Aydheea 30:16 - Wëël Jwøk

¹⁶ Uuna köö, ni ‹Ba løny, wa päära wøk ko okwëëc lääy, wa päära wøk ko okwëëc lääy mo rïïŋö døc.› Wøp nø, uuno päär wøk! 'Ba jiy moo rïŋ køøru ge rïïŋö døc ni kaala uuni.

Aydheea 30:16 Iomraidhean Croise

2 Nyeye 25:5

'Ba jø leny mo jø Babiløn aläp køør nyeya ma Cëdëkiya, ni maage gø pwöl Jerikö, ni keeth jø lenynyi moe bëët buute.

Jööp 39:11

?Aŋø, løny jïrï ki man ŋääthï gø kiper teek mare na dwøŋ? ?Aŋø, tïïc marï na teek løny jïrï ki man leeŋï gø bääte?

Aydheea 2:7

Yi ŋöömö marge opäŋ ki warkey ki gwet-bïrö, ni jap kwärö moge ba løny ki kwaan; ni ŋöömö marge thuwø päŋ ko okwëëc leny, ki jïëth okwëëc leny mo ba løny ki kwaan.

Aydheea 31:1

Wui, otïmö ni leth jï jø oci Ijep kiper køny, ni beege jø wø kïth ŋäädhe marge bäät okwëënyi, ni wø ŋääth thööth mar jïëth leny mo wø tut okwëënyi, ni wø ŋääth teek mar jø leny mo wø këëdi ki bäät okwëënyi; 'ba geni, ge kär göök ri Jwø Icriel na en kur keere, ni kärge eni manynyø, eni na Wuuö Jwøk.

Aydheea 31:3

Kiper jø Ijep gena jiy, ni ge paa Jwøk, no okwëënyi moge beege lääy jaak, ni teek marge ba bëëdö na bäre bäre. 'Ba Wuuö Jwøk cere orwiee, ni ö ŋata cïp køny ni cwaany tiere, ni ö ŋata køny ni pädhe, ni ö geni bëët ni putge ränynyö na aciel.

Jeremaya 39:4

'Ba kanya ö Cëdëkiya nyeny Juuda ki jø leny moe na jootge jøøgø, gena put bwøk wøk yi pääny ki dï wäär, ni aacge ni ge cøra øtjöö man wø cør ya ajïniin nyeya, ni ge dønyi ka dhi kiir mana en yïthakic kiiri moa na ariiø, ni aacge ki øtjöö ni ge coonya goor Jördan ni wø cwøl na Araaba.

Jeremaya 4:13

'Ba ka adïëri møn, dëëc öö bäre kaamar pøøl mo mäännö, ni ö jïëth lenynyi moge mo wø tut okwëënyi ni öge kaamar atuunna; okwëënyi moge rïïŋö døc ni kaala olwiith. 'Ba otïmö ni raac jïïø, kiper beeye ränynyö marø.

Jeremaya 46:6

«Ŋata tiere piew ba jöömmi, ni ŋata näk oteeø ba bøth; kanyo enge yie jï løø wï-piny bäät Naam Upareeti, tietge cwanyge cwanynyø ni päänhge.

Jeremaya 52:7

Køøre kiir mar pääny atuc jø Babilønni. Ni ö jø lenynyi bëët mo Juuda ni bwøkge ki wäär ni putge døny wøk ni ge cøra dhi kiir mana en yïthakic kiiri moa na ariiø na en buut ajïniin nyeya, këël na bëëde ni jø Babiløn pääny ege ciel dïër bäre; ni aacge ni ge coonya goor Jördan ni wø cwøl na Araaba.

Wëël Kïmmö 4:19

Jiy moa ŋwiec køørø ge rïïŋö døc ni kaala olwiith mana na agweec. Køørø aŋwiecge bäät kïte, ni møørge piny nyïmmø dï paap.

Amøc 9:1

Kwäärö Wuuö Jwøk ajooda ni cuŋŋö buut gïn wø cïp olämme bääte, ni kööe, ni «Gøøc were mo øt lam këël mano tïm dëër øtø ni jäŋŋi, ni tøc were ni päthge wïth jiy; køøre jiy moo dööŋ nääa nääö ri leny, ni bäŋe ŋat mo reŋi rege, ni bäŋ dhaanhø aciel mo bøth dëëtge.

Mikiya 1:13

U ni wø bëëdö Lakic, twöu jïëth leny dëët okwëënyi ni reŋu! U na jø Lakic, bee u na täk raay dïkwøŋ jï jø Dhayan kiper gïïa bac jø Icrielli ajoot baŋu.

Abakuk 1:8

Okwëënyi moge rïïŋö døc ni kaala kwäänynye, ni ge kämö ni kaala orude mo wø lwääge ki wïthïënhö. Jø leny moge ge rïïŋö døc ki bäät okwëënyi, ni ge rïŋŋi ki kany mo bäär, ni ge määnni kaamar odhuuth mo päära bäät gïrpiny.

Tiet Ciik 28:25

«Wuuö Jwøk u wëëge böötö nyïm nyïïmännu. U aa wøk baŋ leny baŋge nou caatha jöö aciel; 'ba u bwøk nyïmge ni reŋu ki uutjïëthe abïriiø, ni ö wïth juurre mo bäät piny ni bwøk cwïnyge ki gïïa tägö dëëtu.

Tiet Ciik 28:49

«Wuuö Jwøk känna bäätu ki wï jur mo käla kany mo bäär ya aŋuun piny, ni läänge baŋu ka man wø lään coorri piny, ni beeye wï jur mo dhøkge ba wïnynyu,