Aydheea 29:23 - Wëël Jwøk

²³ 'Ba kanyo jootge obwöre moge moa tïïa ki cera ni nut yïthakicge, nyeŋŋa na en kur keere ojiemge, ni wøørge aani na Jwø Jeekap na en kur keere, ni cuŋge nyïma ni ge lwäär ki aani, a na Jwø Icriel.

Aydheea 29:23 Iomraidhean Croise

Aydheea 19:25

Wuuö Jwøk, eni na wïth jammi bëët, geno gwïëdhe ni kööe, ni «Gwïëth en jï jø Ijep, ge na jiya, ki jï jø Aciria na tïïa ki cera, ki jï jø Icriel na näk yaa jierø na 'moa.»

Aydheea 26:12

Wui Wuuö Jwøk, bëët-mëër wø cïpa ïïni jïwa; ni tïïe mowa bëët thur karge ka køør køny marï man wø tïïyï jïwa.

Aydheea 28:21

Kiper Wuuö Jwøk ööa maal bäätu kaawat mana tïïe bäät Kïn Peradhim; eni wëër kaawat mana tïïe yi goor Gibien; ni ööe ni tïïe ki gïn mo kär dïëdö, ni beeye gïn mo nyään mo kär kwøŋ tïïc.

Aydheea 43:21

Jiya moa tïïa kiper dëëra ajiem mara caange caanø.

Aydheea 43:7

ni beege jiy bëët moa näk cwøla ri nyeŋŋa, na cwääa kiper ajiem mara, ni beege moa tïïa ki cera kiree.› »

Aydheea 45:11

Man beeye dwør Wuuö Jwøk, eni na Jwø Icriel na en kur keere, na cwääc Icriel, ena köö, na «?Aŋø, a dou pëënynyö kiper gïïo tägi yi nyïm kiper obwöre 'moa, naa dou köömmö kiper gïïa tïïa ki cera?

Aydheea 5:16

'Ba Wuuö Jwøk, eni na wïth jammi bëët, nyeŋŋe obëëdö ni ena maal ki ri ŋøl mare; ni ö eni na Jwøk na en kur keere ni nyooth ree ni eni ena kur keere ki køør bëënynyö mare.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 8:13

'Ba a na Wuuö Jwøk na näk wïth jammi bëët beeye a ŋata dou wøørø ni ena kur keere, ni beeye a ŋata dou lwäärö, ni beeye a ŋata di cwïnynyu böö ki gø.

Edhikiel 38:16

Niï ööï kaamar pöölö mo uuma piny, nee jiya ma jø Icriel tugï. Wui, Göök, noo tïme na yïth nïne moo ööi, ïïno tïïa nee ŋöömö mara tugï, kiper naa ŋäc wïth juurre kanyo nyoodha bëëtö mara na en kur keere nyïmge ki riï.›

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Ciik Kiper Dïlämme 10:3

Ni put Modhe köö jï Aran, ni «Manøgø beeye gïna caan Wuuö Jwøki na kööe, «ni ‹Jiy mo wø nyänh buuta naa tïnyge, a wär raŋge naa ena kur keera, naa bëëdö naa di wøørø nyïm jiy bëët.› » 'Ba Aran alïŋö jaak.

Mathiew 6:9

Kiper manøgønø, wäru wø lämu na ennønø, «ni ‹Wääwa ni en maal, nyeŋŋï wøør,

Epeca 2:10

Kiper øøna gïïa tïïe, ni cwääc ka ri Krictø Jecu kiper tïïe moa beyø, moa näk ojiiŋ Jwøki cøøn, nee ø bëëdø ni ø tïïya geni.

Mana Nyooth 15:4

?Aŋa noo ba lwäyi ni ba jiem nyeŋŋï, ï na Wuuö? Kiper bee ï keerï niï ena kur keerï. Mïëri bëët öö ni wøørge ïïni, kiper ŋøl marï anyooth.»

Mana Nyooth 19:5

Ni ö dwølli mør ki bäät wälu mo köö, ni «Pwøyu Jwøk marø, u na laage bëët, u jø wø lwäär gø, ni beege moa therø ki moa døøŋŋø.»