Aydheea 30:23 - Wëël Jwøk

²³ Køøre nø, Wuuö Jwøk køth ojääŋŋe jïïu kiper köödhi moo piithu yi ŋöömö, ni ö jammi moo ciek yi ŋöömö ni duunne jïïu ki cam mo päl. 'Ba dïcäŋece, lääc paac mou geno cämö kar kwaath mo laac.

Aydheea 30:23 Iomraidhean Croise

Wïlöölö 41:18

Ni ö dhäki abïriiø wøk mo olør mo nëëni ni beyø mo käla yi naam, ni cam marge beeye luum bäp naam.

Wïlöölö 41:26

Dhäk moø na abïriiø ni beyø yøø beege cwiiri abïriiø, ni jööth abäya näk abïriiø na beyø yøø beege cwiiri abïriiø. Tier lääk beeye aciel.

Wïlöölö 41:47

'Ba ki yïth cwiiya näk abïriiø na beyø, piny aciek ki cam mo päl døc kiree.

Aydheea 10:27

'Ba dïcäŋeca, tëër mana peek mar nyeny Aciria otïŋ maal göögu, ni ö jaath puurri mare man wø rïï ŋut, ni käli wøk ŋutu, ni ö jaath puurri manøgø ni toore kiper lørø maru.

Aydheea 32:20

'Ba këël gïïögø doo tägö, gwïëth oen bäätu, u ni wø piith caammi mou deŋ pïï, ni wø wec dhäk ka arëëni nee cääthge jaak ni ge cämö ki luum.

Aydheea 4:2

'Ba dïcäŋeca, lwinh Wuuö Jwøk onëëni ni mïërö ni ree da ajiem, ni ö nyeyi mano joot yi ŋöömö ni tïme na gïr ajiem na gïr atöör jï jø Icriel moo dööŋ ni kwøw.

Aydheea 5:6

Tïïa tïïö ni tïme na pwödhö mo oränynyö. Jer omøki moe wïthge ba goor, ni tietge ba puur; 'ba otwel ki koodhi oput tuuö yie. Ni köömma pöölö nee ba pädhe na køth bääte.»

Aydheea 58:11

A na Wuuö Jwøk, u bwødha bwødhø cooth, ni mooa uuni ki cam yi cäŋa kwaar døc dïtëën kaawat man wø manynyu, ni wëëga cuu mou tëënnö. Bëëtö maru tïïa tïïö kaamar ajïniina mo di jøøyø ki pïï, ni tïme kaamar jøøro mo pïïe ba tal.

Aydheea 65:21

Geni, ge gëëdö ki uudi, ni bëëtge yïthge, ni pïïthge ki jer omøki, ni camge nyïïge.

Jeremaya 14:22

?Aŋø, ki røk juu mo oballe jaak mo wïth juurre, dagø dïge mo løny ki man jääŋ køth? ?A løny ki man ö maalli keere ni pädhe ki køth? Wui Wuuö Jwøk, Jwøk marwa, aŋø, paa ï keerï ni wø jääŋ køth? Kiper manøgønø, waani, wa bëëdö ni wa ŋäätha ïïni, kiper beeye ïïni na tïïc japøgø bëët.

Odheea 4:16

Jø Icriel wïnni kaamar nyirøøa mo wïnni. ?Aŋø, ennø, løny jï Wuuö Jwøk ki man kïth geni kar kwaath kaamar nyidiel mo ena yi pwöl kwaath mo yie laac?

Ciik Kiper Dïlämme 25:19

ni ŋöömö bëëdö ni ciek ki caammi, nou cämö ni jäŋŋu, kiper nou bëëdö yi ŋöömö ni bäŋ gïn caarru kiper leny.

Ciik Kiper Dïlämme 26:3

« ‹Ni näk mou caatha køør ciik 'moa, ni gwøgu gïïa cema ni kïthu ge bäät tïïc,

Ciik Kiper Dïlämme 26:5

Ka adïëri møn, tïïc mar dïn beel mou ba cuŋŋi këël mano këët ri pøn nyïïomøki, ni ö pøn nyïïomøki ni këët ri pïïdhö. Uuno bëëdö nou cämö ki caammi mou jaak ni jäŋŋu, ni bëëdu yi ŋöömö maru ni bäŋ gïn caarru kiper leny.

Dhekaraya 10:1

Pëënynyu Wuuö Jwøk nee køth jääŋŋe bäätu kany wø näk dhi køth. Kiper beeye Wuuö Jwøk ni wø jääŋ køth ki ri pøøl; bee eni ni wø wëëk køth ööny piny kiper jiy, ni wëëk gïïa no opiidhø ciek yïth pwöth jï ŋati man nø.

Milkiya 3:10

'Ba beeye aani na Wuuö Jwøk, a na wïth jammi bëët, ni cäänö en. Ennø, kälu paac wïth jammi na karge ni kïthu gø kar kan na en yi øt lam mara, kiper nee tïme ni da cam yi øda kaace. Tïïyu gïn nou päänynya aani; køøre ojootu ni maal yaa jabø ni wëëga gwïëth mo päl døc ööny bäätu, këël mano rømu ki gø.

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Mathiew 6:33

'Ba kwøŋu buc Jwøk ki beeny Jwøk cayø. Køøre nø, gïïögø bëët owëëk uuni thuwø.

Tiet Ciik 11:14

eni køth cwiir di jääŋö ki kanya näk kare, ni jääŋ mar dhi køth ki kanya näk kare kiper ŋöömmu, kiper nee beel mou ki nyïïjenni mou mo wø nyïïge nywøp na kwøŋ, ki mo wø nyïïge wel na mädhi nee ciekge jïïu.

1 Timöthi 4:8

Ŋääø ni pwöny røk beeye gïn mo beer, 'ba bëët jöör Jwøk beeye gïna beerra eni døc ki kare bäre, kiper beeye eni ni cïp kwøw ennø, ki kwøw mano en yi nyïm thuwø.