Aydheea 29:9 - Wëël Jwøk

⁹ Bëëdu ni uuno bwøk, ni yïthu othäŋŋö, tïmu ni uuna cööye nou ba nëënö, bëëdu ni uuno meer, ni paa ki køøŋø, bëëdu nou bøømmø, 'ba maru patha meerø ki køøŋø.

Aydheea 29:9 Iomraidhean Croise

Aydheea 1:2

Wuuö Jwøk aköö, ni «Wui, Maal, cek ïthï! Wui, Piny, wïnynyï! Obwöre moa piidha na døøŋŋø cera, gena ö maal bääta ni gëëmge ki aani.

Aydheea 19:14

Wïthge akier Wuuö Jwøki ki jwïëy mo wø cwöth wïc, ni bwøthge Ijep ki jöö mo ba thïïŋ ki yïth tïïe mo gø bëët, ni tïm Ijepi kaamar dhaanhø mo omeer mo bøømmø ni ena yïth ŋwøk moe.

Aydheea 29:1

Wui, otïmö ni leth jïrï, ï na Ariël, ï na päänya tïïc Deebiti na kar bëëtö mare. Mëëtï ki cwiir bäät cwiir mør, ni ö nïne mo ajwöm moï ni bëëtge ni nut karge.

Aydheea 29:10

Kiper Wuuö Jwøk akän bäätu ki jwïëc niine mo thööth, ni wëëk nyeŋŋu nijïïm, u na nyïïkuk Jwøk, ni cïëk wïthu, u na jø wø joot jammi ki køør man wø nyooth Jwøki jïïu.

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 51:17

Wui Jerucalem, päyï! Päyï nø, ni ööï maal, ï na no omäthö ya athöönh wëër cer Wuuö Jwøk. Amaathï møn ni thöörï gø, ni put ïïni wëëk bøømmø.

Aydheea 56:10

Jø koor mo Icriel gena cööye; bäŋ gïn mo ŋäcge ge bëët. Ge bëët, ge caala guu mo dhøkge orïpö, mo ba løny ki man gucge, ge bëëdö ni geno butö jaak ni marge lääk, ni gena jiy mo yïthge met ka niine,

Aydheea 6:10

Tïïc cwïny jøøgø ni teek, ni cïëgï ïthge, ni meyï nyeŋge, nee tïme ni ba løny ki man nëënge ki nyeŋge, ni ba wïnyge ki ïthge, ni ba ci luupi cwïnyge, ni ba duuge baŋ Jwøk ki man jïtge ki køny.»

Aydheea 63:6

Wïth juurre anyøra ki gootø mara, ni wëëga ge meerø ki køør wëër mara, ni kønynya remge piny yïth ŋøøm.»

Jeremaya 13:13

Køøre caanï caanø jïge ni mana ŋøl Wuuö Jwøki beeye en, ena köö, ni ‹Ennø, aani jiy bëët mo wø bëëdö yi ŋöömmi en jääla jäälö, ni tïïa geni kaamar jiy mo ojäŋ ki kwøŋ ni ge meeyø, ni beege nyeye mo wø läw bäät wäl Deebit, ki dïlämme, ki nyïïkuk Jwøk, ki jiy bëët mo wø bëëdö Jerucalem.

Jeremaya 2:12

Wui, ï na maal, beerra man ö yiï ni neethay ki gïnögø, ni thääŋ yiï, ni tïm dëërï ni kwanynyi.

Jeremaya 23:9

'Ba kany wø caara bëët nyïïkuk Jwøk, cwïnya puta pädhö døc, ni tïm dëëra ni kwanynyi. Aana tïmö naa caala dhaanhø moo meer moo bööt køøŋe, kany wø cäda kiper Wuuö Jwøk, ki luup moe na en kur keerge.

Jeremaya 25:27

Ni kö Wuuö Jwøki jïra, ni «Caanï jïge, ni ‹Luumma caan Wuuö Jwøki, Jwø Icriel, eni na wïth jammi bëët, beeye en: Mäthu ni meerru, ni ŋwøgu, ni päänhnhu, ni ba duu maal këët, ki køør mäny mano jääŋŋa baŋu.›

Jeremaya 4:9

'Ba dïcäŋöce nyeya ki jø kööre bäätge opädhi, ni thäŋ yïth dïlämme, ni ö nyïïkuk Jwøki ni bwøk cwïnyge.» Luummögø caana Wuuö Jwøki.

Jeremaya 51:7

Babiløn abëëdö ni ena cer Wuuö Jwøk kaamar ogubany warkey mar ajäla, na wëëk bäät piny bäre meerø. Eni, wïth juurre bëët mo bäät piny amaadhe ki køøŋ ogubanynyøgø ni meerge, ni putge bëëdö kaamar bøøre.

Wëël Kïmmö 4:21

Wui, jø Ëdöm, yïthu mïnge ni kanynyu nø, u ni wø bëëdö yi ŋööm Uc; 'ba uuni athöönh ajäla di jääŋŋö baŋu thuwø, ni mäthu ni meerru ni dööŋŋu ki dëëtu.

Abakuk 1:5

«Raŋŋu gïno tïïc wïth juurre ni neennu gø døøc, yïthu othäŋŋi ni rëëm yïthu, kiper aani da gïn mo tïïa tïïö yïth nïne mou, na gïn mo ba ŋääthu këël doo na olamø jïïu.

Mathiew 26:45

Køøre ena duu baŋ bääŋi moe ni kööe jïge, na «?Aŋø, u poot ni uuno butö, nou jwöma rou en? Neennu, kanya wäŋŋi kare acäännö, ni Wär Dhaanhø cïba ceŋ jø raay ennø.

Maak 14:41

'Ba Jecu acäŋ duuö ri dääge ni kööe jïge, no «?U poot ni uuno butö en, nou jwöma rou? Manøgø päl nø. Kanya wäŋŋi aöö. Wär Dhaanhø cïba ceŋ jø raay ennø.

Mana Nyooth 17:6

Ni jooda dhaaŋŋøgø no omeer ki rem jø Jwøk ki rem lïŋŋe mo Jecu. 'Ba na neena gø, yia athäŋŋö døc.