Aydheea 30:10 - Wëël Jwøk

¹⁰ jø wø köö jï jø wø nyuunh Wuuö Jwøki ki luup mo wø nyooth ki yi wïc, ni ‹Kär dee gïï mo neennu;› ni wø köö jï nyïïkuk Jwøk, ni ‹Kär luup ma adïëri mo wø nyooth jïïu caannu jïwa; 'ba caru luup mo cwïnywa mïnnö ki ge, këël doo na cwøk jaak.

Aydheea 30:10 Iomraidhean Croise

1 Nyeye 21:20

'Ba Akap aköö jï Ilaaja, «Wui, nyimän mara, aana nø jootï.» Køøre aput Ilaaja dwøgø, ni «Ïïna nø jooda møn, kiper dëërï agathï niï tïïya gïï mo nëëni ni reyø ki jï Wuuö Jwøk.

1 Nyeye 22:27

ni kööu, ni ‹Nyeya aköö ni kïthu nyeni øt twöc, ni mooyu eni ki cam mo thiinh ki pïï mo thenh këël kanyo duua ni bäŋ gïn mo otägö dëëra.› »

2 Luup Nyeye 16:10

Køøre Aca agootø ki nyikuŋ Jwøk ma Anani, ŋat wø joot jammi ki køør man wø nyooth Jwøki jïre, ni put gø kïth øt twöc, kiper cwïnye akëënynyö ki gø døc kiper luummögø. 'Ba yi kar kaaca, Aca aput tïmö ni jiy møøk di caannø thuwø.

2 Luup Nyeye 25:16

'Ba kanya poot nyikuŋ Jwøki manøgø ni cäänna gø, eni na nyeya ma Amaciya aput köö jï nyikuŋ Jwøk, na «?Aŋø, ïïna jierwa na ŋat cïp acaare jï nyeya? Lïŋï! ?Ï manynya thøø?» Køøre nyikuŋ Jwøk alïŋö ni kööe, na «Aŋääa møn ni Jwøk da gïn mo ee nø cïp piny ki man raany ïïni, kiper gïn ni tïïyï en, ni kweerï ki man wïnynyï luumma caana.»

Jööp 41:3

?Aŋø, løny jïre ki man kwaac ïïni nee bäth ec marï nyoothï jïre? ?Aŋø, løny jïre ki man mwøth ïïni ki luup mo met?

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 29:10

Kiper Wuuö Jwøk akän bäätu ki jwïëc niine mo thööth, ni wëëk nyeŋŋu nijïïm, u na nyïïkuk Jwøk, ni cïëk wïthu, u na jø wø joot jammi ki køør man wø nyooth Jwøki jïïu.

Aydheea 5:20

'Ba otïmö ni leth jï jø wø köö ni gïn mo raac beeye gïn mo beer, ni wø köö ni gïn mo beer beeye gïn mo raac; jø wø köö ni muudhö beeye tar, ni tar beeye muudhö, jø wø köö ni gïn mo keec ŋweeth, ni gïn mo ŋweeth keec.

Jeremaya 11:21

Kiper manøgønø, Wuuö Jwøk mare aŋøle kiper jø Anathöth, jøøa many man 'näkge aani, na köö, ni «Kär luum Wuuö Jwøk køpï, niï ba 'näkwa.»

Jeremaya 23:17

Ge wø köö cooth jï jø wø kwier dëëra, ni ‹Luumma caan Wuuö Jwøki beeye nou jïtö ki bëëtö mo beer;› ni köge jï jø wø cäädhi ki køør teek wïc mana öö ki køør rääö mana en cwïnyge, ni ‹Bäŋ gïn mo leth mo pïï bäätu.›

Jeremaya 26:11

Ni ö dïlämme ki nyïïkuk Jwøk ni köge jï jøøa kwörge døøŋŋø ki jiy bëët, ni «Nyeni en, mare ŋøl yi thøø, kiper gïï mo reyø akøbe dëër pääny man, kaawat mana wïnynyu gø ki ïthu.»

Jeremaya 29:27

?'Ba ennø, aperŋø nø na ba joogï Jeremaya nyï Anathöth ni køp luup jïïu enø?

Jeremaya 36:29

'Ba mano caanï kiper Jeyöakëm nyeny Juuda, wärï kööï ni mana caan Wuuö Jwøki beeye en: Ïïni, wëëlö man awaaŋï ni kööï, na ‹?Aperŋø na göörï gø ni nyeny Babiløn öö møn ni raany paac man ni tïïc gø ni bäŋ dhaanhø ki lääy mo bëëdö yie?›

Jeremaya 38:4

Køøre jøøa kwörge døøŋŋø gena köö jï nyeya, ni «Ennø, beerra man 'näk nyenøgø, kiper eni bäätha bäät jø leny ki jiy bëët moa näk odööŋ yi pääny man ki køør luup moa care jïge. Kiper nyenøgø ba many bëënynyö mar jiy moi, 'ba eni manynya ränynyö marge.»

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Amøc 2:12

'Ba uuni jø Nadhir amaathu ki kwøk nyïïomøki, ni köömmu nyïïkuk Jwøk nee dwør Jwøk ba køpge.

Amøc 7:13

'Ba kär luum Jwøk køpï këët Bëthël kany, kiper beeye kar lam mar nyeya, ni näk øt lam thuwø mar paac bäre.»

Mikiya 2:11

Ni näk mo da nyikuŋ Jwøk man wø wïdi ni køpa luup tööt ki luup cwøk, mo köö, ni ‹Køøŋ omøki ki kwøŋ mo keec obëëdö ni thööth jaak,› teeŋ ŋatøgø beeye ni wø met yïthu ki gø.»

Mikiya 2:6

'Ba nyïïkuk Jwøk mo wø køp luup ki wïthge, ge wø köö ki aani, ni «Kär dwør Jwøk køpï. Kär dee dwør Jwøk mo køpï kiper gïï mo tägö dëëtwa. Bäŋ lään wïc mo ö bäätwa.»

Jøøn 7:7

'Ba jø piny ba doo maara männö ki uuni, 'ba beeye aani na mänge ki gø, kiper na caana moa reyø na tïïcge.

Jøøn 8:45

'Ba aani, kiper na caana adïëri, u bäŋ wø jïëy ki aani.

Moa Tïïc Nyïïatwieli 4:17

'Ba kiper luummögø nee ba nyaae këët dï jiy, beerra man köömmø ge, nee nyeŋŋøgø ba caange jï dhaanhø mør këët.»

Moa Tïïc Nyïïatwieli 5:28

ni kööe, na «?Aŋø, u kärwa mänö ki man pööu ki nyeŋŋøgø? 'Ba kawaane Jerucalem apääŋŋu ki pwöc maru, nou manynya man kälu rem ŋatøgø bäätwa.»

Wëëlö Mana Göör Pøølli Baŋ Jø Röm 16:18

Kiper teeŋ jøøgø nø ba tïny Kwääyø ma Krictø, 'ba ge tïnynya yïthge, ni ge maaŋŋa wïth jø wø cwïnyge cwøk ki luup mo ŋweeth.

Galeecia 4:16

?Aŋø, kawaane, aana tïmö na nyimän maru kiper na caana mana näk adïëri jïïu?

2 Timöthi 4:3

Kiper da kany mo öö, kanyo ö jiyi noo ba manyge pwöc ma adïëri, 'ba dëëtge omäänyge ki dïpööye moo caan gïïo mïn yïthge ki ge, kiper ïthge na jel ki man wïnyge luup mo ŋweeth.

2 Timöthi 4:4

'Ba ge kweer ki man wïnyge adïëri, ni tïmge ni ge wïïra jöör leer.

Mana Nyooth 11:7

'Ba noo nø thöörge gïrge na køpge, Lään wø ö wøk ki yi buura näk bäye bäŋ cuŋŋe, okëëdi ki geni ni bööt geni, ni 'näk geni,

1 Camiel 9:9

'Ba wara bëëde dïkwøŋ Icriel, kanyo näk mo dhaanhø cøøa kuna pëëny Jwøk, eni wø köö, ni «Ööï, waa cøø baŋ ŋat wø joot jammi ki køør man wø nyooth Jwøki.» Kiper ŋat cwøl ni nyikuŋ Jwøk nïri en, dïkwøŋ cwøl ni ŋat wø joot jammi ki køør man wø nyooth Jwøki.