Aydheea 30:30 - Wëël Jwøk

³⁰ Wuuö Jwøk dwøre na teek tïïe tïïö nee wïnye, ni wëëk teek bade ööny piny ni nëënö jï jiy, ki yi maac mo liel man wø thöör jammi bëët, ki yi køth ma ruuga, ki yïth pey.

Aydheea 30:30 Iomraidhean Croise

Jööp 38:22

«?Aŋø, ïïna døny yïth uut kän moa näk pey okan yïthge, wala ki man jootï uut kän moøgø,

Jööp 38:23

na näk yaa kanø kiper cääŋŋe mo jwør gïï mo leth, ni beege cääŋŋe mo lenye ki mänye?

Jööp 40:9

?Aŋø, cerï teek ni caala mar Jwøk? ?A ïïni, ï määr ki dwøl mo caala mare?

Bwøth Wøk 15:16

Lwär mo dwøŋ døc ki böök mo päl otägi dëëtge; wui Wuuö Jwøk, kanyo jootge teek marï na dwøŋ, geno bëëdö ni lïŋö jaak kaamar kïdi; këël mano pööth jiyï ki buutge, ni beege jiyï moa wïïlï wøk.

Bwøth Wøk 9:23

Ni ö Modhe ni tïŋ athøra mare maal, ni ö Wuuö Jwøki ni jääŋ odäru ki pey, ni put køthi tïmö ni pöödö bäät piny. Ni ö Wuuö Jwøki ni tïïc køth mo ree da pey nee pädhe bäät ŋööm Ijep.

Bwøth Wøk 9:24

Ni put tïmö ni da pey na agaackøth mal dïëre, ni beeye pey mo teeŋe poot kär tägö yi ŋööm Ijep cøøn ki mana geeri na paac.

Aydheea 10:16

Kiper manøgønø, Kwäärö Wuuö Jwøk, eni na wïth jammi bëët, ojäägi ki täw mo leth dï jø leny moa no olør mo nyeny Aciria, ni ö ajiemmi mar nyeny Aciria ni nyebi ki maac mo liel døc.

Aydheea 10:26

Wuuö Jwøk, eni na wïth jammi bëët, alaŋŋa tïŋe maal bäätge kaawat mana tïïe na dïïr wïth jø Midien buut Kïn Orëëp, ni ö athøra mare ni tïŋ gø maal bäät naama dwøŋ, kaawat mana tïïe Ijep.

Aydheea 10:5

Wui, otïmö ni leth jï Aciria, na näk yaa tïïö na athøra mar wëër mara, na athøra mano en cer Aciria beeye mano nyoodha wëër mara ki gø.

Aydheea 28:2

Raŋŋu, Kwäärö Wuuö Jwøk jïre da ŋat mo dwøŋ mo teek, mo caala køth mo ree da pey ka atuunna man wø räänyö, mo caala athaga mo teek mar naam mo pänhnhö; eni wï pääny Cameria thiele piny ki cere yïth ŋøøm.

Aydheea 29:6

Kwäärö Wuuö Jwøk, eni na wïth jammi bëët, oööi ni cwöba røk, ni jääl ïïni ki køth mo märö, ki dïjäŋ piny, ki dwøl mo löörö, ka atuunna, ki køth mo ree da atuunna, ki maac mo räänyö.

Aydheea 30:29

'Ba uuni, uuno wär ki dudi kaawat man wø wärru ki wäär kany wø wøørru ajwömma en kur keere. Cwïnynyu omïnni kaamar jiy mo cøøa baŋ lam ni ge kudhö ko opele, ni ge cøøa bäät Kïn Wuuö Jwøk baŋ Jwø Icriel na näk kïn gwøk røk.

Aydheea 30:31

'Ba jø Aciria 'obwøk ki dwør Wuuö Jwøk, kanyo ö Wuuö Jwøki noo pwöt geni ka athøra.

Aydheea 31:4

Kiper Wuuö Jwøk aköö ki aani, ni «Kaawat man wø bëëde ni ŋuu mo teek märö bäät cam mare, ni kany wø ö jø kwaathi wø cøørge dëëtge ki man cige baŋ gø na aciel, ba lwäyi ki döötge, ni ba bwøk ki dïlweel marge, aani na Wuuö Jwøk, a na wïth jammi bëët, a öö naa këëda ki jø wø bëëdö bäät Kïn Dhayan jï kuna en bäät thuur.»

Aydheea 32:19

'Ba pey opänhnhi, ni ö lulli ni gøøi piny, ni put pääny dwøk piny na bäre.

Aydheea 33:14

Jø raay moa en Dhayan, gena lwäyö, ni tïm dëëtge ni kwanynyi, ge na bëëdö ni Jwøk ege wiiø, ni köge, na «?Aŋa dëëtø ni løny jïre ki man bëëde buut maac man wø räänyö; aŋa dëëtø ni løny jïre ki man bëëde buut maac man wø wääŋö na bäre bäre?»

Aydheea 4:6

Ni tïme kaamar abïla man wø cïp tïpö ni wø gëëŋ jiy ki lïëth piny mar dïcäŋ, ni bëëde na kar kan røk man wø gwøk jiy ka atuunna ki køth.

Aydheea 51:9

Wui, Wuuö Jwøk, ö maal ni nyoothï teek mar badï! Ö maal kaawat mana kwøŋï tïïc yïth beenhnhe moa no opöödhö ya acääŋŋe! ?Aŋø, paa ïïni na këël Reeyap ki tøŋ, ni bee Ijep, na caal thwöra dwøŋ, ni ŋørï gø na thäŋi?

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 62:8

'Ba Wuuö Jwøk akööŋ bäät cer cwïïe, ni beeye bäät bade na teek, ni kööe, ni «Beel mou ba cïba na cam jï nyïïmän mou këët; ni bäŋ juurre mo path mo mädhö ki kwøk nyïïomøki mo nyään këët moa jootu ki køør tïïa leth na tïïyu.

Aydheea 66:15

Ka adïëri møn, Wuuö Jwøk öö ki yi maac, ki jïëth okwëëc leny moe mo caala apwøyaweerø; eni wëër mare lëëŋe piny ni liel kaamar maac, ni jook jiy ki leep maac.

Aydheea 66:16

Kiper Wuuö Jwøk jiy bëët jääle jäälö ki maac ko opëëllö mare, ni ö jiyi moo nääe ni tïmge ni thööth.

Jeremaya 25:32

Man beeye mana caan Wuuö Jwøki, eni na wïth jammi bëët, ena köö, ni «Ennø, gïï mo leth onyaay, ni tägi ka baŋ wï jur man nø, ni pïïe baŋ wï jur man nø. Mäny mo teek oööi kaamar atuunna, ni tägi ka ya aŋuun piny.»

Edhikiel 10:5

'Ba dööt bwöm mo kirubëlli lwör ni wïnyö yi kal mana en wøk, ni wïnyi kaamar dwør Wuuö Jwøk, eni na en teeki jïre, kany wø cääne.

Edhikiel 13:13

« ‹Kiper manøgø nø, Kwäärö Wuuö Jwøk aköö: Na atuunna mo kwödö ni teek døc tïïa tïïö nee kwönne ki køør wëër mara ni wø liel kaamar maac. Aani, a wëër ni jääŋŋa køth mo dwøŋ mo muta piny mo ree da pey, ni raanynya kiir manøgø na bäre ki wëër mara.

Jool 2:5

mo döötge wïnyö ni caala jïëth leny mo wø tut okwëënyi kany wø nigeluŋŋa ki bäät kïte, ni döötge wïnyö ni caala maac mo tinynyi kaamar man wø waaŋ thiek beelli, ni caala jø leny mo teek mo ojiiŋŋø kiper leny.

Amøc 1:14

Kiper manøgø nø, maac ojääŋŋa, ni waaŋ kiir mar paana cwøl ni Raaba, ki uudi moa teek na en yie. Ni tïme ni da dïlweel dïcäŋo këël leny yie, ni tïm lenynyi ni teek kaamar atuunna.

Mikiya 1:4

Ni ö kïte kwöra nyøre ni leenyge kaawat man wø leeny gage ki maac, ni løøcge piny ki yïth agäm-kïte kaawat man wø løøc pïïyi piny ki kany mo ree ee lääŋö.

Mathiew 24:7

Kiper paac mør dëëre othïïŋe ri paac mør, ni ö nyeya mørri ni thïïŋ ree ri nyeya mør, ni jït mïëri mo thööth ki meel, ni tïm kwör mo thööthi ni jäŋŋi.

Luk 1:51

Eni bade bäär ni teege ee nyoodhø, ni keeth jø wø töödö ki yïth cwïnyge.

2 Thecalönika 1:8

ni cool kwöri dëët jøøa kuc Jwøk, ki moa taak luumma nyään na met mar Kwääyø ma Jecu.

Jøcua 10:10

Ni ö Wuuö Jwøki ni kier wïth jø Amör ni tïïc ge nee bwøkge nyïm jø Icriel, ni ö jø Icrielli ni böötge jø Amör døc Gibien, ni riemge geni ki jöör Bëëth-Örön ni ge iitha thuur, ni ŋwiecge køørge ni 'näkge geni këël mana pïïcge mïëri moa näk cøøri na Adhëka ki Mekëëda.

Jøcua 10:11

'Ba kanya rïïŋ jø Amörri ni ge ŋwieya jø Icriel, Wuuö Jwøk pey mo døøŋŋø døc mo caala kïte alëëŋe ki maal, ni leeŋ ge bäät jø Amör, ni tägi ka kanya løøcge piny ki Bëëth-Örön, këël mana pïïcge Adhëka, ni putge thøø; 'ba atïmö ni thöötha jiy moa thøw ki pey moøgø na näk caala kïte yøø, ki jiy moa 'näk jø Icrielli ko opëëlle.

Mana Nyooth 1:15

Ni tiete caala jwëëlli mo othoodhø, ni ŋwaŋŋi kee poot ena yi maac. Ni dwøre caala lwör mar pïï mo thööth.

Mana Nyooth 11:19

Kanyøgø Øt Jwøk Mana Dwøŋ maalø ajap, ni ö acanduki mar luumme na tuude ki jiy ni neeni yi Øt Jwøk Mana Dwøŋ. Ni tïm agaackøthi ni mal, ni piny dïmmi døc, ki køth mo märö, ki dïjäŋ piny, ki piiø mo päl.

1 Camiel 7:10

'Ba kanya bëëde ni Camiel cïpö olämi man wø waaŋ bäre jï Wuuö Jwøk, jø Pilitin oløny ni karge cään ki man tukge jø Icriel. 'Ba dïcäŋeca Wuuö Jwøk køth aput tïïc nee pööde bäät jø Pilitin, ni kier wïthge; ni ö jø Pilitinni ni putge bwøk nyïm jø Icriel.