Aydheea 30:18 - Wëël Jwøk

¹⁸ 'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 30:18 Iomraidhean Croise

Jööp 35:14

A ïïni nø, ï na Jööp, dwørï owïny Jwøki nidïï, ni kööï ni eni kärï joodø en, ni luubö marï ena nyïme niï koora eni!

Bwøth Wøk 34:6

Køøre eni na Wuuö Jwøk apöödhö ki nyïm Modhe, ni cäänö, ni «Beeye aani na Wuuö Jwøk, Jwøa näk yie bäth ni wø nyooth met ec mare jï jiy, ni wø ba laar wëër, ni mëëye ni wø ba jøøl päl, na adïëri mare okadhø;

Pwöc Leec Wïc 16:20

Ŋat wø cek ïthe ki pwöc jïtö ki bëëtö mo beer, ni gwïëth wø ena jï ŋat wø bëëdö ni ŋäätha Wuuö Jwøk.

Aydheea 18:4

Kiper man beeye gïna caan Wuuö Jwøki jïra, na kööe, ni «Aani a bëëdö naa lïŋö naa rääŋö ki kanya ena yie kar bëëtö mara, kaamar däär cäŋ man wø rieny ni lïëth, ni tïme kaamar pöölö mo ŋec kany wø näk ri kac beel ni cäŋ kwaar.»

Aydheea 2:11

'Ba nyøth røk ka atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 2:17

'Ba atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 28:17

'Ba ŋøl mana na adïëri otïïa ni caala thøøl man wø røm tiir mar øtø ki gø, ni tïïa bëënynyö ni caala thøøl man wø røm tiir mar dëër øtø ki gø. Køøre pey opänhnhi ni raany tööt mana gwøk uuni, ni kwön jwïïe ni raany kwöra kanu dëëtu yïthge.

Aydheea 33:2

Wui, Wuuö Jwøk, nyooth met ec marï jïwa, kiper wa bëëdö ni wa raŋŋa jïrï. Tïmï ni ïïna teek marwa cooth ka amöölla, ni bëëdï ni ïïna pïëmi marwa kanyo enwa yïth gïï mo leth.

Aydheea 33:5

Wuuö Jwøk kare dwøŋ, ni eni bëëdö maal; eni ŋøl mana na adïëri ki bëët adïëri otïïe ni dwøŋ yi Dhayan.

Aydheea 40:31

'Ba jiy mo wø bëëdö ni ge ŋäätha Wuuö Jwøk ge jïtö ki teek mo nyään; ni määtge ki bwöm kaamar odhuuth, ni rïïŋge ni ge ba ööl, ni cääthge ni tietge ba øc piny.

Aydheea 42:14

Wuuö Jwøk aköö, ni «Aana bëëdö ki kany mo bäär naa lïŋö, aana bëëdö ni aano nikïïl ni dëëra yaa juunynyö. 'Ba ennø, kaaman wø tïïc dhaagø mo ogøøc mäc lwaarri, aani, a köök ni jwëëya døc ni laba ree.

Aydheea 42:16

Cööye bwødha bwødhø ki waŋjöö mo kucge, ge pieya pieyø ki nyeŋ jïëthe mo kucge. Muudhö tïïa tïïö na tar nyïmge, ni ö kwöra gwalli øtjöö ni tïïa ge ni pøøth. Gïïögøøni beege noo tïïa, ni ge ba wïïa jaak ni kära tïïö.

Aydheea 48:9

'Ba kiper nyeŋŋa nø, wëër mara jooa jooø, ni cïba cwïnya piny kiper ajiem mara, nou ba ŋula wøk.

Aydheea 5:16

'Ba Wuuö Jwøk, eni na wïth jammi bëët, nyeŋŋe obëëdö ni ena maal ki ri ŋøl mare; ni ö eni na Jwøk na en kur keere ni nyooth ree ni eni ena kur keere ki køør bëënynyö mare.

Aydheea 55:8

Kiper Wuuö Jwøk aköö, na «Acaare 'moa ba caal acaare mou, ni uutjïëthe 'moa ba caal uutjïëthe mou.

Aydheea 57:16

Kiper a ba bëëdö naa jälla geni cooth, naa ba gooti ki geni cooth; kiper noo nøøya ge, jwïëcge ränynyö nyïma, ni beege jwïëy moa cïba jïge, ge na cwääa.

Aydheea 61:8

Wuuö Jwøk aköö, «Kiper aani, a na Wuuö Jwøk, a mëër ki ŋøl luup ma adïëri, naa män ki kwal, ni mäna ki gïï mo reyø. 'Ba ki køør adïëri mara, aani jiya ŋada ŋadø, ni tuda ki luubö ki geni mo bëëdö na bäre bäre.

Aydheea 64:4

Ki mana käl ya acääŋŋe cøøn, bäŋ jwøk mo owïnynyö wala mo ïth ocieø kipere wala mo oneenø, 'ba bee ï keerï, ï ni wø tïny jø wø koor ïïni.

Aydheea 8:17

'Ba aani, Wuuö Jwøk na kan täärnyïme ki dhi øt Jeekap koora koorø; ni bëëda naa ŋäätha gø.

Jeremaya 17:7

«'Ba gwïëth ena bäät ŋat wø ŋääth Wuuö Jwøk, ni ŋäädhe mare ena dëër Wuuö Jwøk.

Jeremaya 42:7

'Ba kanya tïme na køør nïne apaar, dwør Wuuö Jwøk aö bäät Jeremaya.

Daniel 12:12

Gwïëth en bäät jø wø kurö ni cwïnyge ege maaø noo pïï ri nïne ma kuma ki dïpe adäk ki pïëradäk ka abïïc.

Odheea 1:7

'Ba aani, yia obäädha ki dhi øt Juuda, ni piema geni ki køør teek mara, a na Wuuö Jwøk, Jwøk marge, ni pïëm mara mano piema ge ki gø paa ka atheerø, wala ko opëëllö, wala leny, wala ko okwëënyi, wala ki jø wø këëdi ki bäät okwëënyi.»

Odheea 2:14

«Kiper manøgønø, a cøøa kuna cäänna gø ki luup mo met, ni bwødha eni dïtëën ni cäänna gø ni met ec yaa nyoodhø jïre.

Odheea 5:15

Køøre a aay ni døøa kar bëëtö mara, këël kanyo ŋäcge gïïa reyø na tïïcge, ni duuge ni manyge täärnyïma. Kanyo enge yïth gïï mo leth, aano manyge døc.

Milkiya 2:17

Uuni, Wuuö Jwøk aööllu ki luup mou. 'Ba uuna köö, ni «?Eni ewa öölö nidïï?» Beeye kiper mana kööu, ni «Ŋat wø tïïc gïn mo raac poot beer ki nyïm Wuuö Jwøk, ni Wuuö Jwøk yie met ki ŋatøgø.» Wala u köö, ni «?Jwøk ni wø ŋøl luup na karge en kaa?»

Luk 15:20

Ni ö maal ni tïŋŋe ni ci baŋ wänni. 'Ba kanya poode ni kare bäär, ena joot wänni, ni päth cwïnye ki gïr gø, ni reŋe ni gääm gø, ni nuum dhi gø.

Luk 2:25

'Ba kanyøca da ŋat mo ena yi Jerucalem mo nyeŋŋe cwøl ni Cimien. 'Ba ena dhaanhø mo beer ni cwïnye ena køør Jwøk, ni bëëde ni køya ŋato cøm cwïny jø Icriel. Ni Jwïëc Jwøk na en kur keere ena bääte.

Moa Tïïc Nyïïatwieli 5:31

'Ba ena cuum Jwøki bäät cwïïe ni tïïc gø na Kwäärö ni näk Pïëmi, kiper nee jø Icriel wëëk løk cwïnyge, ni wec raay moge.

Wëëlö Mana Göör Pøølli Baŋ Jø Röm 5:20

'Ba ciik Jwøk aci yie thuwø kiper nee rääc luumma dhal nyoodhe ni päl. 'Ba kanya ö raayi na pälle, met ec opällö ni kadha eni,

Wëëlö Mana Göör Pøølli Baŋ Jø Röm 9:22

Këël na bëëde ni Jwøk manynya man nyooth wëëye nee teege tïïc ni ŋäc, ena tïmö ni poot bëëdö ni cwïnye ee cïp piny ki gïïo wëërö ki geni na rømø ki raanynyø,

Epeca 1:6

nee met yie na bäŋ teeŋe na cïbe jïïø ki bäth ec dëër Omëëye, nee pwøø.

Epeca 1:8

na wëëk øøni ni päl ki ra acaaya dwøŋ, ki ŋäc tiet jammi.

Tiet Ciik 32:4

Wuuö Jwøk na näk Jwøø teek, ni tïïe moe beege karge; ni uutjïëthe moe bëët tiir. Ena Jwøk mo mare di ŋäädhö, ni bäŋ gïn mo raac jïre; eni beer ni mare thïïŋ.

Jeemeth 5:11

'Ba neennu, jø wø ba dääŋi wø cwølø cwølø ni yïthge met. 'Ba bëët Jööp na bëëde kare awïnynyu, ni neennu gïna tïïc Wuue kipere ya aŋuudi, kaawat mana bëët Wuuö ni yie bäth, ni cwïnye laar pädhö ki gïr dhaanhø.

2 Piter 3:15

Ni ŋäyu gøøni ni koor mar Kwääyø ni bëëdö ni cwïnye ee cïp piny beeye kiper nee ø piem. Ni beeye mana göör cöögø ma Pøøl na näk omëëyø jïïu, ki køør leec wïc mana wëëk eni,

2 Piter 3:9

Kiper Wuuö ba dwiil ki mana buue, keda man wø caan jø møøki ni dwiil, 'ba eni poot koora uuni ni cwïnye ee cïp piny, ni bäŋ ŋat manynye nee ränynye, 'ba eni manynya jiy bëët nee thumge ri løk cwïny.

1 Camiel 2:3

'Ba u na jiy, kär cäänö maau ree këët nou ŋwöö; kär dee gïn ma gïr ŋwøe mo cura dhøgu; kiper Wuuö Jwøk beeye Jwøk mo jammi bëët ŋäya eni, ni beeye eni wø neet bëëtö mar jiy.