Aydheea 30:26 - Wëël Jwøk

²⁶ Kanyøgø tar mar dwääy otïmö ni caala tar mar cäŋ, ni ö tarri mar cäŋ ni rienye døc no omëëtö ki kwöre abïriiø, ki tar mo röömi ki tar mar nïne abïriiø. 'Ba yi cäŋ manøgø beeye cäŋ mano ö Wuuö Jwøki noo 'käl gïïa leth wøk bäät jiye, ni beeye kanyo wëëk atwøt caŋŋø yie moa kïth dëët jiye.

Aydheea 30:26 Iomraidhean Croise

Jööp 5:18

Kiper eni dhaanhø wø kïthe yi gïn mo leth, 'ba eni cïpö ki cøm cwïny; ni kïth dëër dhaanhø ki ŋwiili, 'ba cäŋe ka wëëk caŋŋø ki ceŋŋe.

Aydheea 11:9

'Ba bäät kïdi bäre na en kur keere mar Wuuö Jwøk, tïmö ni bäŋ ŋat mo tïïö ki gïn mo raac yie wala mo räänyö; kiper piny opäŋ ki kwänynyö man ŋäc Wuuö Jwøk kaawat mano ö pïïyï othaar naama dwøŋ.

Aydheea 19:22

'Ba Wuuö Jwøk Ijep ojääle; geno jääle møn, 'ba ge cäŋe ka kønynyø; ni ö geni ni duuge baŋ Wuuö Jwøk, ni ö Wuuö Jwøki ni wïny kwac marge ni køny geni.

Aydheea 24:23

Køøre dwääy wïïe olääi, ni ö cäŋŋi ni tïm waŋe ni law, kiper Wuuö Jwøk, eni na wïth jammi bëët, obëëdö na nyeya bäät Kïn Dhayan yi Jerucalem, ni ö ajiemmi mare ni nëëne jï dïbwöthe mo jiye.

Aydheea 30:13

raay moøgø duua bäätu, kaawat man wø muk kiirri mo bäär, ni päth piny na thäŋi yie aciel.

Aydheea 30:14

Ni pädhe kaawat man wø päth daki ni wø peti na thäŋi, ni bäŋ abat mare mo dööŋ mo rømø ki man käär maac ki gø, wala man twøm pïï ki gø yi iith.»

Aydheea 33:24

'Ba kar kaaca, bäŋ ŋat mo ena Dhayan mo köö, ni «Aani dëëra da täw.» 'Ba jiy mo wø bëëdö yie raay moge di wëënnö.

Aydheea 57:18

Aani uutjïëthe moge ajooda, 'ba ge kønya kønyø; geno bwødha ni cäŋa cwïnyge cømmø, ge ni wø bëëdö ni ge kïmmö,

Aydheea 58:8

'Ba ni näk mo gïïögø tïïyu tïïö, tar maru rieny kaawat man wø kwäär øwi, ni ö kønynyi maru ni laar nicäär. Bëënynyö maru bwödhö nyïmmu, ni ö ajiemmi mara, a na Wuuö Jwøk, ni en køøru ni koora uuni.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Jeremaya 30:17

'Ba a na Wuuö Jwøk, a caana gø ni bëëtö maru na raac dwøga kare ni beer, ni beeye bëëtö maru ni caal atwøda, kiper uuna cwøl jiyi ni u ege jarø jaak, ni köge, ni «Jø Dhayan, bäŋ ŋat many geni.» ›

Wëël Kïmmö 2:13

?Wui, jø Jerucalem, agïnaŋø noo caana kiperu? ?Uuni, u päära gø ki gïnaŋø? ?Wui, jø Dhayan, gïna jwørru päära gø ki ŋø nee lønye ki man cøma cwïnynyu? Kiper ränynyö maru caala ŋwellø mo ree ee luut piny kaamar naama dwøŋ. ?Aŋa ni dwøk bëëtö maru kare?

Odheea 6:1

«Ööu, nøø døø baŋ Wuuö Jwøk, kiper eni, øøna tøye møn na thäŋi, 'ba ø cäŋe ka kønynyø. Eni, dëëtø amooe møn ki ŋwiili, 'ba ŋwiili 'moø cäŋe ka bäyö.

Odheea 6:2

Eni dëëtø odwøk kare køør nïne ariiø, ni tïŋ ø maal ri dää nïne, nee ø bëëdø ni ø kwøw nyïme.

Amøc 9:11

«Da dïcäŋ mo öö mo wï po Deebit mana no opädhö tïŋa maal, ni dwøga kwöra näk oränynyö karge, ni cäŋa gïïa näk oränynyö geerrø, ni dwøga gø kare kaawat mana bëëde dïkwøŋ.

Dhekaraya 12:8

'Ba dïcäŋöca, Wuuö Jwøk jø Jerucalem ogwøe, ni ö jøøa jägö dïge ni tïmge ni teek dïcäŋöca kaamar Deebit, ni ö jø dhi øt Deebit ni bwøthge jiy kaamar Jwøk, ni ge caala nyïïatwiel maal mar Wuuö Jwøk mo bwödhö nyïmge.

Dhekaraya 14:7

kiper otïmö na cäŋ mo ena kur keere mo ŋäya Wuuö Jwøki, ni beeye cäŋ mo patha dïcäŋ wala wäär. 'Ba noo tïme na ŋec wëëlle, tar otïmö ni dagø.

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Tiet Ciik 32:39

« ‹'Ba ennø, wär ŋäyu ni beeye aani keera na Wuuö Jwøk, ni bäŋ jwøk mør këët. Beeye aani ni wø wëëk dhaanhø thøø, ni beeye aani ni wø wëëk dhaanhø kwøw. Beeye aani ni wø wëëk jiy jïtö ki ŋwiili, ni beeye aani ni wø køny ŋwiili mo jiy. 'Ba bäŋ jwøk mør mo løny jïre ki man piem dhaanhø cera.

Mana Nyooth 21:23

'Ba paanøgø bäŋ cäŋ mo manynyi yie wala dwääy nee rienye bäät gø, kiper ajiem Jwøk beeye tar mare, ni ö lamba mare ni näk Nyidiel.

Mana Nyooth 22:5

Ni bäŋe wäär këët. Ni bäŋ däär lamba mo manyge wala tac cäŋ, kiper Kwäärö Wuuö Jwøk tïmö na tar marge. 'Ba geno bëënni këël na bäre bäre.