Aydheea 30:2 - Wëël Jwøk

² Gena kweer ki man pëënyge aani, ni cige Ijep nee göökge ri Peerø nyeny Ijep nee ge køny, nee Ijep tïme na tïpö bäätge man gwøk geni.

Aydheea 30:2 Iomraidhean Croise

1 Nyeye 22:7

'Ba Jøcapat aköö, ni «?Bäŋ nyikuŋ Wuuö Jwøk mo ena kany mo pëënynyø këët?»

2 Nyeye 17:4

'Ba ajoot nyeny Aciria na Awcë gëëmö, kiper Awcë ajääk baŋ Cööe nyeny Ijep ki jiy nee eni køny, ni kweere ki man cïpe ka ajwäk jï nyeny Aciria, kaawat man wø cïbe ki yi cwiir cooth. Kanyøgønø, ena mak nyeny Aciria ni kïth gø yi øt twöc.

2 Nyeye 18:21

Ka adïëri møn, ïïni, ï ŋäätha Ijep ni wø bëëdö kaamar abaarø ni wø laar toor ni cwøp cer dhaanhø kany wø näk mo dhaanhø kwömö ki gø. 'Ba Peerø nyeny Ijep caala abaarø manøgø ki jï jø wø ŋääth gø bëët.

Aydheea 16:3

Ni köge jï jø Juuda, ni «Mooyu wa ka acaara mo beer, ni ŋøllu luumwa na kare. Kaa man bëëde ni piny a dhöör cäŋ en, jääŋŋu tïpö maru bäätwa nee tïme kaamar wäär. Kannu waani, wa no oriemmø en, ni ba waayu waani, wa na jiy mo obwøk en.

Aydheea 18:1

Wui, otïmö ni leth jï paana näk jïre da baabuure mo rege da bwöm, na en løø näm mo paana cwøl ni Kuuc løøga,

Aydheea 36:6

Ka adïëri møn, ïïni, ï ŋäätha Ijep ni wø bëëdö kaamar abaarø ni wø laar toor ni cwøp cer dhaanhø kany wø näk mo dhaanhø kwömö ki gø. 'Ba Peerø nyeny Ijep caala abaarø manøgø ki jï jø wø ŋääth gø bëët.

Aydheea 36:9

?Aŋø, këël na näk mo u ŋäätha jø Ijep kiper jïëth leny mo wø tut okwëënyi, ki jø leny mo wø këëdi ki bäät okwëënyi, olønye jïïu nidïï ki man riemmu kwääy leny aciel mana kare thiinh mar nyeya mara?

Aydheea 8:19

Kanyo cään jiyi ki uuni, ni «Pëënynyu jøøa näk rege da juu mo cøøra jwïëc jiy moa no othøw, jø wø ŋuri ni muuŋö,» käru jïëy. ?Aŋø, jiy ba doo na ge pëënynya Jwøk marge? ?Aŋø, jøøa no othøw doo pëënynyö kiper bëët jøøa kwøw?

Jeremaya 2:18

?'Ba ennø, ciin Ijep agïnaŋø noo duue dëërï, per niï mädhï ki pï naama pïïe cøl? ?A ciin Aciria agïnaŋø noo duue dëërï, per niï mädhï ki pï Naam Upareeti?

Jeremaya 21:2

ni «Beerra man pëënynyï Wuuö Jwøk kiperwa, kiper Nabukedenecör nyeny Babiløn amäänynyö baŋwa. Kanymør Wuuö Jwøk ø pieme piemø ki køør tïïe moe na näk rëëma ec, kiper nee nyïïmän døøge ŋäthge.»

Jeremaya 37:5

Ni jø leny mo Peerø nyeny Ijep onø tïŋŋö Ijep; 'ba kanya ö jø Babilønni moa näk Jerucalem ege ciel dïër na wïnyge luum ööny jø Ijep, Jerucalem aputge wec.

Jeremaya 42:14

ni kööu, ni ‹Jïwa bäyö, wa cøøa yi ŋööm Ijep, kany mo gïr leny ki dwør tuuŋ leny ba wïnywa yie, na kany mo wa ba 'näk käci yie; wa cøø ni bëëtwa yie,›

Jeremaya 42:2

ni köge jïre, ni «Beerra man wïnynyï kwac marwa, ni lämï kiperwa jï Wuuö Jwøk, Jwøk marï, ni beeye kiper jøøi ii bëët moa dööŋ, kiper beeye waani keerwa na nøk ii na dööŋ røk jøøa thööth, kaawat man nëënwa jïrï ki waŋï ennø.

Jeremaya 42:20

Kiper uuni dëëtu acøøgu keeru; beeye uuni na jääŋ aani baŋ Wuuö Jwøk, Jwøk maru, ni kööu, ni ‹Lämï kiperwa jï Wuuö Jwøk, Jwøk marø, 'ba gïno caan Wuuö Jwøki, Jwøk marø, wär caanï jïwa; køøre tïïcwa tïïö.›

Jeremaya 43:7

Jøøgø gena ci Ijep ni dwør Wuuö Jwøk kärge wïnynyö, ni aacge këël mana pïïcge Thapinac.

Wëël Kïmmö 4:20

ŋata tïïc Wuuö Jwøki nee wïïe thïïmmi ki maaw, na bëëdö ni caala jwïëy moø, amakge ka abïëp marge, ni beeye ŋata cäänø kipere, ni «Ø doo bëëdö tïpö mare yïthakic wïth juurre.»

Odheea 7:13

Otïmö ni leth jïge, kiper mana paanyge rege buuta! Ränynyö oen bäätge kiper mana gëëmge ki aani! Gena manynya ki man piema geni, 'ba gena tïmö ni ge cara tööt kipera.

Odheea 8:10

'Ba këël na bëëtge ni dëëtge ege gath wøk dï wïth juurre, aani, ge cäŋa ka cooŋ kanya ciel, ni ö geni ni putge gïï mo leth jwør cer nyeya mana teek.

Odheea 8:9

Kiper gena nø ci baŋ jø Aciria ni caala arëën mar paap mo thääyö keere jaak; ni ö jø Ipariem ni nø gathge mëër marge wøk.

Kwään Jiy 27:21

'Ba eni na Jøcua enø, wär cuŋŋe nyïm Eliedhar na näk Kwääy Lam Mana Dwøŋ, ni ö Eliedharri ni pëëny aani kiper Jøcua, ni ŋøla luup kipere ki køør gïna cwøl no Urim. 'Ba Jøcua ki lwaa Icriel bäre jammi bëët dige tïïö ki køør dwør Eliedhar.»

Tiet Ciik 28:68

'Ba kaa mana wäŋŋa nou ba døø Ijep këët, Wuuö Jwøk uuno dwøk Ijep ki yïth baabuure. 'Ba kanyo pïïyu kaace, uuno ci baŋ nyïïmännu nee u ŋeewge, nou tïmu ni uuna laaŋe jïge, ni beege u na cwøw ki mään bëët; 'ba otïmö ni bäŋ ŋat ŋeew uuni.»

Jøcua 9:14

Køøre jø Icriel alwötö røk caammi moa käär jøøgø. 'Ba kanya tïïcge gïnögø, Wuuö Jwøk kärge pëënynyö kiper dwøre mano caane.

Pïëmme 9:15

«Ni kö oŋïrö jï jenni moøgø, ‹Ni näk mo u caana adïëri møn naa røønynyu ni aana nyeya maru, ööu ni rïŋŋu tïpö mara; 'ba ni näk mo paa enøgønø, beerra man ö maaci wøk ki røk koodhi 'moa ni waaŋ jer lur Libaanø moa perge leth ni thöör geni.›