Aydheea 30:19 - Wëël Jwøk

¹⁹ Wui, u na jø Dhayan, ni wø bëëdö yi Jerucalem, u ba jwöŋi këët. Kiper ka adïëri møn, eni na Wuuö Jwøk mëër mare nyoodhe nyoodhø jïïu kany wø jwöŋu nyïme kiper køny; ni kany wø wïny oduuru maru jaak, pïëc maru pute ka løk.

Aydheea 30:19 Iomraidhean Croise

Aydheea 10:24

Kiper manøgønø, Kwäärö Wuuö Jwøk, eni na wïth jammi bëët, aköö, «Wui, u na jiya ni wø bëëdö Dhayan, käru lwäyö ki jø Aciria kanyo öge noo pwötge uuni ka athøra, noo tïŋge athøra marge maal bäätu, kaawat mana tïïc jø Ijepi.

Aydheea 25:8

Kwäärö Wuuö Jwøk thøø raanynye raanynyø na bäre, ni pooc pï nyeŋ jiy bëët, ni ö eni ni käl lään wïc wøk bäät jiye moa en bäät piny bäre; kiper luummögø caana Wuuö Jwøki.

Aydheea 33:2

Wui, Wuuö Jwøk, nyooth met ec marï jïwa, kiper wa bëëdö ni wa raŋŋa jïrï. Tïmï ni ïïna teek marwa cooth ka amöölla, ni bëëdï ni ïïna pïëmi marwa kanyo enwa yïth gïï mo leth.

Aydheea 35:10

'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Aydheea 41:17

«'Ba jøøa can ki jøøa no oööl ge bëëdö ni ge manynya pïï, ni ge ba jïti, ni ö lëëpge ni bëëtge no otal ki riew. 'Ba a na Wuuö Jwøk, döötge wïnynya wïnynyö, ni kønya geni, ni ba wiia geni, a na Jwø Icriel.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 58:9

Køøre noo cwøllu aani, a na Wuuö Jwøk, aani döötu wïnynya wïnynyö, ni kany wø jwöŋu kiper køny, løøa løø, ni ‹Aani en.› Ni näk mo tëëra peek ni wø caal jaath man wø rïï ŋut dhieŋ ri puur you käl wøk göök jiy; ni weyu jiy ki nyøthø ki lweetu nou jøøŋŋa ge;

Aydheea 60:20

Cäŋ obëëdö ni ba pädhi bäätï, ni bëët dwääyi ni ba ci muudhö; kiper a na Wuuö Jwøk, a tïmö na tar marï mano bëëdö na bäre bäre, ni ö nïr kïmmö moï ni thumge.

Aydheea 65:18

'Ba ennø, yïthu mïnge ni kanynyu na bäre bäre ki gïno cwääa, kiper Jerucalem cwääa cwääö na pääny met ec, ni tïm jiye na mo met ec.

Aydheea 65:19

Aani yia omïnni ki Jerucalem, ni tïm yia ni met ki jiy 'moa; ni tïm jwøk thøø ko oduuru ni ba wïnynyi yie këët na bäre bäre.

Aydheea 65:24

'Ba kany wø pootge ni ge poot kär pëëö, løøa løø jïge, ni kany wø pootge ni ge poot cäänö, döötge puta ka wïnynyö.

Aydheea 65:9

'Ba aani, a kännö ki jiy ki røk nyïïkwaac Jeekap ki røk nyïïkwaac Juuda, nee ŋöömö mara na en bäät kïte nee cïba jïge na marge, nee ge na jiya na näk yaa jierø nee ge bëëtge yie, ni tïm kaace na kar bëëtö marge.

Jeremaya 30:12

«Luumma caan Wuuö Jwøki beeye en, ena köö, ni ‹Bëëtö maru na raac atïmö kaamar ŋwellø mo ba caŋŋi, ni bëëdö kaamar atwøda mo raac døc.

Jeremaya 31:12

Ni öge ni kwöŋge ki met ec bäät Kïn Dhayan, ni mïn yïthge ki gïïo beyø noo cïp Wuuö Jwøki jïge, ni beege beel, ki køøŋ nyïïomøki, ki maaw, ki nyïïdïëk ki nyïïrøøe. Ni ö bëëtö marge ni lødhe ni caala ajïniina mo di jøøyø ki pïï, ni bëëtge ni bäŋ öölö bäätge këët na bäre bäre.

Jeremaya 31:16

Man beeye mana caan Wuuö Jwøki, ena köö, ni «Weyu gøøc ko oduuru, ni pooyu pï nyeŋŋu, kiper öölö maru ba cam paapi; jø pou duuö ki yi ŋöömö mar nyïïmän.

Jeremaya 31:6

Kiper da nïne mo öö, mo jø wø kurö bäät kït Ipariem, ge cwötö ni köge, ni ‹Ööø maal, ni cøø maal Dhayan baŋ Wuuö Jwøk, Jwøk marø.› »

Jeremaya 31:9

Geno duui ni ge jwöŋö, ni bwødha geni ni ge lämö; ni wëëga geni wääth ni ge lwøra lak näm, ki øtjöö mo thïïŋ mo bäŋ gïn mo cwanyge tietge ree; kiper beeye aani na wää jø Icrielli, geni na jø Ipariem na caal kanynya.

Jeremaya 33:3

ni ‹Cwøl aani, løøa løø jïrï, ni cara gïï mo døøŋŋø jïrï mo tietge ba løny joot jïrï, mo kuyï.›

Jeremaya 50:28

Dwøl owïnyi, ni beeye dööt jiy moo rïŋŋi noo päny wøk ki Babiløn, ni caange cuut kwör mar Wuuö Jwøk, Jwøk marø, yi Dhayan, ni beeye cuut kwör mar øtø mare.

Jeremaya 51:10

« ‹Anyooth Wuuö Jwøki ni bäŋ ajäla bäätø; ööu, waa døø pøø ma Dhayan ni caanø gïna tïïc Wuuö Jwøki, Jwøk marø.›

Edhikiel 20:40

'Ba aani, a na Kwäärö Wuuö Jwøk, a caana gø, ni bäät kïdi mara na en kur keere, ni beeye kïnna bäär mar Icriel, u na jø dhi øt Icriel u bëët, aano tïnynyu bääte kaace yi ŋöömmece, ni jïëa uuni yie. Køøre uuno pëënynya kaace ki muuce mou moa beyø ki japu bëët moa en kur keerge.

Edhikiel 36:37

«'Ba man beeye luumma cäŋ Kwäärö Wuuö Jwøki caannø, ena köö, ‹Aani thuwø, jø Icriel ge tïïa tïïö naa pëënyge kiper nee gïn tïïa jïge: Jiy moge meeda meedø nee tïmge kaamar pïïth dïëk,

Mikiya 4:9

«?'Ba ennø, aperŋø ni gööï ko oduuru ni dwørï ena maal, ni baŋŋï kaamar dhaagø mo ogøøc mäc lwaarri en? ?Aŋø, beeye kiper mana bäŋe nyeya jïrï? ?A ŋat wø cïpi ki pwöc jïrï athøw?

Luk 6:21

Gwïëth en jïïu, u no onäk käci ennø, kiper uuno jäŋ. Gwïëth en jïïu, u ni jwöŋi ennø, kiper uuno ŋïëri.

Wëëlö Mana Göör Pøølli Baŋ Jø Röm 11:26

Kanyøgø nø jø Icriel bëët opiem. Kaawat mana gööri, ni «Pïëmi oööi ki yi Dhayan, ni käl ataa wøk cwïny jic Jeekap.

Epeca 3:20

Pwøc en jïre, eni ni wø løny jïre ki man tïïc gïï mo kaala gïï wø pëënynyø wala gïï wø caarø, ki køør teege ni wø tïïö cwïnynyø.

Mana Nyooth 5:4

Ni jwöŋa døc kiper na bäŋe dhaanhø mo ojoodø mo orømø ki man jap wëëlö wala neena yi gø.

Mana Nyooth 7:17

Kiper Nyidiel ni en dï thudhi tïmö na dïkwääy marge, ni nyooth geni kwör jøør mo pï kwøw, 'Ba Jwøk pï nyeŋge opwøe bëët.»