jeekap di jäälö ki køør uutjïëthe moge, ni cool kwör dëëtge ki køør tïïe moge.

Mikiya 6:14

Uuni, uuno cämö, 'ba u ba jäŋ, ni bëët yïthu ni poot ŋaam. Jammi mou odaaŋŋu nou kaanna geni, 'ba bäŋgø mo bøth, ni jammi moo kaannu cïba dhi tøŋ.

Dhekaraya 6:6

'Ba jään okweeny mana tut okwëënyi moa cøl aci yïth mïëri moa en jï løø wï-piny, ni ö jään okweeny mana tut okwëënyi moa tar ni läp køør gø, ni ö jään okweeny mana tut okwëënyi moa näk kïtge apøøl ni ci yïth mïëri moa en jï løø tier-piny.»

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Kwään Jiy 21:8

Køøre Wuuö Jwøk aköö jï Modhe, ni «Tïïï ki gïn mo caala thwöl, ni lïërï gø bäät jaath mo ocwöth piny; ni ŋat wäro näk mo okaaø jaak, kany wø neen gø, eno køny.»

Mathiew 12:42

Nyenynya näk dhaagø mar paana en jï løø tier-piny, ööa maal ni jääl jø pinyi en dïcäŋo ŋøl luup yie. Kiper eni ööi ka kany mo bäär døc kuna wïny leec wïc mar Cølöman. 'Ba ennø, da gïn mo dwøŋŋa eni ki Cølöman mo ena kany.

Tiet Ciik 17:16

'Ba nyenynyøgø ba doo määnyö ko okwëënyi mo thööth kiper dëëre, wala eni tïïya jiy nee døøge Ijep nee cäŋ jïtö ko okwëënyi mo thööth. Kiper acaan Wuuö Jwøki jïïu, ni ‹Käru døøk ki jöö manøgø këët.›

Tiet Ciik 4:20

'Ba Wuuö Jwøk uuna lwøre ni käl uuni wøk ki Ijep na näk caala këën thäth mo liel, kiper nou tïmu ni uuna jiy moa näk thööge, kaawat man bëëdu dïcäŋi ennø.

Tiet Ciik 8:15

Wuuö Jwøk uuna bwødhe ki dï paap mo dwøŋ mo di lwäärö ki yie, mo yie da thwöre mo reyø, ka agarapi; ni beeye kany mo yie da køø, mo pïï ba joot yie; 'ba Wuuö Jwøk pïï akäl wøk ki ri kïnna teek døc kiperu.