Aydheea 30:12 - Wëël Jwøk

¹² Kiper manøgønø, man beeye gïna caan Jwø Icrielli na en kur keere, ena köö, ni «Kiper mana kwierru luubö mara, ni tïme nou ŋäätha teek maru ki man caaru jiy, nou cuŋŋa ri cwøk,

Aydheea 30:12 Iomraidhean Croise

Pwöc Leec Wïc 24:2

kiper cwïnyge wø caara bëët dïwït, ni dhøkge wø cara luup gïï mo reyø.

Aydheea 26:21

Kiper ka adïëri møn, Wuuö Jwøk öö ki maal kar bëëtö mare, ni ö piny kuna jääl jiy moa en bäät piny kiper raay moa tïïcge. Ni ö rem jiy moa no okøny piny no okanø ni nëëne, ni ba løny këët ki man ö ŋøømmi ni kan jiy moa no onääö.

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 3:14

Ni ö Wuuö Jwøki ni täge ki løøk ki jø døøŋŋø ki dïbwöthe mo jiy moe, ni kööe, ni «Bee u ki dëëtu na raany pwöth omøki, ni jammi moa twierru baŋ jøøa can ena yïth mïëri mou.

Aydheea 3:15

?Tiere ŋø cøøn ni thielu jiy 'moa piny en, ni røtu täärnyïm jiy moa can ki yïth ŋøøm?» Manøgø caana Wuuö Jwøki, eni na wïth jammi bëët.

Aydheea 30:1

Wuuö Jwøk aköö, no «Otïmö ni leth jï obwöre moa wïthge teek, jø wø cïp piny ka acaare ni tïïcge gø, ni patha ki køør mana manynya, ni wø tudö ki luup, ni patha ki køør Jwïëy 'moa, ni ge meeda raay bäät raay moge møga.

Aydheea 30:7

kiper køny mar Ijep bäŋ tiere. Kiper manøgønø, ena cwøla ni «Reeyap na näk bäŋ gïn mo løny ki tïïc jïre.»

Aydheea 47:10

Ïïna bëëdö ni ïïno göök ri gïïa reyø ni wø tïïyï, ni kööï, ni ‹Bäŋ ŋat maa di joodø.› Leec wïc marï ki kwänynyö marï, ïïna tïïcge niï gaaï wøk. Kiper ïïna nø köö ki yi cwïnyï, ni ‹Bee aani keera, ni bäŋ ŋat mør këët mo kaala aani.›

Aydheea 5:24

Kiper manøgønø, kaawat man wø ö leep maaci wø gam lethø, ni ö luummi mo otal ni thööri ya maaci, geni thuwø ge tïmö kaamar jenni mo lweetge otøp, mo bøøkge køøl jame køølø kaamar tør; kiper ciik Wuuö Jwøk, eni na wïth jammi bëët, akwierge, ni taakge luum gø, eni na Jwø Icriel na en kur keere.

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Aydheea 59:13

ni beege tïïc gïïa reyø, ki mooŋ Wuuö Jwøk, ki løø nyïm wøk ki Jwøk marø; ka acoona mar caar jiy, ka ageem, ki car luup tööt mo wø cooŋø ki yïth cwïnynyø.

Aydheea 59:4

Bäŋ ŋat mo caath køør ŋøl luup ma kare, ni bäŋ ŋat mo cäänö ka adïëri kar ŋøl luup. Uuna tïmö nou ŋäätha luup mo bäŋ tietge, nou cara luup tööt. Ni ö gïïa reyø na tïïyu ni tïme ni ena yïthu kaamar dhaanhø mo ena ec, ni puti nywøl na gïn mo raac.

Aydheea 7:9

Pääny mana dwøŋ mar Ipariem beeye Cameria, ni bwödhi mar Cameria beeye o Remaliya. Ni näk mo gïnögø ba ŋääthu, ka adïëri møn, u ba ruu.» › »

Aydheea 8:6

ni «Kiper mana ö jø Juuda ni kwierge pïï moi ni muuli mëëth ii na käl Naam Cilöa, ni tïme ni yïthge mïnni ka Recin ki o Remaliya,

Jeremaya 13:25

Ni man beeye kurï, gïno tïïa dëërï, kiper wïïï awïl ki aani, a na Wuuö Jwøk, ni bëëdï niï ŋäätha luup tööt.

Amøc 2:4

Wuuö Jwøk aköö na ennø, ni «Kiper mana ö jø Juuda na kaathge bääyö marge, a ba døø ŋääa ki man jääla geni, kiper mana kwierge ciik Wuuö Jwøk, ni kärge luumme gwøø; ni gaage wøk thuwø køør juu mo patha adïëri moa cääth kwäcge køørge.

Luk 10:16

Ni kö Jecu jï bääge, ni «Ŋato wïny maru, wïnynya mara. Ni ŋato kwier uuni, kwiera aani. 'Ba ŋato kwier aani, kwiera eni na jääŋ aani.»

1 Thecalönika 4:8

Kiper manøgønø, ŋato taak luummögø, ba taak dhaanhø, 'ba taaga Jwøk, ŋat wø cïp Jwïëye na en kur keere jïïu.