Aydheea 29:4 - Wëël Jwøk

⁴ Ïïni, ï dwøga piny, ni tïm cäänö marï ni ö wøk ka yïth ŋøøm; dwørï ööa wøk ki yi tør, ni tïm dwørï ni ö wøk ka yïth ŋøøm kaamar dwør jwïëc dhaanhø mo othøw, ni ö cäänö marï ni tïme ni wïnyi ni muuŋö ki yi tør.

Aydheea 29:4 Iomraidhean Croise

Aydheea 3:8

Kiper Jerucalem onø bøømø, ni ö Juuda ni nø pädhe, kiper luup mo wø carge ki tïïe moge ge raanynya cwïny Wuuö Jwøk ki ge, ni marge ageem ki Wuuö Jwøk na näk Jwø ajiem.

Aydheea 32:19

'Ba pey opänhnhi, ni ö lulli ni gøøi piny, ni put pääny dwøk piny na bäre.

Aydheea 51:23

'Ba aani, athöönh wëër manøgø lwøra lwørø baŋu ni cïba gø ceŋ jø wø tïïc bëëtö maru ni teek, ni beege jø wø köö ki uuni, ni ‹Butu piny, nee wa cääthwa ki bäätu.› Ni tïïyu dïŋäthu kaamar piny, nee tïme kaamar øtjöö nee cäädhö ki bäätu.»

Aydheea 52:2

Wui ï na Jerucalem, ï na näk omaa ki tøŋ, teeŋ tør wøk dëërï nø, ni ööï maal! Wui ï na Dhayan na caal nyakøø, ï na näk omaa ki tøŋ, pät oguudi wøk nø moa no otwöö cwaagï.

Aydheea 8:19

Kanyo cään jiyi ki uuni, ni «Pëënynyu jøøa näk rege da juu mo cøøra jwïëc jiy moa no othøw, jø wø ŋuri ni muuŋö,» käru jïëy. ?Aŋø, jiy ba doo na ge pëënynya Jwøk marge? ?Aŋø, jøøa no othøw doo pëënynyö kiper bëët jøøa kwøw?

Wëël Kïmmö 1:9

Gïna tïïc gø ni ba waany nëënö dëër abïïne, 'ba eni kär cädö kiper yi nyïme. Ena pädhö ki pädhö mo thääŋa ec, ni bäŋ ŋat moo cøm cwïnye. Ni kööe, ni «Wui Wuuö Jwøk, neen caarø mara, kiper nyimän mara böödö eni.»