Aydheea 3:12 - Wëël Jwøk

¹² Wui, obwöre beege na thiel jiya piny, ni tïm määnni na kwääri bäätge. Wui, u na jiya! Dïbwöthe mou uuna tïïcge nou gaau wøk; uuna kälge wøk øtjöör bëënynyö.

Aydheea 3:12 Iomraidhean Croise

2 Nyeye 11:1

'Ba kanya ö Athaliya mii Akadhiya na joot gø ni wääde othøw, ena ö maal ni 'näk jiy bëët moa en dhi øt nyec.

Jööp 30:13

Geni waŋjööra wø dëëtge dëëdö; ni wëëkge aani ränynyö ni bäŋ ŋat mo jooga geni.

Pwöc Leec Wïc 28:16

Kwäärö man wø caar jiy, wïïe bäŋ acaara, 'ba ŋat wø kwier jammi mo joot ki jöö mo patha adïëri wø døøya nïr kwøw moe mo thööth.

Luup Dïpööy 10:16

Otïmö ni leth jïrï, ï na paana näk nyeya marï bëëdö ka acaac lal, ni wø bwöthe moï møøl ri cam ka amöölla.

Aydheea 19:14

Wïthge akier Wuuö Jwøki ki jwïëy mo wø cwöth wïc, ni bwøthge Ijep ki jöö mo ba thïïŋ ki yïth tïïe mo gø bëët, ni tïm Ijepi kaamar dhaanhø mo omeer mo bøømmø ni ena yïth ŋwøk moe.

Aydheea 3:4

Aani obwöc cwøw tïïa tïïö na kwääri bäätge, ni tïmge ni ge ena tiet obwöre mo wïthge känni.

Aydheea 51:22

Man bee gïna caan Kwäärö Wuuö Jwøk, Jwøk maru, eni ni wø bëëdö ni pïëmö kiper jiye, ena köö, ni «Ka adïëri møn, aani, athöönh wëër mana cïba jïïu, na tïïc uuni nou bøømmø, akäla wøk ceŋŋu, nou ba cäŋ mäthö ki gø këët na bäre bäre.

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Mikiya 3:5

'Ba man beeye mana caan Wuuö Jwøki kiper nyïïkuk Jwøk mo wø køp luup ki wïthge, ni wø bwøth jiya nee gaage wøk, ena köö, ni «Kany wø näk da jiy mo tiet lakge di lëëŋŋö ki gïn mo nyamge, ge wø puta tïmö ni ge køpa luum bëët-mëër jïge. 'Ba ni näk da jiy mo dhøkge kär mooø ki cam, ge wø puta tïmö ni ge køpa luum leny jïge.

Neeyam 3:13

Ka adïëri møn, jø leny moï moø ni en yi paac marï yøø, gena mään. Dhøk kiir mo paac marï ojabø jaak. Dïdëëdi mo dhøk kiir moï othöör maaci.

Mathiew 15:14

Wiiu geni karge. Geni, ge caala cööye mo ge pieya cööye. Ni näk ŋat ma cwør pieya cwørri mør, ge pätha yi buur karge riet.»

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.