Aydheea 3:11 - Wëël Jwøk

¹¹ Wui, otïmö ni leth jï jø raay! Ränynyö ööa bäätge! Kiper gïïa reyø na tïïcge ki ceŋge døøa wïthge.

Aydheea 3:11 Iomraidhean Croise

Wïlöölö 18:25

Ba doo løny ki man tïïyï teeŋ gïnögø na bäre bäre, ki man 'nägï jøøa näk bëëtge beyø nyïmï ki jøøa näk tïïya raay na aciel bëët; caana gø ni jiy moa näk bëëtge beyø nyïmï ki jiy moa näk temma raay iï päärö na aciel bëët. Teeŋ gïnögø ba diï tïïö na bäre bäre. ?Aŋø, ŋat wø ŋøl luup mo bäät piny bëët, bäŋ wø ŋøl luup ma karge cooth?»

2 Camiel 3:39

'Ba aani, këël na bëëda ni aana nyeya mo wïïe othïïmmö ki maaw, dïcäŋi aana tïmö naa jääk; ni ö Jöap ka Abicay, wäät Dheruya, ni tïmge ni teeka geni ki aani. 'Ba ennø, beerra man ö Wuuö Jwøki ni cun ŋat raay ki køør raay mo wø tïïe.»

1 Nyeye 21:21

'Ba Wuuö Jwøk aköö, ni ‹Ï na Akap, ka adïëri møn, aani a känna bäätï ki gïn mo leth, ni nääa cwøw bëët moa käl dhi ødï moa en dï Icriel, këël laaŋe, ni puta ge jwiec bëët.

2 Luup Nyeye 6:23

beerra man wïnynyï gø ki maal ni ŋølï mar jiyï, ni jäälï ŋata mare raac, ni dwøgï gïna raac wïïe keere na tïïe, ni ŋunnï ŋata mare beer, ni duunnï jïre ki køør mare na beer.

Jööp 10:15

Wui, ni näk mo aano bääyö, otïmö ni leth jïra! 'Ba këël bëëtö mara doo tiir, wïïa ba daa tïŋ maal, kiper a ena yi laac wïc mo dwøŋ døc, naa raŋŋa gïna leth na ena yie.

Pwöc Leec Wïc 1:31

kiper manøgø nø, gïïo duu uutjïëth tïïe moge obelge, ni jäŋge ki gïïo jootge ki køør riek waŋ marge.

Pwöc Leec Wïc 11:31

?Ni näk mo ŋata mare beer di cunnö bäät piny kany, a ŋat raay ki ŋat wø tïïc gïï mo reyø okääŋge nidïï?

Pwöc Leec Wïc 12:14

Dhaanhø wø jäŋ ki gïï mo beyø ki køør luupe ni wø cur dhee, ni ö tïïe mo wø tïïc dhaanhe ki cere ni duunge jïre.

Pwöc Leec Wïc 26:27

Ŋat wø koony buur kiper watge, eni ki dëëre pätha yie, ni ŋat wø cöör kïdi bäät watge, oduu bääte keere.

Luup Dïpööy 8:13

'Ba kiper ŋat wø tïïc gïn mo raac ni wø bëëdö ni ba lwäär ki Jwøk, tïmö ni ba beer kipere. Eni nïr kwøw moe tïmö kaamar tïpö ni wø ba ruu ki kany mo bäär.

Aydheea 13:11

'Ba a na Wuuö Jwøk, piny jääla jäälö kiper rääö mare, ni jääla jø raay kiper raay moge. Aani thuwø, jø atöör, atöör marge raanynya raanynyø, ni ö bëët koorrø mar jøøa no ogäy ni dwøga gø piny.

Aydheea 48:22

Wuuö Jwøk aköö, ni «Bëët-mëër bäŋgø jï jø raay.»

Aydheea 65:20

«Kar kaace otïmö ni bäŋ nyilaal mo thøw ni thiinh këët, ni bäŋ dhaanhø mo thøw ni kär jäŋ ki cwiiri. 'Ba ni näk dhaanhø thøw ni cwiiye dïpa, poot nëëni ni thiinh jaak; 'ba ni näk da ŋat mo ba pïï ri dïpa, di købø no ocienø.

Aydheea 65:6

«Ka adïëri møn, gïïögø bëëdö no ogöör piny nyïma, naa ba lïŋi, 'ba gïïa tïïcge coola coolø. Aani, gïïa tïïcge dwøga bäätge,

Aydheea 65:7

ni beege raay moa tïïcge ki moa tïïc kwäcge. Manøgø caana aani, a na Wuuö Jwøk. 'Ba kiper mana bëëtge ni ge wääŋö ki jer wø jïcge ŋwääi ni met bäät kïte, ni ge janynya aani bäät thuuri, gïïa tïïcge coola coolø ni yaa rømø ki køør tïïe moge moa dïkwøŋ na reyø.»

Jeremaya 21:14

'Ba a na Wuuö Jwøk, u jääla jäälö ki køør tïïe mou na reyø, ni waaŋa paan dwøŋ maru ki maac ni ö gïïo en lage bëët ni thööri ya maaci.»

Jeremaya 31:30

'Ba ŋati man nø otïmö ni thøw kaper raaye keere; ŋato cam nyïïjerø wac yøø, eni ki dëëre lage tïmö ni liir.»

Edhikiel 16:59

« ‹'Ba a na Kwäärö Wuuö Jwøk, luum caana jïrï bee en: Gïnögø tïïa tïïö dëërï kaawat mana tïïyï gø, kiper gïna kööŋï kipere aweyï ki køør mana raanynyï luumma tuut ki ïïni.

Edhikiel 18:20

Kiper ŋat wø tïïö ki raay bee eni noo thøw. Nyilaal ba doo jäälö kiper raay moa tïïc wänni, ni wuuö ba doo jäälö kiper raay moa tïïc wääde. Ŋata beer wø maga japa beyø na tïïe, ni ŋata raac japa reyø na tïïe dwøga wïïe.

Edhikiel 2:10

'Ba na peer gø nyïma, aputa joot no ogöörö ki yie ki ŋääe; ni luup moa no ogöörö bääte beege luup kïmmö, ko oduuru, ki cooyø.

Edhikiel 24:14

A na Wuuö Jwøk, luubö mara anø caana. Cäŋ man tïïa yie aløny ni öö. Aani cwïnya ba wara, ni bäŋ bäth ec mo nyoodha jïrï, wala ki man päth cwïnya ki gïrï. Aani ï jääla jäälö ki køør uutjïëthe moï ki japa reyø na tïïyï.› Luummögø caana aani, a na Kwäärö Wuuö Jwøk.»

Edhikiel 33:8

Ni näk mo aano köö jï ŋat raay, ni ‹Wui ï na ŋat raay, ï thøw møn,› ni kärï ci baŋe kuna köömmï gø nee uutjïëthe moe wiie, ŋat raay manøgø thøw yïth raay moe, 'ba aani remø mare pëënynya pëënynyö bäätï.

Mikiya 3:4

'Ba da kany mo öö mou jwöŋö dëër Wuuö Jwøk, ni ö eni ni ba løk maru jïïu. 'Ba kar kaace, eni täärnyïme okane ki uuni kiper gïïa tïïyu na reyø.

Mikiya 7:13

'Ba løø piny mano dööŋ oränynyi ki køør raay mo jø wø bëëdö yie.

Kwään Jiy 32:23

«'Ba ni näk mo ba tïïyu, u bääyö dëër Wuuö Jwøk; 'ba wär ŋäyu ni raay mou keeru røma rou.

2 Körin 5:10

Kiper øøni bëët ø cuŋŋö nyïm thunh løøk mar Krictø, nee ŋati man nø jïte ki gïno joode na näk orømø ki gïïa tïïe na en ri dëël, nee gïï mo beyø, wala gïï mo reyø.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.

Pïëmme 9:57

Këël gïïa reyø bëët na tïïc jø Cekammi adwøk Jwøki wïthge thuwø, ni ö luupi moa car Jöthammi o Jerubaal ni keda luup acïëni ni put pïï bäätge møn.