Aydheea 30:14 - Wëël Jwøk

¹⁴ Ni pädhe kaawat man wø päth daki ni wø peti na thäŋi, ni bäŋ abat mare mo dööŋ mo rømø ki man käär maac ki gø, wala man twøm pïï ki gø yi iith.»

Aydheea 30:14 Iomraidhean Croise

Jööp 27:22

Jamø manøgø okwöt bääte ni bäŋ bäth ec mo nyoodhe jïgø; 'ba opääre ki man päär wøk ki yi teek jamø manøgø.

Pwöc Leec Wïc 6:15

Kiper manøgø nø, gïï mo leth opïï bääte ki kany mo thiinh, ni ö ränynyö ni cwöp dëëre, ni bäŋe gïn køny gø.

Aydheea 27:11

'Ba kanyo tal bäädi moøgø, ge di tøyø, ni ö määnni ni møøtge ge na jer maac. Kiper jiy moøgø paa jiy mo wïnyö ki luup. Kiper manøgønø, ŋata tïïc geni na jiy, cwïnye ba ware ki geni; ŋata cwääc geni, cwïnye ba cïp piny ki geni.

Aydheea 30:26

Kanyøgø tar mar dwääy otïmö ni caala tar mar cäŋ, ni ö tarri mar cäŋ ni rienye døc no omëëtö ki kwöre abïriiø, ki tar mo röömi ki tar mar nïne abïriiø. 'Ba yi cäŋ manøgø beeye cäŋ mano ö Wuuö Jwøki noo 'käl gïïa leth wøk bäät jiye, ni beeye kanyo wëëk atwøt caŋŋø yie moa kïth dëët jiye.

Aydheea 47:14

Neenï, jøøgø, ge tïmö kaamar luum mo otal, ni waaŋi ya maaci. Geni, ge ba løny ki man piemge dëëtge cer teek leep maac. 'Ba manøgø paa maac mo di juŋö ki gø, ni paa maac mo pïïa piny deŋŋe.

Aydheea 65:7

ni beege raay moa tïïcge ki moa tïïc kwäcge. Manøgø caana aani, a na Wuuö Jwøk. 'Ba kiper mana bëëtge ni ge wääŋö ki jer wø jïcge ŋwääi ni met bäät kïte, ni ge janynya aani bäät thuuri, gïïa tïïcge coola coolø ni yaa rømø ki køør tïïe moge moa dïkwøŋ na reyø.»

Jeremaya 13:14

Ni tïïa geni nee dëëtge nyathge keerge, ni beege jø døøŋŋø ko obwöre bëët. 'Ba aani, cwïnya ba doo pädhö ki gïrge, ni cwïnya ba daa bäädhö ki geni, ni yia ba daa warø ki geni, ni ge ba wiia ki man raanynya geni.› » Luummögø caana Wuuö Jwøki.

Jeremaya 48:38

Yïth uudi mo Möap bëët, ki kwör acooŋe moe, tïmö ni beeye oduuru keere noo wïnynyi, kiper a na Wuuö Jwøk, jø Möap nyadha nyadhø kaawat man wø nyath dak mo bäŋ ŋat mo many gø.

Wëël Kïmmö 4:2

Wäät Dhayan na beer marge pääri ka warkey mana tøŋ, geno tïmö ni caala dääe nidïï mo wø tïïc dïcwäc dääe ki ceŋge!

Edhikiel 24:14

A na Wuuö Jwøk, luubö mara anø caana. Cäŋ man tïïa yie aløny ni öö. Aani cwïnya ba wara, ni bäŋ bäth ec mo nyoodha jïrï, wala ki man päth cwïnya ki gïrï. Aani ï jääla jäälö ki køør uutjïëthe moï ki japa reyø na tïïyï.› Luummögø caana aani, a na Kwäärö Wuuö Jwøk.»

Edhikiel 5:11

Kiper manøgønø, Kwäärö Wuuö Jwøk aköö, ni «Ka adïëri møn, kaawat man bëëda naa kwøw en, kiper mana päätï øtø mara na en kur keere ki kït gïï wø lamï na reyø døc, ki gïïa näk ec raac ki ge, aani ki dëëra raa paanya paanyø buutï, ni ba nyoodha bäth ec mara jïrï wala ki man wara cwïnya ki ïïni.

Edhikiel 7:4

Aani, cwïnya ba pädhi ki gïru, ni ba wara cwïnya ki uuni; 'ba aani, u jääla jäälö ki køør bëëtö maru ki japa raac yia ki ge na en dïïu. Køøre nø, ŋäyu ŋääö ni bee aani na Wuuö Jwøk.›

Edhikiel 7:9

Aani, cwïnya ba pädhi ki gïru, ni ba wara cwïnya ki uuni; 'ba aani, u jääla jäälö ki køør bëëtö maru ki japa raac eci ki ge na en dïïu. Køøre nø, ŋäyu ŋääö ki man näk mo beeye aani na Wuuö Jwøk na jääl uuni.

Edhikiel 8:18

Kiper manøgønø, a wëër ki geni. Cwïnya ba pädhi ki gïrge këët, ni ba wara cwïnya ki geni. Ge këël doo jwöŋö deŋ ïtha ni döötge ena maal, aani ïtha ba ciia ko oduuru marge.»

Edhikiel 9:10

'Ba aani cwïnya ba pädhi ki gïna tägö dëëtge, ni ba wiia geni, 'ba tïïe moge na reyø dwøga wïthge.»

Luk 4:2

Ni bëëde paap ki nïne ma pïëraŋween, ni pääny anägö päänynyö, ni bäŋ gïn mo ee camø yïth nïrögø. 'Ba na thum nïrögø, ena näk käci.

Wëëlö Mana Göör Pøølli Baŋ Jø Röm 11:21

Kiper ni näk Jwøk bäät jaadha näk jaath paac käre wiiø, ï ba wiie thuwø.

Wëëlö Mana Göör Pøølli Baŋ Jø Röm 8:32

?Ŋata kär män Wääde kiree, 'ba acïbe kiperø bëët, jammi bëët ba dee mëëga øøni ki eni na aciel?

Tiet Ciik 29:20

Wuuö Jwøk ba jïëy ki man wëën teeŋ ŋat ma enøgønø na bäre bäre, 'ba ki køør këëny mare, wëër mare liel kaamar maac dëër ŋatøgø. Køøre acëënne bëët moa näk ogöörö yi wëëlö man ööa bääte, ni ö Wuuö Jwøki ni raany nyeŋ gø, ni tïme ni kuc bäät piny.

Mana Nyooth 2:27

keda mana ö Wära na wëëk a teek thuwø.» « ‹Ni ö eni ni dïïm geni ka athøny nywïënyö, ni pööt geni ni keeth ge na thäŋi keda thäk dak mo ogøø piny,›