Aydheea 30:17 - Wëël Jwøk

¹⁷ Jiy ma kuma dëëtu, oriem dhaanhe acielli keere, ni rïïŋu nou ŋwieya jiy abïïc keerge, këël mano noubay bäät kïte, ni tïmu kaamar jaath mo bäär mo ocwöth wï kïdi, nou caala gïn ma ŋïï mo ena bäät thuur.»

Aydheea 30:17 Iomraidhean Croise

Pwöc Leec Wïc 28:1

Ŋat raay wø böö jaak ni bäŋ ŋat mo oŋwiec køøre, 'ba ŋata mare beer cwïnye da cer ni caala ŋuu.

Aydheea 27:11

'Ba kanyo tal bäädi moøgø, ge di tøyø, ni ö määnni ni møøtge ge na jer maac. Kiper jiy moøgø paa jiy mo wïnyö ki luup. Kiper manøgønø, ŋata tïïc geni na jiy, cwïnye ba ware ki geni; ŋata cwääc geni, cwïnye ba cïp piny ki geni.

Aydheea 6:13

'Ba këël ni näk mo dööŋŋa dhaanhø aciel ki ra apaar yi ŋöömmögø, poot cäŋa waaŋ; ni tïmge kaamar jaath mo teek kanyo ŋødi piny ni dööŋ gutö mare. 'Ba gutö manøgø beeye noo tïmö na kunhnhö mana näk ena kur keere.»

Jeremaya 37:10

Këël doo naa jø leny bëët mo jø Babiløn moa këëdö ki uuni you böötö, ni tïme ni dööŋŋa jiy moa näk dëëtge da ŋwiili keerge, ŋati man nø dïge doo ööa wøk ki yo oduŋkaara mare ni öge maal ni waaŋge paac man.› »

Wëël Kïmmö 4:19

Jiy moa ŋwiec køørø ge rïïŋö døc ni kaala olwiith mana na agweec. Køørø aŋwiecge bäät kïte, ni møørge piny nyïmmø dï paap.

Ciik Kiper Dïlämme 26:17

Aani dëëtø neenø neenø ki uuni, ni ö nyïïmän mou ni böötge uuni. Jiy moa män ki uuni, uuno bëëdö tietge, ni bëëdu nou böö ni bäŋ ŋat mo oŋwiec køøru.

Ciik Kiper Dïlämme 26:36

« ‹'Ba jiy moo dööŋ ni kwøw dëëtu, cwïnyge kïtha kïthö ki lwär yïth ŋøøp nyïïmän moge, ni dwør bøøŋ jaath mo otuk jame ge puta bwøk ki gø, ni bëëtge ni ge rïïŋö ni bäŋ ŋat mo ŋwieya køørge, keda ge ŋwieya leny, ni putge päänhnhö.

Ciik Kiper Dïlämme 26:8

Jiy abïïc dïïu nyïïmän ma dïpa riemge riemmø, ni ö jiyi ma dïpa ni riemge nyïïmän ma kume apaar, ni put nyïïmänni mou päth ceŋŋu dhi tøŋ maru.

Amøc 2:14

Këël dhaanhø mo ŋwïëy ŋääe ba bøth, ni ö ŋata dëëre teek ni bänh dëëre, ni ö ŋat lenynyi ni ba piem jwïëye.

Jepaniya 3:12

'Ba aano kïth yi Jerucalem ki jiy mo mwöl mo dëëtge ege dwøk piny, ni putge bëëtö ni geno göök ri nyeŋŋa, a na Wuuö Jwøk.

Wëëlö Mana Göör Pøølli Baŋ Jø Röm 11:17

'Ba ni näk bäädi møøk otuur wøk, ni ö ïïni na näk jaath paap ni rap ïïni karge niï nywaagï beeny jaath paac,

Tiet Ciik 28:25

«Wuuö Jwøk u wëëge böötö nyïm nyïïmännu. U aa wøk baŋ leny baŋge nou caatha jöö aciel; 'ba u bwøk nyïmge ni reŋu ki uutjïëthe abïriiø, ni ö wïth juurre mo bäät piny ni bwøk cwïnyge ki gïïa tägö dëëtu.

Tiet Ciik 32:30

?Aŋø, doo na ge kär wec Wuuö Jwøki, Jwøge na teek, na cïp geni ceŋ nyïïmänge, nyimän aciel jø Icriel ma kuma a dee gø riemmø nidïï? ?A nyïïmän ariiø thuwø jiy ma kume apaar a dege gø riemmø nidïï?

Jøcua 23:10

Dhaanhø aciel dëëtu jiy ma kuma di riemmø, kiper beeye Wuuö Jwøk na näk Jwøu na bëëdö ni këëdö kiperu, kaawat mana nø caan gø jïïu.