Aydheea 30:33 - Wëël Jwøk

³³ Kiper kar maac onø jiiŋŋø ki kany mo bäär; ka adïëri møn, onø jiiŋŋø kiper nyeny Aciria. Ojiiŋŋø na buur mo bäär mo yie dwøŋ, no oämmö ki maac mo wärri mo orubö ki jenni mo thööth. 'Ba jam dhi Wuuö Jwøk beeye na wëëk maac manøgø liel ni wärri.

Aydheea 30:33 Iomraidhean Croise

Wïlöölö 19:24

Køøre Wuuö Jwøk maac ki tør mo liel døc ajääŋŋe bäät Cødam ki Gømöra ni pänhnhi ki maal baŋ Wuuö Jwøk kaamar køth,

2 Nyeye 23:10

Jöcaya thuwø, Töpeth, kanya raac ni wø waaŋ olämme yie na en yi goor Ben-Inöm atïïe ni ba waany, nee bäŋe dhaanhø mo waaŋ wääde wala nyaare no olämi jï Mölek këët.

Jööp 4:9

Geni, ge di raany jamø mano ö wøk ki dhi Jwøk, ni thøwge ki wëër mare ni wø liel kaamar maac.

Aydheea 10:17

Eni na näk tar mar Icriel otïmö na maac, ni ö eni na en kur keere ni tïme na leep maac. Ni ö maaøgø ni put koodhi ko otwel mo Aciria thöör ki dïcäŋ aciel keere.

Aydheea 11:4

'Ba eni luup jøøa can oŋøle ki køør adïëri; luup jøøa no othiel piny moa en bäät piny oŋøle na kare. Eni piny ojääle ki luup moo ööi ki dhee, ni 'näk jøøa reyø ki jam dhee.

Aydheea 31:9

'Ba man beeye dwør Wuuö Jwøk, na näk maac mare ena Dhayan, ni këën maac mare man wø liel døc ena Jerucalem, ena köö, ni «Kïn gwøk røk mana teek mar jø Aciria pädhö ki køør böök, ni ö kwääri mo lwaa leny moge ni lwäcge døc kanyo neenge ŋïï mar leny.»

Aydheea 33:14

Jø raay moa en Dhayan, gena lwäyö, ni tïm dëëtge ni kwanynyi, ge na bëëdö ni Jwøk ege wiiø, ni köge, na «?Aŋa dëëtø ni løny jïre ki man bëëde buut maac man wø räänyö; aŋa dëëtø ni løny jïre ki man bëëde buut maac man wø wääŋö na bäre bäre?»

Aydheea 34:9

Nyeŋ näm mo ŋööm Ëdöm otïmö na maaw mo nwaaŋ, ni tïm ŋøøm moge na teeŋ tør man wø liel; ni paac marge bäre bëëdö na maaw mo liel.

Aydheea 37:38

'Ba dïcäŋ aciel ni eni lämö øt Nicrøk, jwøk mare, ena put wääde ma Adramëlëk ki wääde ma Carëdher 'näk ko opëëllö; ni ö geni ni reŋge yi ŋööm Ararat. Ni ö wääde ma Ëcaradön ni läw kar gø na nyeya.

Aydheea 66:15

Ka adïëri møn, Wuuö Jwøk öö ki yi maac, ki jïëth okwëëc leny moe mo caala apwøyaweerø; eni wëër mare lëëŋe piny ni liel kaamar maac, ni jook jiy ki leep maac.

Jeremaya 19:6

Kiper manøgønø, da cääŋŋe mo öö, mo kany ba cwøl këët ni Töpeth wala Agäm Kïn Ben Inöm, 'ba ocwøl na Agäm Kïn Kar Ŋaal Jiy.

Jeremaya 4:4

U na cwøw Jerucalem ki mo dï Juuda bäre, wëëgu cwïnynyu daŋ nou cïpa dëëtu jïra, a na Wuuö Jwøk, ni kälu dupa mana raac wøk cwïnynyu, kiper nee wëër mara na liel na wääŋö kaamar maac mo bäŋ ŋat lønye jïgø ki bïp ba käla bäätu kiper gïïa reyø na tïïyu.

Edhikiel 21:31

Gootø käla bäätu, ni ö wëërri mara ni wø liel kaamar maac ni kønynya gø bäätu; aani u cïba ceŋ jiy mo reyø døc mo geno kwänynyö døc ka aranya.

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Daniel 7:10

Naam ma maac bëëdö ni kwödö ni ööa wøk ki nyïme, ni kum jiy ma kume tïnynya eni, ni kum jiy apaar kwöre ma kume apaar cuŋŋö nyïme, ni ö kwääy løøk ni pï piny, ni ö weeli ni jabi.

Mathiew 25:41

«Kanyøgønø, eno köö jï jøw oen bäät caame, ni ‹Aayu buuta, u na näk ocienø; cou yi maaa näk bäŋ cuŋŋe kar ajäla, na näk ojiiŋŋø kiper anägö ki nyïïatwiete.

Mathiew 4:22

Ni putge jääy ki wääge wec, ni caathge køøre.

Tiet Ciik 4:24

Kiper Wuuö Jwøk na näk Jwøu beeye Jwøk ma ŋat keec, ni caala maac ni wø thöör jiy.

Ibaru 13:8

'Ba Jecu Krictø poot na kare, ya awääre ki dïcäŋi, këël na bäre bäre.

1 Piter 1:8

'Ba u mëër ki eni, këël na käru gø neenø, ni jïëyu ni ŋääthu eni, këël na ba neennu gø, ni mïn yïthu ki met ec mo päl døc mo ba løny ki par.

Juut 1:4

Kiper da jø møøk mo odunynyö ki jöö mør ki piny, jøøa näk omiiø cøøn kiper ajäl Jwøk, jøøa ba wøør Jwøk na wiil luum met yi Jwøk marø ni døøcge gø jöö man tïïcge gïï mo patha karge, ni kwierge Kwääyø ma aciel na näk Kwäärö ma Jecu Krictø.