Aydheea 30:15 - Wëël Jwøk

¹⁵ Kiper man beeye gïna caan Kwäärö Wuuö Jwøki, Jwø Icriel na en kur keere, ena köö, ni «Ki man løgu cwïnynyu ni jïtu ki jwöm, beeye jöör pïëm man piem uuni ki gø, ni ö bëëtö man bëëdu nou lïŋö nou ŋäätha aani, ni näk beeye teek maru; 'ba gïnögø käru jïëö.

Aydheea 30:15 Iomraidhean Croise

1 Luup Nyeye 5:20

'Ba kanya këëtge ki jø Agara, gena køny Jwøki ri leny kiper mana jwöŋge dëër Jwøk ni ŋääthge gø, ni ö Jwøki ni køny geni ki leny, ni cïp jø Agri ceŋge ki jøøa en løøge.

2 Luup Nyeye 16:8

?Aŋø, ba thöötha jø leny mo jø Kuuc ki jø Libya, ki jïëth leny moge na thööth mo wø tut okwëënyi ki jø leny moge mo wø këëdi ki bäät okwëënyi? 'Ba kiper mana bëëdï niï ŋäätha Wuuö Jwøk, gena cïp Wuuö Jwøki cerï.

2 Luup Nyeye 32:8

Jø leny moøke ni en buut nyeny Aciria yøøke beege jø leny mo ŋäätha teek mar dhaanhø; 'ba ŋat en buutø en beeye Wuuö Jwøk, Jwøk marø, noo køny øøni noo këël leny marø.» Køøre jiy cwïnyge aputge cøm ki luup Edhekaya nyeny Juuda.

Bwøth Wøk 14:14

Wuuö Jwøk okëëdi kiperu, 'ba uuni u doo bëëdö mëëth jaak.»

Aydheea 28:12

Kiper eno kwøŋ köö jïge, ni «Jwöm en; beerra man ö jiyi moa no oööl ni jïtge ki jwöm;» ni kööe, ni «Kar jwöm bee en,» 'ba gena kweer.

Aydheea 30:11

Weyu jöör adïëri manøgø, ni daagu rou yie; wa ba many gø këët nee dee gïn mo wïnywa wïnynyö kiper Jwø Icriel na en kur keere.› »

Aydheea 30:7

kiper køny mar Ijep bäŋ tiere. Kiper manøgønø, ena cwøla ni «Reeyap na näk bäŋ gïn mo løny ki tïïc jïre.»

Aydheea 32:17

'Ba tïïc mar bëët adïëri tïmö na bëët-mëër, ni gïno duu bëët adïëri beeye bëëtö mëëth ki ŋääth røk mo bëëdö ni nut na bäre bäre.

Aydheea 32:18

Køøre nø, jiya obëëdö kany mo nuta bëët-mëër yie, ni beeye kany mo jiy bëëdö no ogwøø yie, mo jiy jïtö ki jwöm yie ni bäŋ okiera.

Aydheea 40:31

'Ba jiy mo wø bëëdö ni ge ŋäätha Wuuö Jwøk ge jïtö ki teek mo nyään; ni määtge ki bwöm kaamar odhuuth, ni rïïŋge ni ge ba ööl, ni cääthge ni tietge ba øc piny.

Aydheea 42:24

?Aŋa na tïïc Jeekap nee mak ki tøŋ? ?Aŋa na tïïc eni na Icriel nee twier? ?Aŋø, patha Wuuö Jwøk na bääyø dëëre, na kweerø ki man cäädhø ki uutjïëthe moe, na kweerø ki man jïëø ciik moe?

Aydheea 45:22

«U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Aydheea 7:4

Ni caanï gø jïre, ni ‹Gwøk riï, ni cïbï cwïnyï piny, ni ba lwäyï, ni ö cwïnyï ni ba pädhe kiper wëër mar Recin ki jiye ma jø Aram, ki wëër mar o Remaliya, jøøgø na ariiø yøø ni caal dhøk ameethi ariiø mo marge duuŋ jaak.

Jeremaya 23:36

'Ba u tïmö nou ba cäänö këët kiper dwør Wuuö Jwøk mana caal tëër, kiper ŋato cäänö, luubö mare otïmö na tëër bääte, kiper mana daaŋŋu luup Jwøa kwøw, Jwøk maru, eni na wïth jammi bëët.

Mathiew 22:3

ni jääŋ laaŋe moe wøk kuna cwølge jøøa näk ocwølø kar cam nywöm. 'Ba jøøgø akweer ki öö.

Mathiew 23:37

«Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø?

Luk 13:34

«Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø?

Jøøn 5:40

'Ba u kweeyø ki man ööu baŋa nou jïtu ki kwøw.

Ibaru 12:25

Gwøgu rou nou ba kweerru ki ŋatøgø ni cäänö enø. Kiper ni näk jøøka kär bøth kanya kwierge ŋata kööm geni piny, ø ba bøth na bäre bäre ni näk ŋat wø kööm øøni ki maal yøø kwierø.